അമേരിക്കന്‍ ഫാസ്റ്റ് ഫൂഡ് ഹോട്ടല്‍ ശൃംഘലയായ പൊപയെസ് ഇന്ത്യയിലേക്ക്

 ദില്ലി; യുഎസിലെ പ്രസിദ്ധ ഫാസ്റ്റ് ഫൂഡ് ഹോട്ടല്‍ ശൃംഘലയായ പൊപയെസ് ഇന്ത്യയിലെത്തുന്നു. ബംഗ്ലാദേശ്, ഭൂട്ടാന്‍, നേപ്പാള്‍ എന്നീ രാജ്യങ്ങള്‍ക്കൊപ്പം ഇന്ത്യയിലും ചുവടുറപ്പിക്കുവാനുള്ള നീക്കത്തിലാണ് കമ്പനി. ഇന്ത്യയില്‍ ജുബിലന്‍റ് ഫുഡ് വര്‍ക്സ് ആണ് പൊപയെസിനെ കൊണ്ടുവരുന്നത്. റെസ്റ്റോറന്റ് ബ്രാന്‍ഡ്സ് ഇന്റര്‍നാഷണല്‍ ഇന്‍കോര്‍പറേറ്റിന്റെ സഹസ്ഥാപനമായ പിഎല്‍കെ എപിഎസി പ്രൈവറ്റ് ലിമിറ്റഡുമായി പൊപയെസ് കമ്പനി കഴിഞ്ഞ ദിവസം ധാരാണാ പത്രത്തില്‍ ഒപ്പുവെച്ചു.

വരും വര്‍ഷങ്ങളില്‍ ഫ്രൈഡ് ചിക്കന്‍ വിഭവങ്ങള്‍ക്കുണ്ടാകുന്ന സ്വീകാര്യത മുന്നില്‍ കണ്ട് ഈ രാജ്യങ്ങളിലായി നൂറു കണക്കിനു സ്റ്റോറുകള്‍ തുറക്കുവാനാണ് ഈ കരാറിലൂടെ ലക്ഷ്യമിടുന്നത്. വരും വര്‍ഷങ്ങളില്‍ വഇന്ത്യ, ബംഗ്ലാദേശ്, നേപ്പാൾ, ഭൂട്ടാൻ എന്നിവിടങ്ങളില്‍ നൂറുകണക്കിന് പൊപയെസ് റെസ്റ്റോറന്റുകൾ വികസിപ്പിക്കാനും സ്ഥാപിക്കാനും സ്വന്തമാക്കാനും പ്രവർത്തിപ്പിക്കാനും ഈ കരാര്‍ വഴി സാധിക്കും. .

1972 ൽ ലൂസിയാനയിലെ ന്യൂ ഓർലിയാൻസിൽ ആരംഭിച്ച ഫ്രൈഡ് ചിക്കൻ ഫാസ്റ്റ് ഫുഡ് ശൃംഖലയ്ക്ക് ലോകത്തെ 25 രാജ്യങ്ങളിലായി 3,400 റെസ്റ്റോറന്റുകൾ ഉണ്ട്.
റെസ്റ്റോറന്റ് ബ്രാൻഡുകൾ ഏറ്റെടുത്ത ശേഷം സ്പെയിൻ, സ്വിറ്റ്സർലൻഡ്, ചൈന, ബ്രസീൽ, ശ്രീലങ്ക, ഫിലിപ്പീൻസ് എന്നിവിടങ്ങളിലേക്കും ഈ ശൃംഘല വ്യാപിച്ചിട്ടുണ്ട്.

അന്താരാഷ്ട്ര ഫാസ്റ്റ് ഫുഡ് ശൃംഖലകളുടെ ഡൊമിനോസ് പിസ്സയുടെയും ഡങ്കിൻ ഡോണട്ട്സിന്റെും ഫ്രാഞ്ചൈസികൾ ജൂബിലാന്റ് ഇതിനകം സ്വന്തമാക്കിയിട്ടുണ്ട്.