പെന്നി ഓഹരികളിലെ സൂപ്പർ സ്റ്റാർസ്, 6 മാസത്തെ വളർച്ച 380 ശതമാനം വരെ, നിങ്ങൾക്ക് നിക്ഷേപമുണ്ടോ..?

കുറഞ്ഞ വില, മികച്ച ലാഭം നേടാനുള്ള സാധ്യത എന്നിവയാണ് പെന്നി ഓഹരികളെ നിക്ഷേപകർക്ക് പ്രിയപ്പെട്ടതാക്കുന്നത്. അതേസമയം തന്നെ അപകട സാധ്യതകളും ഉയർന്നതാണ്. എന്നാൽ വിപണിയിൽ പുതിയതായി എത്തുന്ന നിക്ഷേപകർക്ക് കൂടുതൽ പഠനം നടത്താനും, വിപണിയുടെ വികാരത്തെക്കുറിച്ച് കൂടുതൽ മനസിലാക്കാനും പെന്നി ഓഹരികളിലെ നിക്ഷേപം നല്ലതാണ്. കഴിഞ്ഞ ആറ് മാസത്തിനിടെ, 7 പെന്നി ഓഹരികൾ മൾട്ടിബാഗർ റിട്ടേൺ നൽകിയിട്ടുണ്ട്. 120 ശതമാനം മുതൽ 380 ശതമാനം വരെയാണ് വളർച്ച.

1,000 കോടി രൂപയിൽ താഴെയുള്ള മാർക്കറ്റ് ക്യാപിറ്റലൈസേഷൻ, 20 രൂപയിൽ താഴെയുള്ള ഓഹരി വില, അടുത്തിടെ കുറഞ്ഞത് 5 ലക്ഷം ഓഹരികളുടെ ട്രേഡിങ് വോളിയം എന്നിവ അടിസ്ഥാനമാക്കിയാണ് ഈ മികച്ച പ്രകടനം കാഴ്ചവയ്ക്കുന്നവരെ തിരഞ്ഞെടുത്തത്. ശക്തമായ ഉയർച്ചയുടെ ആക്കം കാണിക്കുന്ന കുറഞ്ഞ വിലയുള്ളതും സജീവമായി വ്യാപാരം ചെയ്യപ്പെടുന്നതുമായ മൈക്രോ-ക്യാപ്പ് സ്റ്റോക്കുകളെ തിരിച്ചറിയുന്നതിലാണ് ഈ തന്ത്രം ശ്രദ്ധ കേന്ദ്രീകരിക്കുന്നത്.

1. വൺസോഴ്‌സ് ഇൻഡസ്ട്രീസ് & വെഞ്ച്വേഴ്‌സ് ലിമിറ്റഡ്

1994-ൽ സ്ഥാപിതമായ വൺസോഴ്‌സ് ഇൻഡസ്ട്രീസ് & വെഞ്ച്വേഴ്‌സ് ലിമിറ്റഡ് കൺസൾട്ടിംഗ് സേവനങ്ങൾ നൽകുന്ന ബിസിനസ്സിലാണ് ഏർപ്പെട്ടിരിക്കുന്നത്. 7.41 രൂപയാണ് നിലവിലെ ഓഹരി വില. 381 ശതമാനം വളർച്ചയാണ് ആറ് മാസത്തിനിടെ ഓഹരി നേടിയത്.

2. ഒണ്ടിക് ഫിൻസെർവ്

1995-ൽ സ്ഥാപിതമായ ഒണ്ടിക് ഫിൻസെർവ് ലിമിറ്റഡ് നിക്ഷേപ, ധനകാര്യ സംബന്ധിയായ സേവനങ്ങൾ നൽകുന്നു. 190 ശതമാനം വളർച്ചയാണ് 6 മാസത്തിനിടെ ഓഹരി നേടിയത്. 2.03 രൂപയാണ് നിലവിലെ ഓഹരി വില.

3. ബ്ലൂഗോഡ് എന്റർടൈൻമെന്റ്

2010 ൽ സ്ഥാപിതമായ ബ്ലൂഗോഡ് എന്റർടൈൻമെന്റ് ലിമിറ്റഡ് സിനിമകളുടെയും വിനോദത്തിന്റെയും ബിസിനസ്സിലാണ് ഏർപ്പെട്ടിരിക്കുന്നത്. 3.36 രൂപയാണ് നിലവിലെ ഓഹിര വില. 236 ശതമാനം വളർച്ചയാണ് ആറ് മാസം കൊണ്ട് നേടിയത്.

4. ചന്ദ്രിമ മെർക്കന്റിൽസ്

1982-ൽ സ്ഥാപിതമായ ചന്ദ്രിമ മെർക്കന്റിൽസ് ലിമിറ്റഡ് കാർഷിക ഉൽപ്പന്നങ്ങളിൽ വ്യാപാരം നടത്തുന്നു. 314 ശതമാനം വളർച്ചയാണ് ആറ് മാസം കൊണ്ട് നേടിയത്. 12.64 രൂപയാണ് ഓഹരി വില.

5. സെൾവിൻ ട്രേഡേഴ്സ്

സെൽവിൻ ട്രേഡേഴ്സ് ലിമിറ്റഡ് ധനകാര്യ, റിയൽ എസ്റ്റേറ്റ് ബിസിനസുകളിൽ ഇടപെടുന്നു. 11.8 രൂപയാണ് ഓഹരി വില. 235 ശതമാനമാണ് ആറ് മാസത്തെ മുന്നേറ്റം.

6. എക്സൽ റിയാലിറ്റി എൻ ഇൻഫ്ര

2003-ൽ സ്ഥാപിതമായ എക്സൽ റിയാലിറ്റി എൻ ഇൻഫ്ര ലിമിറ്റഡ് (മുമ്പ് എക്സൽ ഇൻഫോവേസ് ലിമിറ്റഡ് എന്നറിയപ്പെട്ടിരുന്നു) അടിസ്ഥാന സൗകര്യ വികസനം, ഐടി അധിഷ്ഠിത ബിപിഒ സേവനങ്ങൾ, പൊതു വ്യാപാര പ്രവർത്തനങ്ങൾ എന്നിവയിൽ ഏർപ്പെട്ടിരിക്കുന്നു. 1.48 രൂപയാണ് നിലവിലെ ഓഹരി വില. 105 ശതമാനമാണ് ആറ് മാസത്തെ മുന്നേറ്റം.

7. രാമചന്ദ്ര ലീസിംഗ് & ഫിനാൻസ്

1998 ൽ സ്ഥാപിതമായ രാമചന്ദ്ര ലീസിംഗ് ആൻഡ് ഫിനാൻസ് ലിമിറ്റഡ് ഒരു എൻ‌ബി‌എഫ്‌സി ആയി ബിസിനസ്സ് നടത്തുന്നു. 176 ശതമാനമാണ് ആറ് മാസത്തെ വളർച്ച. 9.23 രൂപയാണ് നിലവിലെ ഓഹരി വില.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.