Just In
-
-
-
-
Don't Miss
-
രാഹുലിന്റേയും പിണറായിയുടേയും പ്രസ്താവന കേരളത്തിലും ഇന്ത്യ സഖ്യം രൂപപ്പെട്ടതിന്റെ ഉദാഹരണം: കെ സുരേന്ദ്രൻ -
ജാസ്മിനെ കളിയാക്കി വിടുക എന്ന നമ്പര് ഇട്ടെങ്കിലും ഏറ്റില്ല! ഒടുവില് ബോധം കെട്ടുവീണു, ചില അഭിപ്രായ സത്യങ്ങൾ -
ഇതൊരു ബൂം ചിക്കാ വാവ മൊമെന്റ്; കേരളത്തിന് ആദ്യമായി ഡബിൾ ഡക്കർ ട്രെയിൻ -
കുട്ടികള്ക്കും ഇഷ്ടപ്പെടും, വായിലിട്ടാല് അലിഞ്ഞുപോകും, കിടിലന് രുചിയില് സേമിയ അട -
IPL 2024: ബട്ലറല്ല, ആര്ആറിനെ ജയിപ്പിച്ചത് പവല്! ടീം തന്ത്രം വെളിപ്പെടുത്തി വിന്ഡീസ് താരം -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
ഇന്ത്യയിലെ ഏറ്റവും ധനികനായ മുകേഷ് അംബാനി ഫോബ്‌സ് ശതകോടീശ്വരന്മാരുടെ റാങ്കിംഗിൽ ഒമ്പതാം സ്ഥാനത്തേക്ക് പിന്തള്ളപ്പെട്ടു. തിങ്കളാഴ്ച 7 ബില്യൺ ഡോളറിന്റെ ഇടിവുണ്ടായതിനെ തുടർന്നാണ് അംബാനി പട്ടികയിൽ പിന്നിലായത്. മുകേഷ് അംബാനി ഇപ്പോൾ ഗൂഗിൾ സഹസ്ഥാപകൻ ലാറി പേജിന് പിന്നിലാണ്. റിലയൻസ് ഓഹരി വില ഏകദേശം 9 ശതമാനം ഇടിഞ്ഞ് 1,871.90 ഡോളറിലെത്തി. ഇത് മൂന്ന് മാസത്തിനിടയിലെ ഏറ്റവും താഴ്ന്ന നിരക്കാണ്.
വരുമാനം ഇടിഞ്ഞു
ഒക്ടോബർ 30 ന് റിലയൻസ് രണ്ടാം പാദ വരുമാനം രേഖപ്പെടുത്തിയിരുന്നു. ലാഭം 32.5 ശതമാനം കുറഞ്ഞു. ഇതിനെ തുടർന്നാണ് ഇന്ത്യയിലെ ഏറ്റവും ധനികനായ മുകേഷ് അംബാനി ഫോബ്‌സ് ശതകോടീശ്വരന്മാരുടെ റാങ്കിംഗിൽ ഒമ്പതാം സ്ഥാനത്തേക്ക് പിന്തള്ളപ്പെട്ടത്. മാസങ്ങളായി നേട്ടം മാത്രം കൈവരിച്ചിരുന്ന റിലയൻസിന് ഇന്നലെ ഒരു ദിവസത്തെ തിരിച്ചടി വളരെ വലുതായിരുന്നു. റിലയൻസിന്റെ മൊത്തം വിപണി മൂലധനം, 12,64,061.50 കോടിയായി കുറഞ്ഞു.
നഷ്ടത്തിന് കാരണം
അതേസമയം ഓഹരി ഉടമകൾക്ക് ഒരു ലക്ഷം കോടിയിലധികം നഷ്ടമായി. റിലയൻസ്-ഫ്യൂച്ചർ റീട്ടെയിൽ ഇടപാടിൽ ആമസോണുമായുള്ള നിയമപോരാട്ടമാണ് അംബാനിയുടെ മറ്റൊരു പ്രശ്‌നം. ഗതാഗത ഇന്ധനങ്ങളുടെ ആവശ്യകതയിലുണ്ടായ ഇടിവ് മൂലം ഉണ്ടായ റിലയൻസിന്റെ എണ്ണ ശുദ്ധീകരണ ബിസിനസിൽ നിന്നാണ് ഏറ്റവും വലിയ നഷ്ടം ഉണ്ടായത്. ഓഹരി വിപണിയിൽ ആർ‌ഐ‌എൽ ഓഹരി വില 8.5 ശതമാനത്തിലധികം ഇടിഞ്ഞു.
ദീർഘകാല വളർച്ചാ ലക്ഷ്യം
ആർ‌ഐ‌എൽ ഓഹരികളുടെ ഹ്രസ്വകാല ഇടിവ് വിൽ‌പനയിൽ മഹാമാരിയുടെ സ്വാധീനത്തെ തുടർന്നാണെന്ന് വിദഗ്ധർ പറയുന്നു. മിക്ക ബ്രോക്കറേജ് സ്ഥാപനങ്ങളും റിലയൻസിന്റെ ദീർഘകാല വളർച്ചയെക്കുറിച്ച് ശുഭാപ്തി വിശ്വാസം പ്രകടിപ്പിക്കുന്നുണ്ട്. ഓഹരി വില കുത്തനെ ഇടിഞ്ഞതിനു ശേഷവും മാർച്ചിൽ കണ്ട നിലവാരത്തെ അപേക്ഷിച്ച് ആർ‌ഐ‌എൽ ഓഹരികൾ 100 ശതമാനത്തിലധികം ഉയർന്നിരുന്നു. നിലവിൽ, മുകേഷ് അംബാനി തന്റെ ബിസിനസ്സിനെ ഇന്ത്യയിലെ ഏറ്റവും ലാഭകരമായ രണ്ട് മേഖലകളായ സാങ്കേതികവിദ്യയിലും ഡിജിറ്റൽ റീട്ടെയിൽ സേവനങ്ങളിലും ശ്രദ്ധ കേന്ദ്രീകരിക്കാനാണ് ശ്രമിക്കുന്നത്.
ഭാവി വളർച്ചാ പദ്ധതികൾ
ആഗോള ടെക്നോളജി ഭീമന്മാരിൽ നിന്നും സ്വകാര്യ ഇക്വിറ്റി സ്ഥാപനങ്ങളിൽ നിന്നും നിക്ഷേപം ആകർഷിച്ച ശേഷം ആർ‌ഐ‌എൽ അതിന്റെ ഡിജിറ്റൽ സേവന വിഭാഗമായ ജിയോ പ്ലാറ്റ്ഫോമിനെ വിജയകരമായി ശക്തിപ്പെടുത്തി കൊണ്ടിരിക്കുകയാണ്. റിലയൻസിന്റെ ഭാവി വളർച്ചാ പദ്ധതികൾ പരിഗണിക്കുമ്പോൾ, മാർക്കറ്റ് വിദഗ്ധരും ബ്രോക്കറേജുകളും തിങ്കളാഴ്ച റിലയൻസിന്റെ ഓഹരി വിപണിയിലെ മാന്ദ്യത്തെ കാര്യമാക്കുന്നില്ല.
