ഓൺലൈൻ വീഡിയോ സ്ട്രീമിംങ് ഭീമനായ നെറ്റ്ഫ്ലിക്സ് അവതരിപ്പിച്ച 199 രൂപയുടെ പ്ലാൻ വൻ വിജയമെന്ന് അധികൃതർ വ്യക്തമാക്കി. ഇന്ത്യൻ ഉപഭോക്താക്കൾക്കായി അവതരിപ്പിച്ച പ്രത്യേക പാക്കേജായിരുന്നിത്. നെറ്റ്ഫ്ലിക്സ് തങ്ങളുടെ ഇന്ത്യൻ ഉപഭോക്താക്കൾക്കായി അവതരിപ്പിച്ച കിടിലൻ ഓഫറായിരുന്നു 199 രൂപയുടെ പാക്കേജ്.

എന്നാൽ പദ്ധതിയുടെ വിജയത്തിൽ നെറ്റ്ഫ്ലിക്സ് മറ്റ് ആഗോള വിപണികളിലും ഈ പദ്ധതി ആവർത്തിക്കാൻ പോകുന്നുവെന്ന് കമ്പനിയുടെ ചീഫ് പ്രൊഡക്റ്റ് ഓഫീസർ ഗ്രിഗറി കെ പീറ്റേഴ്‌സ് പറഞ്ഞു. കൂടാതെ നിലവിൽ നെറ്റ്ഫ്ലിക്സിന്റെ നാലാമത്തെ ഇന്ത്യൻ പ്ലാനാണിത്. കൂടാതെ മൊബൈൽ പ്ലാനിൽ ഞങ്ങൾ വളരെ സന്തുഷ്ടരാണ്. ഇത് ഞങ്ങൾ പരീക്ഷിച്ചതിനേക്കാൾ മികച്ച പ്രകടനം കാഴ്ചവയ്ക്കുന്നു.

മറ്റ് വിപണികളിൽ ഇത് പരീക്ഷിക്കുന്നത് ഞങ്ങൾ പരിശോധിക്കും, കാരണം സമാനമായ അവസ്ഥകളുള്ള മറ്റ് വിപണികളുണ്ടെന്ന് ഞങ്ങൾ കരുതുന്നു, അത് അവിടെയും ഞങ്ങൾക്ക് വിജയിക്കുമെന്ന് സാധ്യതയുണ്ടെന്നും നെറ്റ്ഫ്ലിക്സ് പ്രതിനിധി പീറ്റേഴ്‌സ് പറഞ്ഞു. കൂടാതെ നിലവിൽ മറ്റ് പ്ലാനുകളെക്കുറിച്ചും കമ്പനി പരിശോധിക്കുന്നുണ്ടെന്ന് പീറ്റേഴ്‌സ് വ്യക്തമാക്കി. 'സേക്രഡ് ഗെയിംസിന്റെ' രണ്ടാം സീസൺ രാജ്യത്ത് ഏറ്റവുമധികം ആളുകൾ കണ്ട ഷോയാണെന്നും നെഫ്ലിക്സ് പറഞ്ഞു.