Just In
-
-
-
-
Don't Miss
-
'കോൺഗ്രസിന്റെ യുവരാജാവ് വടക്കേ ഇന്ത്യ വിട്ട് തെക്കേ ഇന്ത്യയിലേക്ക് ഓടി'; രാഹുലിനെ വിമർശിച്ച് നരേന്ദ്ര മോദി -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
അടുത്ത സാമ്പത്തിക വർഷത്തിന്റെ ആദ്യ പകുതിയിൽ ദേശീയ വിമാനക്കമ്പനിയായ എയർ ഇന്ത്യയുടെ വിൽപ്പന പൂർത്തീകരിക്കാനായേക്കുമെന്ന് സർക്കാർ പ്രതീക്ഷിക്കുന്നതായി നിക്ഷേപ, പബ്ലിക് അസറ്റ് മാനേജ്‌മെന്റ് (ഡിപാം) സെക്രട്ടറി തുഹിൻ കാന്ത പാണ്ഡെ പറഞ്ഞു. കേന്ദ്ര ബജറ്റിനെക്കുറിച്ച് ചർച്ച ചെയ്യുന്നതിനായി ധനകാര്യ മേഖലയിലെ വിദഗ്ധരുമായി നടത്തിയ ചർച്ചയിൽ, ഓഹരി വിറ്റഴിക്കൽ തന്ത്രം പൊതുമേഖലാ യൂണിറ്റുകളിലെ ന്യൂനപക്ഷ ഓഹരി വിൽപ്പനയിൽ നിന്ന് തന്ത്രപരമായ വിൽപ്പനയിലേക്ക് മാറിയെന്നും അടുത്ത സാമ്പത്തിക വർഷത്തിൽ ധാരാളം സ്വകാര്യവൽക്കരണം നടക്കുമെന്നും പാണ്ഡെ പറഞ്ഞു.
നവംബറിൽ ബിപിസിഎൽ, കോൺകോർ, ഷിപ്പിംഗ് കോർപ്പറേഷൻ ഓഫ് ഇന്ത്യ എന്നീ സ്ഥാപനങ്ങളുടെ ഓഹരികൾ വിൽക്കാനും സർക്കാർ തീരുമാനിച്ചതായി അദ്ദേഹം പറഞ്ഞു. എയർ ഇന്ത്യയുടെ 100 ശതമാനം ഓഹരികളും വിൽക്കാനാണ് സർക്കാരിന്റെ തീരുമാനം. എയർ ഇന്ത്യ ഓഹരികൾ വാങ്ങാൻ താത്പര്യപത്രം സമർപ്പിക്കാനുള്ള അവസാന തീയതി മാർച്ച് 17 ആണ്.
2007 ൽ എയർ ഇന്ത്യ, എയർ ഇന്ത്യ എക്സ്പ്രസുമായി ലയിപ്പിച്ചതിനുശേഷം ഓഹരി വിറ്റഴിക്കാൻ ശ്രമിക്കുന്നത് ഇത് മൂന്നാം തവണയാണ്. എയർ ഇന്ത്യയും ഇന്ത്യൻ എയർലൈൻസും പ്രത്യേക സ്ഥാപനങ്ങളായിരുന്നപ്പോഴാണ് ഓഹരി വിൽപ്പനയ്ക്കുള്ള ആദ്യ ശ്രമം എൻ‌ഡി‌എ സർക്കാർ നടത്തിയത്.
2018 ൽ 76 ശതമാനം ഓഹരികൾ വിൽക്കാനും മാനേജുമെന്റ് നിയന്ത്രണം കൈമാറാനും സർക്കാർ നിർദ്ദേശിച്ചിരുന്നെങ്കിലും വാങ്ങാൻ ആളുണ്ടായിരുന്നില്ല. നിലവിൽ എയർ ഇന്ത്യയ്ക്ക് 60,000 കോടിയിലധികം കടമുണ്ട്. എൽ‌ഐ‌സിയിൽ ഓഹരി വിൽപ്പനയെക്കുറിച്ചും പാണ്ഡെ പറഞ്ഞു. ഇതിനായി ധാരാളം കാര്യങ്ങൾ നടത്തേണ്ടതുണ്ടെന്നും അദ്ദേഹം പറഞ്ഞു.
