എയർടെൽ പുതിയ ഇന്റർനാഷണൽ റോമിംഗ് പ്ലാനുകൾ അവതരിപ്പിച്ചു

പ്രമുഖ ടെലികോം കമ്പനിയായ ഭാരതി എയർടെൽ വിദേശ യാത്രകൾ നടത്തുന്ന ഉപഭോക്താക്കൾക്കായി പുതിയ റോമിംഗ് പായ്ക്കുകൾ പ്രഖ്യാപിച്ചു. മുമ്പുള്ള പ്ലാനുകളിൽ നിന്ന് വ്യത്യസ്തമായി പുതുതായി അപ്‌ഡേറ്റ് ചെയ്ത ഐആർ സേവനങ്ങൾ പ്രീപെയ്ഡ്, പോസ്റ്റ്പെയ്ഡ് വരിക്കാർക്ക് ഒരുപോലെ ഉപയോഗിക്കാവുന്നതാണ്. ഇന്റർനാഷണൽ യാത്രകൾ നടത്തുന്ന ഉപയോക്താക്കൾക്ക് കൂടുതൽ നിയന്ത്രിത ഡാറ്റ ഉപയോഗം, ടോക്ക്ടൈം, അഡീഷണൽ ചാർജ്ജുകൾ ഇല്ലാതാക്കുക തുടങ്ങിയ ലക്ഷ്യങ്ങളുമായിട്ടാണ് എയർടെൽ പുതിയ ഇന്റർനാഷണൽ പ്ലാനുകൾ അവതരിപ്പിക്കുന്നത്.

എയർടെലിന്റെ പുതിയ ഇന്റർനാഷണൽ പ്ലാനുകൾ ഇവയാണ്

1,999 രൂപയുടെ പ്ലാൻ

1 ജിബി ഡാറ്റയും ഇന്ത്യയിലേക്കും ഉപയോക്താവ് യാത്ര ചെയ്ത രാജ്യത്തിലേക്കും 100 മിനിറ്റ് ഇൻകമിംഗ്, ഔട്ട്‌ഗോയിംഗ് കോളുകളുമാണ് 1,199 രൂപ പ്ലാനിൽ കമ്പനി പ്രധാനമായും വാഗ്‌ദാനം ചെയ്യുന്നത്. കൂടാതെ 30 ദിവസത്തേക്ക് പരിധിയില്ലാത്ത ഇൻകമിംഗ് എസ്എംഎസും ഈ പായ്ക്കിൽ ഉൾപ്പെടുത്തിയിട്ടുണ്ട്.

799 രൂപയുടെ പ്ലാൻ

799 രൂപയുടെ പ്ലാനിൽ ഡാറ്റയൊന്നും നൽകുന്നില്ലെങ്കിലും ഇന്ത്യയിലേക്കും ഉപയോക്താവ് യാത്ര ചെയ്യുന്ന രാജ്യത്തിലേക്കും 100 മിനിറ്റ് ഇൻകമിംഗ്, ഔട്ട്‌ഗോയിംഗ് കോളുകൾ വാഗ്‌ദാനം ചെയ്യുന്നുണ്ട്. മാത്രമല്ല ഉപയോക്താക്കൾക്ക് 30 ദിവസത്തേക്ക് പരിധിയില്ലാത്ത ഇൻകമിംഗ് എസ്എംഎസും ഈ പ്ലാനിലൂടെ ലഭിക്കും.

4,999 രൂപയുടെ പ്ലാൻ

4,999 രൂപയുടെ പ്ലാനിൽ പ്രതിദിനം 1 ജിബി ഡാറ്റയും അൺലിമിറ്റഡ് ഇൻകമിംഗ് കോളുകളും ഇന്ത്യയിലേക്കും ഹോസ്റ്റ് രാജ്യത്തിലേക്കും 500 മിനിറ്റ് ഔട്ട്‌ഗോയിംഗ് കോളുകളും കമ്പനി വാഗ്‌ദാനം ചെയ്യുന്നുണ്ട്. കൂടാതെ 10 ദിവസത്തേക്ക് പരിധിയില്ലാത്ത ഇൻകമിംഗ് എസ്എംഎസും ഈ പായ്ക്കിൽ ഉൾപ്പെടുത്തിയിട്ടുണ്ട്.