അദാനി പോർട്ട്‌സിന്റെ ഓഹരികൾ 3% കുതിക്കുന്നു: ഇറാൻ-ഇസ്രായേൽ വെടിനിർത്തൽ സാധ്യത ഓഹരിക്ക് കരുത്തേകി

ഇന്ന് ഓഹരി വിപണിയിൽ പോസിറ്റീവ് നേട്ടത്തോടെ അദാനി പോർട്ട്സ് ആൻഡ് സ്പെഷ്യൽ ഇക്കണോമിക് സോണിന്റെ (APEZ) ഓഹരികൾ ശക്തമായി ഉയർന്നു. ഇസ്രായേലും ഇറാനും തമ്മിലുള്ള വെടിനിർത്തൽ പ്ലാൻ യുഎസ് പ്രസിഡൻ്റ് ഡൊണാൾഡ് ട്രംപ് പ്രഖ്യാപിച്ചതോടൊണ് ഇന്ന് ജൂൺ 24 ന് ഓഹരികൾ കുതിച്ചത്. രാവിലെ കമ്പനിയുടെ ഓഹരികൾ ഏകദേശം 5 ശതമാനം ഉയർന്ന് 1,418.7 രൂപയിലെത്തിയിരുന്നു. നിലവിൽ ഓഹരി വില 3 ശതമാനത്തിലധികം ഉയർന്ന് 1,406.50 രൂപയിലാണ് വ്യാപാരം നടക്കുന്നത്.

മിഡിൽ ഈസ്റ്റിൽ യുദ്ധം രൂക്ഷമായിക്കൊണ്ടിരിക്കുന്ന സാഹചര്യത്തിൽ, ഓഹരി വിപണിയിൽ കടുത്ത സമ്മർദ്ദം നേരിട്ടിരുന്നു. ഇസ്രായേലിലെ ഹൈഫ തുറമുഖത്തെക്കുറിച്ചുള്ള സുരക്ഷാ ആശങ്കകളുടെ പശ്ചാത്തലത്തിലായിരുന്നു ഇത്. ഇസ്രായേലിലെ ഹൈഫ തുറമുഖത്തിന്റെ ഭൂരിഭാഗം ഓഹരികളും അദാനി പോർട്സിൻ്റെ കീഴിലാണ്. 2023 ൽ മൊത്തം 1.18 ബില്യൺ ഡോളറിന് കമ്പനി തുറമുഖം ഏറ്റെടുത്തു. ഇസ്രായേലിലെ പ്രധാന തുറമുഖങ്ങളിലൊന്നായ ഹൈഫ, ഇറാനിൻ്റെ ആക്രമണങ്ങൾക്ക് പ്രധാന ലക്ഷ്യമാവാൻ സാധ്യതയുണ്ട്.

ഹൈഫ തുറമുഖത്തിന് കേടുപാടുകളില്ല

ഹൈഫ തുറമുഖവും സമീപത്തുള്ള എണ്ണ ശുദ്ധീകരണശാലയും ഇറാൻ ലക്ഷ്യമിട്ടിരുന്നു. എന്നിരുന്നാലും, സംഘർഷം അദാനിയുടെ തുറമുഖത്തെ ബാധിച്ചിട്ടില്ലെന്ന് അദാനി ഗ്രൂപ്പ് സിഎഫ്ഒ വ്യക്തമാക്കിയിട്ടുണ്ട്. തുറമുഖത്തിന് ഇതുവരെ ഒരു തടസ്സവും ഉണ്ടായിട്ടില്ലെങ്കിലും ഇറാ ഹൈഫ തുറമുഖത്ത് ശക്തമായ ആക്രമണം നടത്തിയാൽ ഉണ്ടാകാവുന്ന പ്രതിസന്ധികളെ കുറിച്ച് നിക്ഷേപകർ ആശങ്കപ്പെട്ടു. ഇതോടെ, ജൂൺ 11 മുതൽ ജൂൺ 19 വരെ തുടർച്ചയായി ആറ് സെഷനുകളിൽ കമ്പനിയുടെ ഓഹരികൾ ഇടിഞ്ഞു.

Take a Poll

ട്രംപിൻ്റെ പ്രഖ്യാപനത്തെ നിഷേധിച്ച് ഇറാൻ

ഇന്നലെ ജൂൺ 23 നാണ് ഇസ്രായേലും ഇറാനും തമ്മിലുള്ള യുദ്ധം അവസാനിക്കുന്നു എന്ന് യുഎസ് പ്രസിഡന്റ് ഡൊണാൾഡ് ട്രംപ് സമൂഹ മാധ്യമത്തിലൂടെ അറിയിച്ചു. ഇതാണ് ഇന്ന് അദാനി പോർട്ട്സ് ഓഹരികൾ കുതിക്കാൻ കാരണമായത്. എങ്കിലും ഇറാൻ ഈ അവകാശവാദത്തെ തള്ളിക്കളഞ്ഞു. "ഇറാൻ ജനതയെയും അവരുടെ ചരിത്രത്തെയും അറിയുന്നവർക്ക് ഇറാൻ ആർക്ക് മുന്നിലും കീഴടങ്ങുന്ന ഒരു രാഷ്ട്രമല്ലെന്ന് അറിയാം." എന്നാണ് ഇറാന്റെ പരമോന്നത നേതാവ് ആയത്തുള്ള അലി ഖമേനി പറഞ്ഞത്.

അതായത് യുദ്ധം അവസാനിച്ചെന്ന് ഔദ്യോ​ഗികമായി പ്രഖ്യാപിക്കാൻ സാധിക്കില്ല. ട്രംപിൻ്റെ പ്രഖ്യാപനത്തെ ഇറാൻ ശക്തമായി നിഷേധിക്കുന്നുണ്ട്. എന്നാൽ അവസാനം ഈ പ്രഖ്യാപനം സത്യമാവുമോ?

ഹൈഫ വിമാനത്താവളത്തിലെ പ്രതികൂല ആശങ്കകൾ ലഘൂകരിച്ചതിനെ തുടർന്ന് അദാനി പോർട്‌സ് ഓഹരികൾ കുതിച്ചുയർന്നു. കൂടാതെ ഇന്ന് വൈകുന്നേരം നടക്കാനിരിക്കുന്ന വാർഷിക പൊതുയോഗം നടക്കാനിരിക്കെയാണ് ഓഹരി വിലയിലെ കുതിച്ചു കയറ്റം. കഴിഞ്ഞ ഒരു മാസത്തിനുള്ളിൽ അദാനി പോർട്ട്‌സിന്റെ ഓഹരികൾ ഏകദേശം 19 ശതമാനം നേട്ടമുണ്ടാക്കി. 2025 ൽ ഇതുവരെ 15 ശതമാനത്തിലധികം വർധനവാണ് ഈ ഓഹരികൾ രേഖപ്പെടുത്തിയിരിക്കുന്നത്. നിലവിൽ ഓഹരിയുടെ പി/ഇ അനുപാതം 26 ൽ കൂടുതലാണ്.

അദാനി പോർട്ട്‌സ് ഓഹരിയുടെ ലക്ഷ്യ വില....

2025ൽ ഇതുവരെ അദാനി പോർട്ട്‌സിന്റെ ഓഹരികൾ 15 ശതമാനത്തിലധികം കുതിച്ചു. നിലവിലെ വില അനുസരിച്ച് എൻ‌എസ്‌ഇയിൽ ഈ ഓഹരി 52 ആഴ്ചയിലെ ഏറ്റവും ഉയർന്ന വിലയായ 1,604.95 രൂപയിലും, 52 ​​ആഴ്ചയിലെ ഏറ്റവും താഴ്ന്ന വിലയായ 995.65 രൂപയിലും എത്തിയിരുന്നു. ഈ പ്രകടനം കാണുമ്പോൾ ഓഹരി ഇതിലും കുതിക്കാൻ സാധ്യതയുണ്ട്. നിലവിൽ അദാനി പോർട്ട്സ് ഓഹരികൾ 3 ശതമാനത്തിലധികം നേട്ടത്തിലാണ് കുതിക്കുന്നത്.