Just In
-
-
-
-
Don't Miss
-
രാഹുല് കേരളത്തില് വന്ന് പറയുന്നത് കപട രാഷ്ട്രീയ നിലപാട്: എപി അബ്ദുളളക്കുട്ടി -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
സർക്കാർ ജീവനക്കാരുടെ ഹൗസ് ബിൽഡിംഗ് അഡ്വാൻസിനുള്ള പലിശ 8.5 ശതമാനത്തിൽ നിന്ന് 7.9 ശതമാനമായി കുറച്ചു. ജീവനക്കാരുടെ ഭവന ആവശ്യകത വർധിപ്പിക്കുന്നത് ലക്ഷ്യമിട്ടാണ് കേന്ദ്ര സർക്കാർ പലിശ നിരക്കിൽ ഇളവ് വരുത്തിയത്. ഒക്ടോബർ 1 മുതൽ പുതിയ പലിശ നിരക്ക് പ്രാബല്യത്തിൽ വന്നതായി കേന്ദ്ര ഭവന, നഗരകാര്യ മന്ത്രാലയം അറിയിച്ചു.
വായ്പാ തുക കണക്കിലെടുക്കാതെ തന്നെ ഹൗസ് ബിൽഡിംഗ് അഡ്വാൻസിന്റെ (എച്ച്ബിഎ) പലിശ നിരക്ക് സർക്കാർ ജീവനക്കാർക്ക് നിലവിലുള്ള 8.5 ശതമാനത്തിൽ നിന്ന് 7.9 ശതമാനമായി കുറക്കാൻ തീരുമാനിച്ചതായി മന്ത്രാലയം അറിയിച്ചു. സ്ഥിരം ജീവനക്കാർക്കും അഞ്ച് വർഷത്തെ തുടർച്ചയായ സേവനം ചെയ്ത താൽക്കാലിക ജീവനക്കാർക്കും ഹൗസ് ബിൽഡിംഗ് അഡ്വാൻസ് ലഭിക്കും.
എച്ച്ബിഎ നിയമങ്ങൾ‌ക്കനുസൃതമായി ജീവനക്കാർക്ക് ഹൗസ് ബിൽഡിംഗ് അഡ്വാൻസ് അനുവദിക്കുന്നതിനുള്ള അധികാരം ഭവന, നഗരകാര്യ മന്ത്രാലയം വിവിധ വകുപ്പുകൾ‌ക്ക് നൽകിയിട്ടുണ്ട്. കഴിഞ്ഞ മാസം കേന്ദ്ര ധനമന്ത്രി നിർമ്മല സീതാരാമൻ വീട് നിർമ്മാണ അഡ്വാൻസിന്റെ പലിശ നിരക്ക് കുറയ്ക്കുമെന്നും 10 വർഷത്തെ ജി-സെക്കൻഡ് വരുമാനവുമായി ബന്ധിപ്പിക്കുമെന്നും പ്രഖ്യാപിച്ചിരുന്നു. പുതിയ തീരുമാനം കൂടുതൽ സർക്കാർ ജീവനക്കാരെ പുതിയ വീടുകൾ വാങ്ങാനോ പണിയാനോ പ്രേരിപ്പിക്കുമെന്നും മന്ത്രി വ്യക്തമാക്കി.
നിലവിൽ ഭാര്യയും ഭർത്താവും സർക്കാർ ജീവനക്കാരാണെങ്കിൽ രണ്ടു പേർക്കും എച്ച്ബിഎ എടുക്കാം. ഒരുമിച്ചോ വെവ്വേറെയോ. നേരത്തേ ഭാര്യാഭർത്താക്കന്മാരിൽ ഒരാൾക്കേ എച്ച്ബിഎ എടുക്കാൻ കഴിയുമായിരുന്നുള്ളൂ. ധനകാര്യ സ്ഥാപനങ്ങളിൽ നിന്നോ ബാങ്കുകളിൽ നിന്നോ എടുത്ത ഭവന വായ്പ എച്ച്ബിഎയിലേക്ക് മാറ്റാനുമാകും.
malayalam.goodreturns.in
