Just In
-
-
-
-
Don't Miss
-
'വനിത ഒരു ദ്രോഹി, കുടുംബത്തിന്റെ മാനം ഇല്ലാതാക്കുന്നു, ആക്ഷേപിക്കുന്നത് നിർത്തിയില്ലെങ്കിൽ പ്രത്യാഘാതം വരും' -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
ഭാര്യയില് ഈ അഞ്ച് സ്വഭാവമുണ്ടോ? ദാമ്പത്യം പകുതിയില് അവസാനിക്കും -
പിണറായിയെ ഇഡി അറസ്റ്റ് ചെയ്താല് ആദ്യം പ്രതിഷേധം നടത്തുക രാഹുല് ഗാന്ധി: കെ സുരേന്ദ്രന് -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഏപ്രില്‍ 30 വരെയുള്ള ബുക്കിങ് എയര്‍ ഇന്ത്യ നിര്‍ത്തി. ഘട്ടംഘട്ടമായി വിമാന സര്‍വീസുകള്‍ പുനഃരാരംഭിക്കാനുള്ള സര്‍ക്കാരിന്റെ തീരുമാനം മുന്‍നിര്‍ത്തിയാണ് എയര്‍ ഇന്ത്യയുടെ നടപടി. നിലവില്‍ സമ്പൂര്‍ണ ലോക്ക് ഡൗണ്‍ ഇന്ത്യയില്‍ തുടരുകയാണ്. കൊറോണ വൈറസ് ബാധ മുന്‍നിര്‍ത്തി ആഭ്യന്തര, രാജ്യാന്തര വിമാന സര്‍വീസുകളെല്ലാം ഏപ്രില്‍ 14 വരെ കേന്ദ്രം റദ്ദാക്കി.
ഏപ്രില്‍ 15 മുതല്‍ ഘട്ടംഘട്ടമായി വിമാന സര്‍വീസുകള്‍ പുനഃസ്ഥാപിക്കാനാണ് കേന്ദ്രത്തിന്റെ നീക്കം. വ്യാഴാഴ്ച്ച കേന്ദ്ര സിവില്‍ വ്യോമയാന മന്ത്രി ഹര്‍ദീപ് പുരി ഇക്കാര്യം അറിയിക്കുകയുണ്ടായി. ഈ പശ്ചാത്തലത്തിലാണ് എയര്‍ ഇന്ത്യയുടെ തീരുമാനവും. ഇതോടെ ഏപ്രിലില്‍ എയര്‍ ഇന്ത്യയുടെ സര്‍വീസ് നടത്തില്ല.
നിയന്ത്രണങ്ങളോടെയാകും വിമാന സര്‍വീസുകള്‍ രാജ്യത്ത് വീണ്ടും ആരംഭിക്കുക. തിരഞ്ഞെടുത്ത സംസ്ഥാനങ്ങളിലേക്ക് സര്‍വീസുകള്‍ക്ക് വിലക്കുണ്ടാവാന്‍ സാധ്യതയേറെ. ഈ സാഹചര്യത്തില്‍ നേരത്തെ ബുക്കിങ് ആരംഭിച്ച് അനാവശ്യമായി റീഫണ്ട് ബാധ്യത വരുത്തിവെയ്‌ക്കേണ്ടെന്നാണ് എയര്‍ ഇന്ത്യയുടെ പക്ഷം. നിലവില്‍ ഇന്‍ഡിഗോ എയര്‍ലൈന്‍സും ഏപ്രില്‍ 30 വരെ രാജ്യാന്തര സര്‍വീസുകള്‍ നിര്‍ത്തിവെച്ചിട്ടുണ്ട്. ഇതേസമയം, മറ്റു വിമാനക്കമ്പനികള്‍ ഏപ്രില്‍ 15 -ന് ശേഷമുള്ള ആഭ്യന്തര ബുക്കിങ് ആരംഭിച്ചു കഴിഞ്ഞു.
നേരത്തെ, വരുമാനം കുറഞ്ഞത് മുന്‍നിര്‍ത്തി വിരമിച്ചതിന് ശേഷം വീണ്ടും ജോലിയില്‍ പ്രവേശിച്ച 200 പൈലറ്റുമാരുടെ കരാര്‍ എയര്‍ ഇന്ത്യ താത്കാലികമായി റദ്ദു ചെയ്തിരുന്നു. നിലവില്‍ യാത്രാ, വാണിജ്യ വിമാനങ്ങളൊന്നും സര്‍വീസ് നടത്തുന്നില്ല. കമ്പനിയുടെ വരുമാനത്തെ ഇതു കാര്യമായി ബാധിച്ചു.
ചിലവു ചുരുക്കല്‍ നടപടികളുടെ ഭാഗമായാണ് 200 പൈലറ്റുമാരുടെ കരാര്‍ എയര്‍ ഇന്ത്യ റദ്ദു ചെയ്തത്. ക്യാബിന്‍ ക്രൂ ഒഴികെയുള്ള എല്ലാ ജീവനക്കാരുടെയും അലവന്‍സുകള്‍ പത്തു ശതമാനം മുന്‍പുതന്നെ കമ്പനി വെട്ടിക്കുറച്ചിരുന്നു. മൂന്നു മാസത്തേക്ക് ഇത്തരത്തില്‍ അലവന്‍സുകള്‍ ലഭ്യമാവില്ലെന്നാണ് കമ്പനി ജീവനക്കാരെ അറിയിച്ചത്.
