കയ്യിൽ അധിക പണമുണ്ടോ, സ്ഥിര നിക്ഷേപത്തിന് 9.15% പലിശ നൽകാൻ ബാങ്കുകൾ തയ്യാർ, നോക്കുന്നോ

മ്യൂച്വൽ ഫണ്ട്, ഓഹരി വിപണി, ചെറുകിട നിക്ഷേപ പദ്ധതികൾ തുടങ്ങി നിരവധി നിക്ഷേപ പദ്ധതികളുണ്ടെങ്കിലും ഇന്നും ഭൂരിപക്ഷം ആളുകളുടേയും ഇഷ്ട നിക്ഷേപമാർഗം സ്ഥിര നിക്ഷേപം അഥവാ എഫ്.ഡിയാണ്. അപകട സാധ്യത കുറവ്, ഉറപ്പായ വരുമാനം എന്നിവയാണ് സ്ഥിര നിക്ഷേപത്തെ ജനപ്രിയമാക്കുന്നത്. 7 ദിവസം മുതൽ 10 വർഷം വരെയുള്ള കാലാവധിയിൽ നിക്ഷേപിക്കാൻ സാധിക്കും എന്നതും സ്ഥിര നിക്ഷേപത്തിന്‍റെ നേട്ടമാണ്.

രാജ്യത്തെ 10 ചെറുകിട ധനകാര്യ ബാങ്കുകൾ വാഗ്ദാനം ചെയ്യുന്ന ഏറ്റവും മികച്ച എഫ്ഡി നിരക്കുകളെക്കുറിച്ച് നമുക്ക് വിശദമായി അറിയാം.

1. യൂണിറ്റി സ്മോൾ ഫിനാൻസ് ബാങ്ക്

സാധാരണ ഉപഭോക്താക്കൾക്ക് പ്രതിവർഷം 9% വരെയും മുതിർന്ന പൗരന്മാർക്ക് പ്രതിവർഷം 9.5% വരെയും പലിശ നിരക്കുകൾ യൂണിറ്റി സ്മോൾ ഫിനാൻസ് ബാങ്ക് വാഗ്ദാനം ചെയ്യുന്നു. 7 ദിവസം മുതൽ 10 വർഷം വരെയുള്ള കാലാവധികളിൽ ഈ നിരക്കുകൾ ബാധകമാണ്.

2. സൂര്യോദയ് സ്മോൾ ഫിനാൻസ് ബാങ്ക്

സൂര്യോദയ് സ്‌മോൾ ഫിനാൻസ് ബാങ്ക് സാധാരണ ഉപഭോക്താക്കൾക്ക് പ്രതിവർഷം 8.65% വരെയും മുതിർന്ന പൗരന്മാർക്ക് 7 ദിവസം മുതൽ 10 വർഷം വരെ കാലാവധിയുള്ള സ്ഥിരനിക്ഷേപത്തിന് പ്രതിവർഷം 9.15% വരെയും പലിശ വാഗ്ദാനം ചെയ്യുന്നു.

ബാങ്ക് സാധാരണ ഉപഭോക്താക്കൾക്ക് നികുതി ലാഭിക്കുന്ന സ്ഥിര നിക്ഷേപങ്ങൾക്ക് (എഫ്‌ഡി) പ്രതിവർഷം 8.25% പലിശനിരക്കും മുതിർന്ന പൗരന്മാർക്ക് 5 വർഷത്തേക്ക് 8.75% പലിശയും വാഗ്ദാനം ചെയ്യുന്നു.

3. ശിവാലിക് സ്മോൾ ഫിനാൻസ് ബാങ്ക്

സാധാരണ ഉപഭോക്താക്കൾക്ക് പ്രതിവർഷം 8.55% വരെയും മുതിർന്ന പൗരന്മാർക്ക് പ്രതിവർഷം 9.05% വരെയും പലിശ ബാങ്ക് വാഗ്ദാനം ചെയ്യുന്നു. നികുതി ലാഭിക്കുന്ന സ്ഥിര നിക്ഷേപങ്ങളിൽ, സാധാരണ ഉപഭോക്താക്കൾക്ക് പ്രതിവർഷം 6.5% പലിശനിരക്കും മുതിർന്ന പൗരന്മാർക്ക് 7% പലിശനിരക്കും 5 വർഷത്തേക്ക് ശിവാലിക് സ്മോൾ ഫിനാൻസ് ബാങ്ക് നൽകുന്നു.

4. ഇക്വിറ്റാസ് സ്മോൾ ഫിനാൻസ് ബാങ്ക്

സാധാരണ ഉപഭോക്താക്കൾക്ക് പ്രതിവർഷം 8.5% വരെയും മുതിർന്ന പൗരന്മാർക്ക് പ്രതിവർഷം 9% വരെയും പലിശ നിരക്കിലാണ് ഇക്വിറ്റാസ് സ്മോൾ ഫിനാൻസ് ബാങ്ക് സ്ഥിര നിക്ഷേപങ്ങൾ സ്വീകരിക്കുന്നത്. 7 ദിവസം മുതൽ 10 വർഷം വരെയാണ് കാലാവധി.

5. ജന സ്മോൾ ഫിനാൻസ് ബാങ്ക്

ജന സ്മോൾ ഫിനാൻസ് ബാങ്ക് സാധാരണ ഉപഭോക്താക്കൾക്ക് പ്രതിവർഷം 8.5% വരെയും മുതിർന്ന പൗരന്മാർക്ക് പ്രതിവർഷം 9% വരെയും സ്ഥിര നിക്ഷേപ പലിശ വാഗ്ദാനം ചെയ്യുന്നു. നികുതി ലാഭിക്കുന്ന എഫ്ഡികളിൽ, സാധാരണ ഉപഭോക്താക്കൾക്ക് 7.25% പലിശനിരക്കും മുതിർന്ന പൗരന്മാർക്ക് 7.75% പലിശനിരക്കും 5 വർഷത്തേക്ക് ലഭിക്കും.

6. ഉത്കർഷ് സ്മോൾ ഫിനാൻസ് ബാങ്ക്

സാധാരണ ഉപഭോക്താക്കൾക്ക് പ്രതിവർഷം 8.5% വരെയും മുതിർന്ന പൗരന്മാർക്ക് പ്രതിവർഷം 9% വരെയും സ്ഥിര നിക്ഷേപ പലിശ നിരക്കുകൾ വാഗ്ദാനം ചെയ്യുന്നു.

7. ഉജ്ജീവൻ സ്മോൾ ഫിനാൻസ് ബാങ്ക്

സാധാരണ ഉപഭോക്താക്കൾക്ക് സ്ഥിരനിക്ഷേപത്തിന് പ്രതിവർഷം 8.5% വരെയും മുതിർന്ന പൗരന്മാർക്ക് പ്രതിവർഷം 9% വരെയും പലിശ നിരക്ക് വാഗ്ദാനം ചെയ്യുന്നു. നികുതി ലാഭിക്കുന്ന എഫ്‌ഡികളുടെ പലിശ നിരക്ക് സാധാരണ ഉപഭോക്താക്കൾക്ക് 7.2 ശതമാനവും മുതിർന്ന പൗരന്മാർക്ക് 7.7 ശതമാനവുമാണ്.

8. ഇസാഫ് സ്മോൾ ഫിനാൻസ് ബാങ്ക്

സാധാരണ നിക്ഷേപകർക്ക് 7 ദിവസം മുതൽ 10 വർഷം വരെയുള്ള കാലയളവുകളിൽ 8.25% വരെ പലിശ നിരക്ക് ബാങ്ക് വാഗ്ദാനം ചെയ്യുന്നു. മുതിർന്ന പൗരന്മാർക്ക് അതേ കാലാവധിയുള്ള എഫ്.ഡികളിൽ .50 ശതമാനം അധിക പലിശയ്ക്ക് അർഹതയുണ്ട്.