ഒക്ടോബറിലെ സ്വർണ വില

ഒക്ടോബർ ആദ്യം സ്വർണ വില കഴിഞ്ഞ മാസത്തെ അപേക്ഷിച്ച് കുറഞ്ഞിരുന്നെങ്കിലും പിന്നീട് വില കുത്തനെ ഉയരുകയായിരുന്നു. വീണ്ടും വില 28000ന് മുകളിലേയ്ക്ക് ഉയർന്നു. ഒക്ടാബറിലെ ഏറ്റവും കുറഞ്ഞ വില ഒക്ടോബർ ഒന്നിന് രേഖപ്പെടുത്തിയ പവന് 27520 രൂപയാണ്.

കഴിഞ്ഞ മാസത്തെ വില

സെപ്റ്റംബറിലെ ഏറ്റവും കുറഞ്ഞ വില പവന് 27680 രൂപയായിരുന്നു. കൂടാതെ കഴിഞ്ഞ മാസം സ്വർണത്തിന് ചരിത്രത്തിലെ തന്നെ ഏറ്റവും ഉയർന്ന റെക്കോർഡ് വിലയും രേഖപ്പെടുത്തിയിരുന്നു. സെപ്റ്റംബർ നാലിനാണ് റെക്കോർഡ് വിലയായ 29120 രൂപയായി സ്വർണ വില ഉയർന്നത്.

ആഗോള വിപണി

ആഗോള വിപണിയിൽ, സ്വർണ വില മൂന്നാം ദിവസവും ഇടിവ് രേഖപ്പെടുത്തി. സ്‌പോട്ട് സ്വർണം 0.2 ശതമാനം ഇടിഞ്ഞ് 1,489.80 ഡോളറിലെത്തി. ഈ ആഴ്ച അവസാനം ആരംഭിക്കാൻ പോകുന്ന യുഎസ്-ചൈന വ്യാപാര ചർച്ചകളിലാണ് സ്വർണ്ണ വ്യാപാരികൾ ശ്രദ്ധ കേന്ദ്രീകരിക്കുന്നത്.

സ്വർണ്ണ ഫ്യൂച്ചർ വില

ഇന്ത്യയിൽ സ്വർണ ഫ്യൂച്ചർ വിലയും കുത്തനെ ഇടിഞ്ഞു. തിങ്കളാഴ്ച എംസിഎക്‌സിൽ 38,060 രൂപയിലാണ് ക്ലോസ് ചെയ്തത്. ഇന്ന് പൊതു അവധിയായതിനാൽ ഉച്ചയ്ക്ക് ശേഷം മാത്രമേ വ്യാപാരം ആരംഭിക്കൂ. ആദ്യ പകുതിയിൽ മാർക്കറ്റ് പ്രവർത്തിക്കില്ല. ഉച്ചയ്ക്ക് ശേഷം സ്വർണ്ണ വില വീണ്ടും കുറയാൻ സാധ്യതയുണ്ട്. എം‌സി‌എക്‌സിലെ സിൽവർ ഫ്യൂച്ചേഴ്സ് വിലയും തിങ്കളാഴ്ച 0.48 ശതമാനം കുറഞ്ഞ് 45,160 രൂപയിലെത്തിയിരുന്നു.