Click it and Unblock the Notifications
ഫെബ്രുവരി 23 തിങ്കളാഴ്ച നടത്തേണ്ട എല്ലാ ന്യൂയോര്ക്ക്, ന്യൂവാര്ക്ക് സര്വീസുകളും എയര് ഇന്ത്യ റദ്ദാക്കി. കനത്ത മഞ്ഞുവീഴ്ചയ്ക്കും കൊടുങ്കാറ്റിനും സാധ്യതയുള്ളതിനാലാണ് തീരുമാനം. യാത്രക്കാരുടെയും ജീവനക്കാരുടേയും സുരക്ഷ കണക്കിലെടുത്ത് സര്വീസുകള് റദ്ദാക്കുകയാണെന്ന് കാരിയര് എക്സില് അറിയിച്ചു.
ഇതുമായി ബന്ധപ്പെട്ട കൂടുതല് വിവരങ്ങള്ക്ക് +91 1169329333, +91 1169329999 എന്ന നമ്പറുകളില് ബന്ധപ്പെടുകയോ http://airindia.com വെബ്സൈറ്റ് സന്ദര്ശിക്കുകയോ വേണം.
ബാധിക്കാന് സാധ്യതയുള്ള സര്വീസുകള്
ഡല്ഹി-ന്യൂയോര്ക്ക്
ഡല്ഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തിനും (DEL) ന്യൂയോര്ക്കിലെ ജോണ് എഫ്. കെന്നഡി അന്താരാഷ്ട്ര വിമാനത്താവളത്തിനും (JFK) ഇടയില് എയര് ഇന്ത്യ ദിവസേന നോണ്-സ്റ്റോപ്പ് വിമാനങ്ങള് സര്വീസ് നടത്തുന്നു. എയര്ബസ് A350-900 പോലുള്ള വൈഡ്-ബോഡി വിമാനങ്ങളാണ് ഈ സര്വീസില് ഉപയോഗപ്പെടുത്തുക
ഫ്ലൈറ്റ് AI101: ഡല്ഹിയില് നിന്ന് ന്യൂയോര്ക്കിലേക്ക് (JFK)
ഫ്ലൈറ്റ് AI102: ന്യൂയോര്ക്കില് നിന്ന് ഡല്ഹിയിലേക്ക്
ആഴ്ചയിലെ എല്ലാ ദിവസവും ഈ സര്വീസുകള് ഷെഡ്യൂള് ചെയ്യപ്പെടുന്നു. തിങ്കളാഴ്ച സര്വീസ് റദ്ദാക്കപ്പെട്ടേയ്ക്കും.
ഡല്ഹി -ന്യൂവാര്ക്ക് (EWR)
ഡല്ഹിയില് നിന്ന് ന്യൂവാര്ക്ക് ലിബര്ട്ടി അന്താരാഷ്ട്ര വിമാനത്താവളത്തിലേക്ക് (EWR) എയര് ഇന്ത്യ സര്വീസ് നടത്തുന്നു. സര്വീസുകള് സാധാരണയായി ആഴ്ചയില് അഞ്ച് തവണയാണുള്ളത്.
ഫ്ലൈറ്റ് AI105: ഡല്ഹിയില് നിന്ന് ന്യൂവാര്ക്കിലേയ്ക്ക് (EWR)
ഫ്ലൈറ്റ് AI106: ന്യൂവാര്ക്കില് നിന്ന് (EWR) ഡല്ഹിയിലേയ്ക്ക്
തിങ്കളാഴ്ച റദ്ദാക്കിയ സര്വീസുകളില് ഇതുള്പ്പെട്ടേയ്ക്കും.
മുംബൈ-ന്യൂയോര്ക്ക് (JFK)
എയര് ഇന്ത്യ മുംബൈയില് നിന്ന് ന്യൂയോര്ക്കിലേക്ക് (JFK) നോണ്സ്റ്റോപ്പ് വിമാനങ്ങള് പുനരാരംഭിച്ചിട്ടുണ്ട്. നിലവില് സര്വീസുകള് എയര്ലൈനിന്റെ യുണൈറ്റഡ് സ്റ്റേറ്റ്സിലേക്കുള്ള ദീര്ഘദൂര സര്വീസുകളുടെ ഭാഗമാണ്.
ഫ്ലൈറ്റ് AI119: മുംബൈയില് നിന്ന് ന്യൂയോര്ക്കിലേക്ക്
ഫ്ലൈറ്റ് AI116: ന്യൂയോര്ക്കില് നിന്ന് മുംബൈയിലേക്ക്
മുംബൈയില് നിന്ന് JFKയിലേക്കും തിരിച്ചുമുള്ള ഈ പ്രതിദിന വിമാനങ്ങളും റദ്ദാക്കലുകളില് ഉള്പ്പെടാന് സാധ്യതയുണ്ട്.
അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.
Sign in with Google