ഉത്സവ സീസണിന് മുന്നോടിയായി രാജ്യത്ത് 10 പുതിയ വെയർഹൌസുകൾ പ്രവർത്തനക്ഷമമാക്കാൻ ഇ-കൊമേഴ്സ് ഭീമനായ ആമസോൺ പദ്ധതിയിടുന്നതായി റിപ്പോർട്ട്. ഇതുവഴി ആമസോൺ ഇന്ത്യയിൽ ആയിരക്കണക്കിന് തൊഴിലവസരങ്ങൾ സൃഷ്ടിക്കുമെന്നാണ് വിവരം. പുതിയ വെയർ ഹൌസ് ആരംഭിക്കുന്നതോടെ 15 സംസ്ഥാനങ്ങളിലായി 60 ലധികം വെയർഹൌസുകൾ ആമസോണിന് ഇന്ത്യയിലുണ്ടാകും. ഇതോടെ ആമസോണിന്റെ മൊത്തം സംഭരണ ശേഷി 32 ദശലക്ഷം ഘനയടിയിലധികമാണെന്ന് കമ്പനി വ്യാഴാഴ്ച ഒരു ബ്ലോഗ് പോസ്റ്റിൽ പറഞ്ഞു.
60 ലധികം സംഭരണ കേന്ദ്രങ്ങളുടെ വിപുലീകൃത ശൃംഖലയിലൂടെ ആകർഷകമായ ശമ്പളത്തോടെ ആയിരക്കണക്കിന് തൊഴിലവസരങ്ങൾ സൃഷ്ടിക്കാൻ ആഗ്രഹിക്കുന്നതായും കമ്പനി അറിയിച്ചു. ആമസോൺ ഇന്ത്യയിലെ കസ്റ്റമർ ഫുൾഫിൽമെന്റ് ഓപ്പറേഷൻസ് വൈസ് പ്രസിഡന്റ് അഖിൽ സക്സേന പ്രസ്താവനയിൽ പറഞ്ഞു.
ചൈനീസ് ചരക്കുകളുടെ കസ്റ്റംസ് ക്ലിയറൻസ് കാലതാമസം; ആമസോണിനും ഫ്ലിപ്പ്കാർട്ടിനും തിരിച്ചടി
ഉപഭോക്താക്കൾക്ക് വിശാലമായ ഉൽപ്പന്നങ്ങൾ വേഗത്തിൽ വിതരണം ചെയ്യുക, പാക്കേജിംഗ്, ഗതാഗതം, ലോജിസ്റ്റിക്സ് പോലുള്ള അനുബന്ധ ബിസിനസുകളെ സഹായിക്കുക എന്നിവയാണ് കമ്പനിയുടെ ലക്ഷ്യമെന്നും സക്സേന പറഞ്ഞു. ദില്ലി, മുംബൈ, ബെംഗളൂരു, പട്ന, ലഖ്നൗ, കൊൽക്കത്ത, ഹൈദരാബാദ്, ചെന്നൈ, ലുധിയാന, അഹമ്മദാബാദ് എന്നിവിടങ്ങളിലാണ് പുതിയ വെയർഹൌസുകൾ ആരംഭിക്കുന്നത്. പുതിയ വിപുലീകരണത്തോടെ, ഇന്ത്യയിലെ ആമസോണിന്റെ വെയർഹൌസുകൾ 100 ഫുട്ബോൾ മൈതാനങ്ങളുടെ ഭൂമിയുടെ വലുപ്പത്തേക്കാൾ തുല്യമായ പ്രദേശത്തെ ഉൾക്കൊള്ളും.
രാജ്യത്തുടനീളമുള്ള ഉപഭോക്താക്കൾക്കും വിൽപ്പനക്കാർക്കും മികച്ചതും വേഗതയേറിയതും സ്ഥിരതയാർന്നതുമായ അനുഭവം പ്രദാനം ചെയ്യുന്നതിനാണ് ഈ വിപുലീകരണം രൂപകൽപ്പന ചെയ്തിരിക്കുന്നതെന്ന് ആമസോൺ ഇന്ത്യ പറഞ്ഞു.