ഉത്തേജന പാക്കേജിലെ നിർദ്ദേശങ്ങൾ

ഉത്തേജന പാക്കേജിലെ പ്രധാന നിര്‍ദേശങ്ങളില്‍ ചിലത് താഴെ പറയുന്നവയാണ്.

• ജീവനക്കാർക്ക് വിആര്‍എസ് അനുവദിക്കുക
• വിരമിക്കല്‍ പ്രായം 60ല്‍ നിന്ന് 58 ആക്കി കുറയ്ക്കുക
• 4ജി സ്‌പെക്ട്രം സര്‍ക്കാര്‍ അനുവദിക്കുക

ജീവനക്കാർ എന്ത് ചെയ്യും?

ബിഎസ്എന്‍എല്ലും എംടിഎന്‍എല്ലും അടച്ചുപൂട്ടിയാല്‍ പെരുവഴിയിലാകുന്നത് രണ്ടു ലക്ഷത്തോളം ജീവനക്കാരാണ്. അടച്ചു പൂട്ടാൻ തീരുമാനിച്ചാൽ രണ്ട് പൊതുമേഖലാ സ്ഥാപനങ്ങളിലെയും ജീവനക്കാർക്ക് വിആർ‌എസ് നൽകേണ്ടി വരും. അടച്ചുപൂട്ടുമ്പോള്‍ വരുന്ന ചെലവ് 95000 കോടിയാണെന്നത് എകദേശ കണക്കാണ്. ജീവനക്കാരുടെ മുഴുവന്‍ വിവരങ്ങള്‍ ശേഖരിച്ച് ചെലവ് കണക്കാക്കിയാലും ഈ തുകയേക്കാള്‍ കൂടില്ല എന്നാണ് ധനമന്ത്രാലയത്തിന്റെ വിലയിരുത്തല്‍.

മൂന്ന് വിഭാ​ഗം

രണ്ട് പൊതുമേഖലാ സ്ഥാപനങ്ങളിലും മൂന്ന് തരത്തിലുള്ള ജീവനക്കാരാണുള്ളത്.

• സ്ഥാപനങ്ങൾ നേരിട്ട് റിക്രൂട്ട് ചെയ്യുന്നവർ.
• മറ്റ് പൊതുമേഖലാ സ്ഥാപനങ്ങളിൽ നിന്നോ സർക്കാർ വകുപ്പുകളിൽ നിന്നോ വന്ന് ഈ സ്ഥാപനങ്ങളിൽ ലയിച്ചു ചേർന്നവർ
• ഇന്ത്യൻ ടെലികമ്മ്യൂണിക്കേഷൻ സർവീസ് (ഐടിഎസ്) ഉദ്യോഗസ്ഥർ

ഐ‌ടി‌എസ് ഉദ്യോഗസ്ഥർക്ക് വി‌ആർ‌എസ് വേണ്ട

ഐ‌ടി‌എസ് ഉദ്യോഗസ്ഥർക്ക് വി‌ആർ‌എസ് നൽകേണ്ടതില്ല, മറിച്ച് മറ്റ് സർക്കാർ വകുപ്പുകളിലേക്ക് വിന്യസിക്കാൻ കഴിയും. നേരിട്ട് റിക്രൂട്ട് ചെയ്യുന്നവർ വളരെ ജൂനിയർ സ്റ്റാഫുകളാണ്, കൂടുതലും സാങ്കേതിക വിദഗ്ധരാണ്, അവരുടെ ശമ്പളം വളരെ ഉയർന്നതുമല്ല. മൂന്ന് വിഭാഗത്തില്‍പ്പെടുന്ന ജീവനക്കാരുടെയും കണക്കുകള്‍ തരംതിരിച്ച് ടെലികോം വകുപ്പ് ശേഖരിച്ചുവരികയാണ്.