പ്രമുഖ മൊബൈൽ നെറ്റ്വർക്കായ ഭാരതി എയർട്ടെൽ പുതിയ പ്രീപെയ്ഡ് പ്ലാനുകൾ പ്രഖ്യാപിച്ചു. ഇന്ത്യയിലെ ഏത് നെറ്റ്വർക്കുകളിലേക്കും പരിധികളില്ലാതെ കോളിംഗ് സൗകര്യം ഒരുക്കികൊണ്ടുള്ളതാണ് പുതിയ പ്ലാനുകൾ. എയർടെല്ലിന്റെ മുമ്പത്തെ പ്ലാനുകളിൽ എയർടെൽ ഇതര നമ്പറുകളിലേക്ക് സൗജന്യ ടോക്ക്ടൈം മിനിറ്റ് പരിമിതപ്പെടുത്തിയിരുന്നു. മറ്റ് നെറ്റ്വർക്കുകളിലേക്കെല്ലാം പരിധിയില്ലാതെ കോളിംഗ് സൗകര്യം ഒരുക്കുന്നതിനായി 219 രൂപയ്ക്കും 399 രൂപയ്ക്കും 449 രൂപയ്ക്കുമായി എയർടെൽ മൂന്ന് പുതിയ അൺലിമിറ്റഡ് പ്ലാനുകളാണ് അവതരിപ്പിക്കുന്നത്.
219 രൂപയുടെ റീചാർജ് പ്ലാൻ
28 ദിവസമാണ് ഈ പ്ലാനിന്റെ സമയപരിധി. പ്രതിദിനം 1ജിബി ഡാറ്റയും 100 എസ്എംഎസും, സൗജന്യ ഹലോ ട്യൂണുകൾ, അൺലിമിറ്റഡ് വിങ്ക് മ്യൂസിക് തുടങ്ങിയ ഓഫറുകൾ ആണ് ഈ പ്ലാനിൽ നൽകുന്നത്.
399 രൂപയുടെ പ്ലാൻ
56 ദിവസമാണ് ഈ പ്ലാനിന്റെ സമയപരിധി. പ്രതിദിനം 1.5 ജിബി ഡാറ്റയും 100 എസ്എംഎസും, സൗജന്യ ഹലോ ട്യൂണുകൾ, വിങ്ക് മ്യൂസിക് സബ്സ്ക്രിപ്ഷൻ, എയർട്ടെൻ എക്സ്ട്രീം ആപ്പ് പ്രീമിയം തുടങ്ങിയ ഓഫറുകൾ ആണ് ഈ പ്ലാനിൽ ഉള്ളത്.
449 രൂപയുടെ റീചാർജ് പ്ലാൻ
56 ദിവസമാണ് ഈ പ്ലാനിന്റെ സമയപരിധി. മറ്റ് ആനുകൂല്യങ്ങൾക്ക് പുറമെ പ്രതിദിനം 2 ജിബി ഡാറ്റയും 90 എസ്എംഎസ് ഓഫറും ഈ പ്ലാനിൽ ലഭിക്കും.
താരിഫ് വർദ്ധിച്ച് ഒരാഴ്ച്ചയ്ക്കകം നിരക്കുകൾ കുറച്ച് എയർടെല്ലും വൊഡാഫോൺ ഐഡിയയും
ഡിസംബർ 3 മുതൽ എയർടെൽ ഉൾപ്പെടെയുള്ള മൊബൈൽ നെറ്റ്വർക്കുകൾ കോളുകളുടേയും ഇൻറർനെറ്റിന്റേയും നിരക്കുകൾ വർദ്ധിപ്പിച്ചിരുന്നു. എയർട്ടെൽ കോളുകളുടേയും ഇൻറർനെറ്റിന്റേയും നിരക്കുകൾ 50 ശതമാനമാണ് വർദ്ധിപ്പിച്ചത്.