ഇന്ത്യയിലെ ശ്രദ്ധേയമായ എയർലൈനായ ഗോ എയർ‌ കിടിലൻ ദീപാവലി ഓഫറുമായി രം​ഗത്ത്. രാജ്യത്തെ അതിവേ​ഗ വളർന്നുകൊണ്ടിരിക്കുന്ന എയർലൈനാണ് ഗോ എയർ‌. ഒക്ടോബർ 16 ന് വൈകുന്നേരം 3 മണിയ്ക്ക് ആരംഭിച്ച ഓഫറിലൂടെ ആഭ്യന്തര - അന്താരാഷ്ട്ര റൂട്ടിൽ 1296 രൂപ മുതലാണ് നിരക്ക് പുതുക്കിയിരിയ്ക്കുന്നത്.

സാധാ​രണ ഉത്സവനിരക്കുകളിൽ നിന്നും ഏറെ മികച്ചതാണ് ഓഫറെന്ന് പറാതെ വയ്യ. ഒക്ടോബർ 20 മുതൽ 23 വരെയാണ് ഓഫർ നിരക്ക് ഉപയോ​ഗിക്കാനാകുക . ഏകദേശം 33 സ്ഥലങ്ങളിലേക്കാണ് നിരക്ക് ലഭ്യമാക്കുക. വെബ്സൈറ്റ് വഴിയും ​ഗോഎയർ ആപ്പ് വഴിയും ബുക്കിങ് നടത്താൻ അവസരം നൽകിയിരുന്നു.

എന്നാൽ ടിക്കറ്റ് ക്യാൻസൽ ചെയ്താൽ പിഴ ഈടാക്കുന്നതാണ്, മറ്റേത് ക്യാൻസൽ നിരക്കുകൾ പോലെയും ​ഗോ എയർ ചാർജ് ഈടാക്കുന്നതാണ്. എന്നാൽ ​ഗ്രൂപ്പ് ബുക്കിങിംന് ഇത് ബാധകമല്ല. ബുക്ക് ചെയ്തവർ ക്യാൻസൽ ചാർജുകളെക്കുറിച്ചും ഓർക്കേണ്ടതാണ്.  മാലി , മസ്ക്കറ്റ്, ഫുക്കറ്റ്, ബാങ്കോക്ക്, അബുദാബി, കുുവൈറ്റ്, ദുബായ്, സിം​ഗപ്പൂർ എന്നീ 8 അന്താരാഷ്ട്ര സർവ്വീസുകളും ഇതിൽ ഉൾപ്പെടുന്നു .