എയർടെൽ വരിക്കാർക്ക് കോളടിച്ചു, 98 രൂപയ്ക്ക് റീച്ചാർജ് ചെയ്താൽ ഇനി നേട്ടം ഇരട്ടി

എയർടെൽ വരിക്കാർക്ക് ഡാറ്റാ ആനുകൂല്യങ്ങൾ ഇരട്ടിയാക്കി. 98 രൂപയുടെ പ്രീപെയ്ഡ് റീചാർജ് പ്ലാൻ തിരഞ്ഞെടുക്കുന്നവർക്ക് ഇനി മുതൽ 28 ദിവസത്തെ വാലിഡിറ്റിയിൽ 12 ജിബി അതിവേഗ ഡാറ്റ ലഭിക്കും. മുമ്പ്, എയർടെൽ ഇതേ പ്ലാനിൽ 6 ജിബി അതിവേഗ ഡാറ്റയാണ് വാഗ്ദാനം ചെയ്തിരുന്നത്. ഈ പ്ലാൻ ഡാറ്റാ ആനുകൂല്യങ്ങൾ മാത്രമുള്ളതാണ്. എസ്എംഎസ്, കോളിംഗ് സേവനങ്ങൾ ഉപഭോക്താക്കൾക്ക് വാഗ്ദാനം ചെയ്യുന്നില്ല.

താരതമ്യം

ഡാറ്റാ ആനുകൂല്യങ്ങൾ ഇരട്ടിയാക്കാനുള്ള എയർടെല്ലിന്റെ പുതിയ നീക്കം ജിയോയുമായുള്ള മത്സരത്തിന്റെ ഭാഗമാണ്. ജിയോയുടെ 101 രൂപയുടെ ഡാറ്റ വൗച്ചർ 12 ജിബി 4 ജി ഡാറ്റയും 1000 ജിയോ മുതൽ നോൺ-ജിയോ കോളിംഗ് സേവനവുമാണ് വാഗ്ദാനം ചെയ്യുന്നത്. ജിയോയുടെ
ഈ വൗച്ചറിന് വാലിഡിറ്റി ബാധകമല്ല. അടിസ്ഥാന പദ്ധതിയുടെ സാധുത വരെ ഈ വൌച്ചറിന്റെയും വാലിഡിറ്റി തുടരും. ഇതുമായി താരതമ്യപ്പെടുത്തുമ്പോൾ, എയർടെല്ലിന്റെ പ്രീപെയ്ഡ് പ്ലാനിന് 28 ദിവസത്തെ സാധുതയുണ്ട്.

വോഡഫോൺ ഓഫർ

വോഡഫോണിനും 6 ജിബി ഡാറ്റയും 28 ദിവസത്തെ വാലിഡിറ്റിയുമുള്ള 98 പ്രീപെയ്ഡ് പ്ലാനുണ്ട്. എയർടെൽ ഇതേ നിരക്കിലുള്ള പ്ലാൻ പരിഷ്കരിച്ചതിനാൽ വോഡഫോണും ഓഫറിൽ മാറ്റം വരുത്തുമോ എന്ന് കണ്ടറിയണം.

മറ്റ് പ്ലാനുകൾ

എയർടെൽ 48 പ്രീപെയ്ഡ് പ്ലാനിൽ ഒരു മാറ്റവും വരുത്തിയിട്ടില്ല. 28 ദിവസത്തെ സാധുതയോടെ 3 ജിബി ഡാറ്റ ഈ പ്ലാൻ വഴി ലഭിക്കും. 500 രൂപ, 1,000 രൂപ, 5,000 രൂപ തുടങ്ങിയ റീചാർജ് വൗച്ചറുകളിൽ ഉപഭോക്താക്കൾക്ക് കമ്പനി കൂടുതൽ ടോക്ക്ടൈമും വാഗ്ദാനം ചെയ്യുന്നുണ്ട്. ജിയോ 30 ദിവസത്തെ സാധുതയുള്ള 30 ജിബി 4 ജി ഡാറ്റ നൽകുന്ന 151 രൂപയുടെ "work from home" പ്ലാൻ അടുത്തിടെ അവതരിപ്പിച്ചിരുന്നു.

എയർടെൽ 99 രൂപയുടെ പ്ലാൻ

എയർടെല്ലിന്റെ ഏറ്റവും വില കുറഞ്ഞ പ്രീപെയ്ഡ് പ്ലാനുകളിലൊന്നായ 99 രൂപ പ്ലാനിൽ മൊത്തം 1 ജിബി ഡാറ്റ, ഏത് നെറ്റ്‌വർക്കിലേക്കും പരിധിയില്ലാത്ത കോളുകൾ, 100 എസ്എംഎസ് എന്നിവയാണ് വാഗ്ദാനം ചെയ്യുന്നത്. പ്ലാനിന് 18 ദിവസത്തെ വാലിഡിറ്റിയുണ്ട്. സീ 5, വിങ്ക് മ്യൂസിക്, എയർടെൽ എക്സ്സ്ട്രീം എന്നിവയുടെ സൌജന്യ സബ്സ്ക്രിപ്ഷനും ലഭിക്കും.