അബുദാബി ഇൻവെസ്റ്റ്മെന്റ് അതോറിറ്റിയുടെ (എ.ഡി.ഐ.എ) ഒരു അനുബന്ധ സ്ഥാപനം റിലയൻസ് റീട്ടെയിൽ വിഭാഗത്തിലെ 1.2 ശതമാനം ഓഹരികൾക്കായി 5,512.50 കോടി രൂപ നിക്ഷേപിക്കുമെന്ന് മുകേഷ് അംബാനിയുടെ നേതൃത്വത്തിലുള്ള റിലയൻസ് ഇൻഡസ്ട്രീസ് ലിമിറ്റഡ് ചൊവ്വാഴ്ച അറിയിച്ചു. എഡിഐഎയുടെ നിക്ഷേപം ആർആർവിഎല്ലിലെ 1.2% ഓഹരികളിൽ പങ്കാളിത്തമാണ് കമ്പനിയ്ക്ക് വാഗ്ദാനം ചെയ്യുന്നതെന്ന് റെഗുലേറ്ററി ഫയലിംഗിൽ കമ്പനി പറഞ്ഞു.
വിദേശ നിക്ഷേപങ്ങൾ
ഈ നിക്ഷേപം കൂടി ചേരുമ്പോൾ സിൽവർ ലേക്ക്, കെകെആർ, ജനറൽ അറ്റ്ലാന്റിക്, മുബഡാല, ജിഐസി, ടിപിജി, എഡിഐഎ എന്നിവയുൾപ്പെടെ ഏഴ് ആഗോള നിക്ഷേപകരിൽ നിന്ന് ആർആർവിഎൽ 37,710 കോടി രൂപ സമാഹരിച്ചു. 1976 ൽ സ്ഥാപിതമായ എഡിഐഎ ആഗോളതലത്തിൽ വൈവിധ്യവത്കരിക്കപ്പെട്ട ഒരു നിക്ഷേപ സ്ഥാപനമാണ്.
അംബാനിയ്ക്ക് വീണ്ടും കോളടിച്ചു, ജനറൽ അറ്റ്ലാന്റിക് 3,675 കോടി രൂപ റിലയൻസ് റീട്ടെയിലിൽ നിക്ഷേപിക്കും
അബുദാബി ഇൻവെസ്റ്റ്മെന്റ് അതോറിറ്റി
റിലയൻസ് റീട്ടെയിൽ അതിവേഗം ഇന്ത്യയിലെ പ്രമുഖ റീട്ടെയിൽ ബിസിനസുകളിലൊന്നായി മാറിയിരിക്കുന്നു. കൂടുതൽ വളർച്ച പ്രതീക്ഷിക്കുന്നതായി നിക്ഷേപത്തെക്കുറിച്ച് അഭിപ്രായപ്പെട്ട എഡിഐഎയിലെ സ്വകാര്യ ഇക്വിറ്റീസ് ഡിപ്പാർട്ട്മെൻറ് എക്സിക്യൂട്ടീവ് ഡയറക്ടർ ഹമദ് ഷഹ്വാൻ അൽദഹേരി പറഞ്ഞു.
ബജാജ് ഫിനാൻസിൽ നിക്ഷേപം നടത്തി പീപ്പിൾസ് ബാങ്ക് ഓഫ് ചൈന
മുകേഷ് അംബാനി
റിലയൻസ് റീട്ടെയിൽസിന്റെ പ്രകടനത്തെയും സാധ്യതകളെയും വിലയിരുത്തിയുള്ള അംഗീകാരമാണ് എഡിഐഎയുടെ നിക്ഷേപമെന്ന് റിലയൻസ് ഇൻഡസ്ട്രീസിന്റെ ചെയർമാനും മാനേജിംഗ് ഡയറക്ടറുമായ മുകേഷ് അംബാനി പറഞ്ഞു. എഡിഐഎയുടെ നിലവിലെ നിക്ഷേപത്തിലും തുടർച്ചയായ പിന്തുണയിലും ഞങ്ങൾ സന്തുഷ്ടരാണെന്നും അംബാനി കൂട്ടിച്ചേർത്തു. കഴിഞ്ഞയാഴ്ച അബുദാബി ആസ്ഥാനമായുള്ള സോവറിൻ വെൽത്ത് ഫണ്ട് മുബഡാല ആർആർവിഎല്ലിലെ 1.4 ശതമാനം ഓഹരി 6,247.5 കോടി രൂപയ്ക്ക് വാങ്ങിയതായി കമ്പനി പ്രസ്താവനയിൽ പറഞ്ഞു.
ഇത് ബൈജൂസിന്റെ ടൈം... രണ്ടായിരം കോടിയുടെ പുത്തന് നിക്ഷേപം; ഡിമാന്ഡ് കുത്തനെ കൂടുന്നു
റിലയൻസ് റീട്ടെയിൽ
ആർആർവിഎല്ലിന്റെ അനുബന്ധ സ്ഥാപനമായ റിലയൻസ് റീട്ടെയിൽ ലിമിറ്റഡ് ഇന്ത്യയിലെ ഏറ്റവും വലിയതും അതിവേഗം വളരുന്നതും ലാഭകരമായതുമായ റീട്ടെയിൽ ബിസിനസ്സ് നടത്തി വരികയാണ്. ഇന്ത്യയിൽ 12,000ഓളം സ്റ്റോറുകളാണ് റിലയൻസ് റീട്ടെയിലിനുള്ളത്. റിലയൻസ് റീട്ടെയിൽ പുതിയ വാണിജ്യ തന്ത്രത്തിലൂടെ ചെറുകിട, അസംഘടിത വ്യാപാരികൾക്കിടയിൽ ഡിജിറ്റലൈസേഷൻ ആരംഭിച്ചു. ഇത് വ്യാപാരികൾക്ക് സാങ്കേതിക ഉപകരണങ്ങളും കാര്യക്ഷമമായ സപ്ലൈ ചെയിൻ ഇൻഫ്രാസ്ട്രക്ചറും നൽകി. 2020 മാർച്ച് 31 ന് അവസാനിച്ച സാമ്പത്തിക വർഷത്തിൽ ആർആർവിഎൽ 162,936 കോടി രൂപയുടെ ഏകീകൃത വിറ്റുവരവും 5,448 കോടി രൂപയുടെ അറ്റാദായവുമാണ് റിപ്പോർട്ട് ചെയ്തത്.