Just In
-
-
-
-
Don't Miss
-
യുപിയില് വന് ട്വിസ്റ്റ്; അഖിലേഷ് യാദവ് ലോക്സഭാ തിരഞ്ഞെടുപ്പില് മത്സരിക്കും, കനോജില് തീപ്പാറും -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
മുകേഷ് അംബാനിയുടെ ഇളയ മകൻ ആനന്ദ് അംബാനിയും ജിയോ പ്ലാറ്റ്ഫോമിൽ ഡയറക്ടറായി ചേർന്നു. ഫെയ്‌സ്ബുക്ക്, കെ‌കെ‌ആർ, വിസ്ത, എന്നിവയിൽ നിന്ന് കോടിക്കണക്കിന് ഡോളർ നിക്ഷേപം ലഭിച്ചതിനാൽ റിലയൻസ് ഇൻഡസ്ട്രീസിന്റെ പൂർണ ഉടമസ്ഥതയിലുള്ള റിലയൻസ് ജിയോ കഴിഞ്ഞ ഏതാനും ആഴ്ചകളായി വാർത്തകളിൽ നിറഞ്ഞിരുന്നു.
ആരാണ് ആനന്ദ് അംബാനി?
മുകേഷ് അംബാനിയുടെയും നിത അംബാനിയുടെയും മൂന്നാമത്തെ മകനാണ് 25കാരനായ ആനന്ദ് അംബാനി. അന്തരിച്ച മുത്തച്ഛനും ആർ‌ഐ‌എൽ സ്ഥാപകനുമായ ധീരുഭായ് അംബാനിയുടെ ജന്മവാർഷികത്തിൽ മുഖ്യ പ്രഭാഷണം നടത്തിയത് അംബാനി കുടുംബത്തിലെ ഏറ്റവും ഇളയ സന്തതിയായ ആനന്ദ് അംബാനിയാണ്. ഇന്ത്യയിലെ മാറ്റങ്ങൾക്ക് റിലയൻസ് നേതൃത്വം നൽകുമെന്നും റിലയൻസ് എന്റെ ജീവിതമാണെന്നും ആനന്ദ് അംബാനി പ്രസംഗത്തിൽ പറഞ്ഞു.
വാർത്തകളിൽ നിറഞ്ഞ ആനന്ദ് അംബാനി
ആനന്ദ് അംബാനി തന്റെ ജീവിതത്തിന്റെ ഭൂരിഭാഗവും ഗുജറാത്തിലെ ജാംനഗറിലാണ് ചെലവഴിച്ചത്. ധീരുഭായ് അംബാനി ഇന്റർനാഷണൽ സ്‌കൂളിൽ പഠിച്ച ഇദ്ദേഹം 2017 ൽ ബ്രൗൺ യൂണിവേഴ്‌സിറ്റിയിൽ നിന്ന് ബിരുദം പൂർത്തിയാക്കി. 18 മാസത്തിനുള്ളിൽ 108 കിലോ കുറച്ച് ഇടക്കാലത്ത് ആനന്ദ് അംബാനി വാർത്തകളിൽ നിറഞ്ഞിരുന്നു. അമ്മയ്‌ക്കൊപ്പം സാമൂഹിക പ്രവർത്തനങ്ങളിൽ ഏർപ്പെടുന്നതിലൂടെയും ആനന്ദ് ശ്രദ്ധ നേടിയിരുന്നു.
അമിത വണ്ണം
ആനന്ദ് അംബാനി ശരീരഭാരം കുറച്ചത് മാധ്യമങ്ങൾ ഏറെ ആഘോഷമാക്കിയിരുന്നു. വിട്ടുമാറാത്ത ആസ്ത്മയുള്ള വ്യക്തിയാണ് ആനന്ദ്. ഇതിനായി ഇദ്ദേഹം കഴിക്കുന്ന മരുന്നാണ് ശരീരഭാരം കൂടാൻ കാരണം. ഭക്ഷണത്തിലെ മാറ്റങ്ങളും ഒരു ദിവസം 5-6 മണിക്കൂർ കർശനമായ വ്യായാമ മുറകളും ചെയ്താണ് ആനന്ദ് അംബാനി ശരീര ഭാരം കുറച്ചത്.
ആനന്ദ് വിലാസ്
ദി ഒബറോയ് ഗ്രൂപ്പിന്റെ ആഡംബര റിസോർട്ടായ അനന്ത്‌വിലാസ് ഇദ്ദേഹത്തിന്റെ പേരിലാണ് അറിയപ്പെടുന്നത്. രാജ്യത്തും പുറത്തും ആഡംബര ഹോട്ടലുകൾക്ക് പേരുകേട്ട ഒബറോയ് ഗ്രൂപ്പ് കഴിഞ്ഞ സെപ്റ്റംബറിൽ ആദ്യത്തെ നഗര ആഡംബര റിസോർട്ട് പ്രഖ്യാപിച്ചു. ഒബറോയ് അനന്ത്‌വിലാസ് എന്ന് വിളിക്കപ്പെടുന്ന ഈ റിസോർട്ടിന് അനന്ത് അംബാനിയുടെ പേരാണ് നൽകിയിരിക്കുന്നത്. റിലയൻസ് ഇൻഡസ്ട്രീസിന്റെയും മേക്കർ ഗ്രൂപ്പിന്റെയും ഉടമസ്ഥതയിലുള്ള ഒരു റിയൽ എസ്റ്റേറ്റ് ഹബ്ബിലാണ് റിസോർട്ട് സ്ഥിതി ചെയ്യുന്നത്.
മറ്റ് മക്കൾ
ജിയോ ഫോൺ 2 ആരംഭിക്കുന്നതിനിടെ ആനന്ദ് അംബാനിയുടെ മൂത്ത സഹോദരങ്ങളായ ഇഷയും ആകാശും നേരത്തെ കുടുംബ ബിസിനസിൽ ചേരുകയും പ്രസംഗങ്ങൾ നടത്തുകയും ചെയ്തിരുന്നു. എന്നാൽ ആനന്ദ് ഇപ്പോഴാണ് കുടുംബ ബിസിനസിലേയ്ക്ക് കാലെടുത്തു വയ്ക്കുന്നത്. 25 വയസ്സുള്ളപ്പോഴാണ് ഇഷയും ആകാശും ജിയോ പ്ലാറ്റ്ഫോം ബോർഡിൽ ഡയറക്ടറായി ചേർന്നത്.
