ഭാഗ്യം എന്ന് പറഞ്ഞാല്‍ ഇതാണ്; വിദ്യാര്‍ത്ഥിക്ക് അടിച്ചത് 147 കോടിയുടെ ലോട്ടറി, ഇനി വിശ്രമ ജീവിതത്തിലേക്ക്

ബ്രിസ്‌ബെണ്‍ യൂണിവേഴ്‌സിറ്റിയില്‍ പഠിക്കുന്ന ഒരു വിദ്യാര്‍ത്ഥി തന്റെ പഠനവും ജോലിയും എല്ലാം ഉപേക്ഷിച്ച് വിശ്രമജീവിതം നയിക്കാന്‍ പോകുകയാണ്. കാരണം എന്താണെന്ന് അറിയേണ്ടെ, കഴിഞ്ഞ ദിവസം നറുക്കെടുത്ത പവര്‍ ജാക്‌പോട്ടിന്റെ ഒന്നാം സമ്മാനം ഈ വിദ്യാര്‍ത്ഥിയെ തേടിയാണ് എത്തിയത്. 20 മില്യണ്‍ (ഏകദേശം 147 കോടി രൂപ) ആണ് ലോട്ടറിയായി അടിച്ചത്. ഇതോടെ പഠനവും താല്‍ക്കാലിക ജോലിയും അവസാനിപ്പിച്ച് വിശ്രമ ജീവിതം നയിക്കാന്‍ ഇദ്ദേഹം പദ്ധതിയിട്ടു.

ഓസ്‌ട്രേലിയയിലെ മാക്ഗ്രിഗര്‍ സ്വദേശിക്കാണ് ഈ പവര്‍ ജാക്‌പോട്ട് അടിച്ചത്. രാത്രിയാണ് ലോട്ടറി അടിച്ച വിവരം താന്‍ അറിയിച്ചുന്നത്. ആദ്യം വിശ്വസിച്ചിരുന്നില്ല. രാത്രി തന്നെ ഇക്കാര്യം അറിയിക്കാന്‍ വീട്ടിലേക്ക് വിളിച്ചു. എന്നാല്‍ അവര്‍ ഉറങ്ങിയതിനാല്‍ അറിയിക്കാന്‍ കഴിഞ്ഞില്ല. തുടര്‍ന്ന് പിറ്റേ ദിവസം രാവിലെയാണ് കുടുംബത്തെ അറിയിക്കുന്നത്.

ഓണ്‍ലൈനിയൂടെയാണ് ഇദ്ദേഹം ടിക്കറ്റെടുത്തത്. ഭാഗ്യ നമ്പറായ 13ല്‍ തുടങ്ങുന്ന ടിക്കറ്റാണ് എടുത്തത്. വില്‍പ്പന അവസാനിക്കുന്ന മണിക്കൂറിലാണ് ഇയാള്‍ ടിക്കറ്റ് സ്വന്തമാക്കിയത്. കടുത്ത സാമ്പത്തിക ബുദ്ധിമുട്ട് അനുഭവിക്കുന്ന സുഹൃത്തുക്കള്‍ക്കും കുടുംബക്കാര്‍ക്കും സഹായം എത്തിക്കുമെന്നും ഇതോടൊപ്പം പഠനവും ജോലിയും അവസാനിപ്പിച്ച് വിശ്രമ ജീവിതം നയിക്കണമെന്നും വിദ്യാര്‍ത്ഥി വ്യക്തമാക്കി. ഇനി ക്രിസ്തുമസ് ദിവസമാണ് അടുത്ത നറുക്കെടുപ്പ് നടക്കുന്നത്.