ട്രെയിനിൽ മദ്യവുമായി യാത്ര ചെയ്യാമോ..? നിയമങ്ങളും നിയന്ത്രണങ്ങളും അറിയാം, പണി കിട്ടാതിരിക്കാൻ നല്ലതാണ്

ബസുകൾ, വിമാനങ്ങൾ തുടങ്ങിയ മറ്റ് ഗതാഗത മാർഗ്ഗങ്ങളെ അപേക്ഷിച്ച് ട്രെയിൻ യാത്ര ഇപ്പോഴും മികച്ച തിരഞ്ഞെടുപ്പാണ്. പലർക്കും ട്രെയിൻ യാത്ര എന്നാൽ നൊസ്റ്റാൾജിക് ഫീൽ തരുന്ന യാത്ര കൂടിയാണ്. രാജ്യത്തിന്‍റെ ഏറ്റവും വിദൂര പ്രദേശങ്ങളെ പോലും ബന്ധിപ്പിക്കുന്നതിന് ഇന്ത്യൻ റെയിൽവേ പൂർണ്ണ വേഗതയിൽ പ്രവർത്തിക്കുന്നു. യാത്രക്കാരുടെ മൊത്തത്തിലുള്ള അനുഭവം മെച്ചപ്പെടുത്തുന്നതിന് നിരവധി നടപടികളും സ്വീകരിച്ചിട്ടുണ്ട്.

പലരും ട്രെയിൻ യാത്ര ഇഷ്ടപ്പെടുന്നതിന്‍റെ ഒരു പ്രധാന കാരണം ബസുകളേക്കാളും വിമാനങ്ങളേക്കാളും ഉയർന്ന അളവിൽ ലഗേജുകൾ കൊണ്ടുപോകാം എന്നതാണ്. അതോടൊപ്പം ഉയർന്നുവരുന്ന ചോദ്യമാണ് ട്രെയിനിൽ യാത്ര ചെയ്യുമ്പോൾ ഒരാൾക്ക് എത്ര മദ്യം കൊണ്ടുപോകാം എന്നത്.

മദ്യം കൊണ്ടുപോകുന്നതിനുള്ള നിയമങ്ങൾ

ക്രിസ്മസ് അവധിക്കാല ടിക്കറ്റ് ബുക്കിംഗ് ഇതിനകം ആരംഭിച്ചിട്ടുണ്ട്. അതുകൊണ്ടുതന്നെ പലരും വിനോദ യാത്രകൾ പ്ലാൻ ചെയ്യുന്ന സമയമാണ്. അവധിക്കാല യാത്രകൾ ആസൂത്രണം ചെയ്യുമ്പോൾ ട്രെയിനുകളിൽ ഒരാൾക്ക് എത്ര മദ്യം കൊണ്ടുപോകാൻ അനുവാദമുണ്ടെന്ന് അറിയേണ്ടത് പ്രധാനമാണ്. ട്രെയിൻ സർവീസുകളിൽ ഏർപ്പെട്ടിരിക്കുന്ന റണ്ണിംഗ് ജീവനക്കാർ ഡ്യൂട്ടി സമയത്ത് മദ്യപിക്കുന്നത് റെയിൽവേ കർശനമായി വിലക്കുന്നു. കാരണം മദ്യപിച്ചാൽ അത് ഗുരുതരമായ അപകടത്തിന് കാരണമാകും.

ഇന്ത്യൻ റെയിൽവേയിൽ മദ്യം കൊണ്ടുപോകാമോ..?

ഇന്ത്യൻ റെയിൽവേയിൽ മദ്യം അനുവദനീയമാണോ? യാത്രക്കാർക്കിടയിൽ ഒരു സാധാരണ ചോദ്യമാണിത്. കാരണം ട്രെയിനുകളിലെ മദ്യം സംബന്ധിച്ച നിയമങ്ങൾ റോഡ്, വിമാന യാത്രകളിൽ ബാധകമായ നിയമങ്ങളിൽ നിന്ന് വ്യത്യസ്തമാണ്. എന്നാൽ ഏറ്റവും പ്രധാനപ്പെട്ട കാര്യം ട്രെയിനുകളിൽ മദ്യം കൊണ്ടുപോകുന്നതിന് കർശനമായ വിലക്കുണ്ട് എന്നതാണ്. ട്രെയിനുകളിൽ മദ്യം കഴിക്കുന്നതും കൊണ്ടുപോകുന്നതും യാത്രക്കാർക്ക് സുരക്ഷാ ഭീഷണി ഉയർത്തുക മാത്രമല്ല, മറ്റ് യാത്രക്കാർക്ക് യാത്ര ബുദ്ധിമുട്ടുകൾ സൃഷ്ടിക്കുമെന്നുമാണ് റെയിൽവേ പറയുന്നത്.

ശിക്ഷാ നടപടികൾ

മദ്യവുമായി യാത്ര ചെയ്യുകയോ ട്രെയിനിൽ മദ്യപിക്കുകയോ ചെയ്താൽ പിഴയും തടവും ലഭിക്കാം. മദ്യവുമായി പിടിക്കപ്പെട്ടാൽ 5,000 രൂപ മുതൽ 25,000 രൂപ വരെ പിഴ ഈടാക്കാം. മദ്യപിക്കുന്നതിലൂടെ മറ്റ് യാത്രക്കാർക്ക് ശല്യമുണ്ടാക്കുന്നത് ഒരു കുറ്റമാണ്. ഇതിന് 1,000 രൂപ വരെ പിഴ ലഭിക്കാം. 1989 ലെ റെയില്‍വേ ആക്ടിലെ സെഷന്‍165 പ്രകാരം മദ്യമോ മറ്റ് ലഹരിവസ്തുക്കളോ ഉപയോഗിച്ച് ട്രെയിനില്‍ യാത്ര ചെയ്യുന്നത് നിരോധിക്കപ്പെട്ടിരിക്കുന്ന കാര്യമാണ്. ഇങ്ങനെ ആരെങ്കിലും പിടിക്കപ്പെട്ടാല്‍ ഉടനടി ടിക്കറ്റ് റദ്ദ് ചെയ്യുകയും കുറ്റം തെളിയിക്കപ്പെട്ടാല്‍ ആറ് മാസം വരെ തടവും പിഴയും ലഭിക്കുകയും ചെയ്യും.

ബിഹാർ, ഗുജറാത്ത്, നാഗാലാൻഡ്, മിസോറാം തുടങ്ങിയ മദ്യനിരോധനമുള്ള സംസ്ഥാനങ്ങളിൽ അടച്ച കുപ്പികളിൽ മദ്യം കൊണ്ടുപോകുന്നത് പോലും ക്രിമിനൽ കുറ്റമായി കണക്കാക്കുന്നു.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.