കേരളത്തിലെ ഇന്നത്തെ വില

സംസ്ഥാനത്ത് ഇന്ന് പെട്രോളിന് 10 പൈസയും ഡീസലിന് ഏഴ് പൈസയുമാണ് കുറഞ്ഞിരിക്കുന്നത്. പെട്രോൾ ലിറ്ററിന് 77.902 രൂപയും ഡീസൽ ലിറ്ററിന് 72.497 രൂപയുമാണ് നിരക്ക്. അതേസമയം ഇന്നലെ ഇന്ധനവിലയിൽ മാറ്റം ഉണ്ടായിരുന്നില്ല.

വിവിധ ന​ഗരങ്ങളിലെ വില

ഇന്നത്തെ കണക്കനുസരിച്ച് ഒരു ലിറ്റർ പെട്രോളിന് ഡൽഹിയിൽ 74.51 രൂപയും മുംബൈയിൽ 80.11 രൂപയും ബംഗളൂരുവിൽ 77 രൂപയും ഗുഡ്ഗാവിൽ 74.06 രൂപയും ഹൈദരാബാദിൽ 79.14 രൂപയുമാണ് വില. ഡീസൽ ലിറ്ററിന് ഡൽഹിയിൽ 67.43 രൂപയും, മുംബൈയിൽ 70.69 രൂപയും ബംഗളൂരുവിൽ 69.67 രൂപയും ഗുഡ്ഗാവിൽ 66.49 രൂപയും ഹൈദരാബാദിൽ 73.44 രൂപയുമാണ് നിരക്ക്.

ഡ്രോൺ ആക്രമണം

സൗദി അറേബ്യയിലെ എണ്ണ സംസ്ക്കരണ പ്ലാന്റിന് നേരെയുണ്ടായ ഡ്രോൺ ആക്രമണത്തിന് മുമ്പാണ് പെട്രോൾ വില അവസാനമായി കുറഞ്ഞത്. ഡ്രോൺ ആക്രമണത്തിന് ശേഷം വില കുത്തനെ ഉയരുകയായിരുന്നു. എന്നാൽ കഴിഞ്ഞ ഏഴു ദിവസമായി ക്രൂഡ് ഓയിൽ നിരക്ക് എല്ലാ ദിവസവും കുറയുന്നുണ്ടായിരുന്നു. ഇപ്പോൾ ഏകദേശം രണ്ട് മാസത്തിനിടയിലെ ഏറ്റവും താഴ്ന്ന നിലയിലാണ് നിരക്ക് എത്തിയിരിക്കുന്നത്.

ബ്രെൻറ് ക്രൂഡ് ഓയിൽ

ബ്രെൻറ് ക്രൂഡ് ഓയിൽ ഫ്യൂച്ചേഴ്സ് നിരക്ക് 0.2 ശതമാനം ഉയർന്ന് 0209 ജിഎംടി ബാരലിന് 57.79 ഡോളറിലെത്തി. യുഎസ് വെസ്റ്റ് ടെക്സസ് ഇന്റർമീഡിയറ്റ് ക്രൂഡ് ഫ്യൂച്ചർ 23 സെൻറ് അഥവാ 0.4 ശതമാനം ഉയർന്ന് ബാരലിന് 52.87 ഡോളറിലെത്തി. ബുധനാഴ്ച 1.8 ശതമാനം ഇടിഞ്ഞിരുന്നു.