ഉത്സവ സീസണിനോടനുബന്ധിച്ച് ഒക്ടോബർ 10 മുതൽ വിസ്താര എയർലൈൻസിൽ 48 മണിക്കൂർ പ്രത്യേക ഓഫർ വിൽപ്പന പ്രഖ്യാപിച്ചു. അനതാരാഷ്ട്ര, ആഭ്യന്തര ശൃംഖലയിലുടനീളം എല്ലാ നികുതികളും നിരക്കുകളും ഉൾപ്പെടെ ഇക്കോണമി ക്ലാസ്, പ്രീമിയം ഇക്കോണമി, ബിസിനസ് ക്ലാസ് എന്നിങ്ങനെ മൂന്ന് ക്ലാസ് യാത്രകൾക്കും ഓഫർ ബാധകമാണെന്ന് കമ്പനി അറിയിച്ചു.

ഫ്ലാഷ് വിൽപ്പനയിൽ 1,199 രൂപ മുതലുള്ള ടിക്കറ്റുകൾ ലഭ്യമാണ്. 2019 ഒക്ടോബർ 10 മുതൽ 2020 മാർച്ച് 28 വരെയാണ് ഇപ്പോൾ ബുക്ക് ചെയ്യുന്ന ടിക്കറ്റുകളിൽ യാത്ര ചെയ്യാനാകുന്നത്. ആദ്യം ബുക്ക് ചെയ്യുന്നവർക്ക് ആദ്യം ടിക്കറ്റുകൾ എന്ന രീതിയിലാണ് ടിക്കറ്റ് വിൽപ്പന നടക്കുക. ഈ ഓഫറിന് കീഴിലുള്ള സീറ്റുകൾ‌ വിറ്റു കഴിഞ്ഞാൽ സാധാരണ ടിക്കറ്റ് നിരക്കുകൾ‌ ദൃശ്യമാകും.

ഓഫർ നിരക്കിൽ ടിക്കറ്റുകൾ www.airvistara.com, വിസ്താരയുടെ iOS, Android മൊബൈൽ ആപ്ലിക്കേഷനുകൾ, വിസ്താരയുടെ എയർപോർട്ട് ടിക്കറ്റ് ഓഫീസുകൾ (എടിഒകൾ), വിസ്താരയുടെ കോൾ സെന്റർ, ഓൺലൈൻ ട്രാവൽ ഏജൻസികൾ (ഒടി‌എകൾ), ട്രാവൽ ഏജന്റുകൾ എന്നിവ വഴി ബുക്ക് ചെയ്യാം.

ദില്ലി-അഹമ്മദാബാദ് (2,099 രൂപ), ദില്ലി-ചണ്ഡിഗഡ് (1,499 രൂപ), ദില്ലി-ജമ്മു (1,699 രൂപ), ദില്ലി-ലേ (1,499 രൂപ), ദില്ലി-ലഖ്‌നൗ (1,499 രൂപ) ദില്ലി-ശ്രീനഗർ (1,549 രൂപ), മുംബൈ-ബെംഗളൂരു (1,799 രൂപ), മുംബൈ-ഗോവ (1,999 രൂപ), മുംബൈ-ഹൈദരാബാദ് (1,599 രൂപ), ഹൈദരാബാദ്-പൂനെ (1,949 രൂപ) എന്നിങ്ങനെയാണ് വിവിധ സർവ്വീസുകളും ടിക്കറ്റ് നിരക്കുകളും. ഇക്കോണമി ക്ലാസ് നിരക്കുകളാണിത്.

malayalam.goodreturns.in