കുടുംബത്തോടൊപ്പം ട്രെയിനില്‍ യാത്ര ചെയ്യുന്ന ആളുകള്‍, അവധിക്കാലം സുഹൃത്തക്കോളൊടൊപ്പം ചെലവഴിക്കാന്‍ യാത്ര ചെയ്യുന്നവര്‍, അല്ലെങ്കില്‍ ഒരു കുടുംബം ഒരിടത്ത് നിന്ന് മറ്റൊരിടത്തേക്ക് മാറുമ്പോഴൊക്കെ മാസത്തില്‍ ആറിലധികം ട്രെയിന്‍ ടിക്കറ്റുകള്‍ ബുക്ക് ചെയ്യേണ്ടതുണ്ട്. ട്രെയിന്‍ ടിക്കറ്റ് കിട്ടാതിരിക്കുന്നത് ഒഴിവാക്കാന്‍, ആളുകള്‍ ഒരു ഇടപാടില്‍ പരമാവധി ടിക്കറ്റ് ബുക്ക് ചെയ്യുന്നു. സാധാരണയായി, ഒരു വ്യക്തിക്ക് തന്റെ ഐആര്‍സിടിസി അക്കൗണ്ടില്‍ നിന്ന് ഒരു മാസം പരമാവധി ആറ് ട്രെയിന്‍ ടിക്കറ്റുകള്‍ ബുക്ക് ചെയ്യാന്‍ അനുവാദമുണ്ട്. എന്നാല്‍, ഐആര്‍സിടിസി അക്കൗണ്ടുമായി ആധാര്‍ കാര്‍ഡ് ലിങ്കുചെയ്യുന്നതിലൂടെ ഒരാള്‍ക്ക് പരമാവധി 12 ട്രെയിന്‍ ടിക്കറ്റുകള്‍ ബുക്ക് ചെയ്യാം.

ഉപഭോക്താക്കള്‍ക്ക് ബന്ധപ്പെട്ട ഐആര്‍സിടിസി അക്കൗണ്ടില്‍ ആധാര്‍ കാര്‍ഡ് വിശദാംശങ്ങള്‍ പരിശോധിക്കാന്‍ കഴിയും. ഒരൊറ്റ ഐആര്‍സിടിസി അക്കൗണ്ടില്‍ നിന്നും 12 ട്രെയിന്‍ ടിക്കറ്റുകള്‍ ബുക്ക് ചെയ്യുന്നതിന്, ബുക്ക് ചെയ്യുന്ന വ്യക്തിയ്ക്കും പട്ടികയിലെ മറ്റേതെങ്കിലും ഒരാള്‍ക്കോ ആധാര്‍ ലിങ്കുചെയ്ത ഐആര്‍സിടിസി അക്കൗണ്ട് ഉണ്ടായിരിക്കണം. ഐആര്‍സിടിസിയുടെ ഇ-ടിക്കറ്റിംഗ് വെബ്‌സൈറ്റായ www.irctc.co.in ല്‍ ട്രെയിന്‍ ടിക്കറ്റ് ബുക്ക് ചെയ്യുന്നതിന് മുമ്പായി ഒരു ഉപഭോക്താവ് പാസഞ്ചര്‍ മാസ്റ്റര്‍ പട്ടികയില്‍ പരിശോധിച്ച യാത്രക്കാരെ അപ്‌ഡേറ്റ് ചെയ്യേണ്ടതുണ്ട്. ബുക്കിംഗ് സമയത്ത് മാസ്റ്റര്‍ ലിസ്റ്റില്‍ നിന്ന് ആധാര്‍ യോഗ്യതയുള്ള യാത്രക്കാരെ ചേര്‍ക്കാം.

നിങ്ങളുടെ ഐആര്‍സിടിസി അക്കൗണ്ട് ആധാറുമായി ബന്ധിപ്പിക്കുന്നത് എങ്ങനെ?

നിര്‍ദ്ദിഷ്ട യൂസര്‍ ഐഡിയും പാസ്‌വേര്‍ഡും ഉപയോഗിച്ച് ഐആര്‍സിടിസി അക്കൗണ്ട് തുറന്നതിനു ശേഷം ഒരു ഉപഭോക്താവിന് 'My Account' എന്ന ടാബില്‍ ക്ലിക്ക് ചെയ്ത് 'Link your Aadhaar' എന്ന ഓപ്ഷന്‍ തെരഞ്ഞെടുത്ത് ആധാര്‍ ലിങ്ക് ചെയ്യാവുന്നതാണ്.

ആധാര്‍ കാര്‍ഡ് നമ്പറും പേരും നല്‍കി ചെക്ക്‌ബോക്‌സ് തിരഞ്ഞെടുത്ത് 'Send OTP' ക്ലിക്കുചെയ്യണം. ആധാറുമായി രജിസ്റ്റര്‍ ചെയ്ത മൊബൈല്‍ നമ്പറില്‍ കിട്ടിയ ഒറ്റത്തവണ പാസ്‌വേര്‍ഡ് (ഒടിപി) സ്വീകരിച്ച ശേഷം, 'Verify OTP' ക്ലിക്ക് ചെയ്യുക. തുടര്‍ന്ന് ആധാര്‍ പരിശോധന പ്രക്രിയ പൂര്‍ത്തിയാക്കുന്നതിന് 'UPDATE' ബട്ടണില്‍ ക്ലിക്കുചെയ്യുക.

ഇത്രയും ചെയ്താല്‍ നിങ്ങളുടെ ആധാര്‍ ഐആര്‍സിടിസി അക്കൗണ്ടുമായി ലിങ്ക് ചെയ്യപ്പെടും. തുടര്‍ന്ന് കാണിക്കുന്ന സ്‌ക്രീനില്‍ നിങ്ങളുടെ ആധാര്‍ ലിങ്ക് ചെയ്തതായുള്ള മെസേജും വീണ്ടും ലോഗിന്‍ ചെയ്യാനുള്ള ഓപ്ഷനും ഉണ്ടാവും.

ഇനി നിങ്ങളുടെ ഐആര്‍സിടിസി അക്കൗണ്ടുമായി ആധാര്‍ ലിങ്ക് ചെയ്യപ്പെട്ടോ എന്ന് അറിയുന്നതിന്, IRCTC e-ticketing വെബ്‌സൈറ്റിലെ ടോപ്പ് നാവിഗേഷനില്‍ ഉള്ള 'My Account' ടാബിലെ 'Link You Aadhaar' എന്ന ഓപ്ഷന്‍ തിരഞ്ഞെടുത്താല്‍ മതി.