ആപ്പിളിന്റെ ഐഫോൺ 12 സീരീസ് ഒക്ടോബർ 30 മുതൽ ഇന്ത്യയിൽ വിൽപ്പന ആരംഭിക്കും, വില അറിയണ്ടേ?

ഐഫോൺ 12 സീരീസ് ഒക്ടോബർ 30 മുതൽ ഇന്ത്യയിൽ വിൽപ്പന ആരംഭിക്കും. 69,900 രൂപ മുതലാണ് ഫോണിന്റെ വിൽപ്പന വില. 64 ജിബി, 128 ജിബി, 256 ജിബി സ്റ്റോറേജ് വേരിയന്റുകളിൽ ഉപകരണങ്ങൾ ലഭ്യമാകും. ഐഫോൺ 12ന്റെ വില 76,900 രൂപയ്ക്ക് ആരംഭിക്കുമ്പോൾ 12 മിനിയാണ് 69,900 രൂപ മുതലുള്ള വിലയ്ക്ക് വിൽക്കുക. 64 ജിബി വേരിയന്റിന് ഐഫോൺ 12 പ്രോയ്ക്ക് 1,19,900 രൂപയും 12 പ്രോ മാക്‌സിന് ഇന്ത്യയിൽ 1,29,900 രൂപയുമാണ് വില. ഒക്ടോബർ 30 മുതൽ ഈ രണ്ട് ഫോണുകളുടെയും വിൽപ്പന ആരംഭിക്കും.

സൌജന്യം

ആപ്പിൾ ടിവി + സ്ട്രീമിംഗ് സേവനത്തിലേക്ക് ഒരു വർഷം നീണ്ടുനിൽക്കുന്ന സബ്‌സ്‌ക്രിപ്‌ഷനും പുതിയ വാങ്ങലുകളോടൊപ്പം മൂന്ന് മാസത്തെ ആപ്പിൾ ആർക്കേഡും സൗജന്യമാണ്. കൂടുതൽ പരിസ്ഥിതി സൗഹൃദമാകാനുള്ള ആപ്പിളിന്റെ ലക്ഷ്യത്തിന്റെ ഭാഗമായി ഫോണിനൊപ്പം ചാർജറുകൾ ബോക്സിൽ ലഭിക്കില്ല. കമ്പനി പുതിയ മാഗ് സേഫ് ആക്സസറികൾളാണ് അവതരിപ്പിച്ചിരിക്കുന്നത്. ഇത് ചാർജിംഗിനായി മാഗ്നറ്റിക് പിൻ സാങ്കേതികവിദ്യയാണ് ഉപയോഗിക്കുക. നവംബർ 6 മുതൽ ഇവ പ്രത്യേകം വിൽക്കും.

ഓൺലൈൻ റീട്ടെയിൽ സ്റ്റോർ

ആപ്പിൾ അടുത്തിടെയാണ് ഇന്ത്യയിൽ ആദ്യത്തെ ഓൺലൈൻ റീട്ടെയിൽ സ്റ്റോർ ആരംഭിച്ചത്. ഇത് കമ്പനിയുടെ വിപുലീകൃത വാറന്റി സേവനമായ ആപ്പിൾകെയർ + രാജ്യത്തും വിൽക്കാൻ അനുവദിക്കുന്നു. പുതിയ ഐഫോൺ 5 ജി കണക്റ്റിവിറ്റിയെ പിന്തുണയ്ക്കുന്നതാണ്. കൂടാതെ മെച്ചപ്പെട്ട ക്യാമറ സിസ്റ്റങ്ങളുമുണ്ട്. പ്രോ മോഡലുകൾക്ക് മികച്ച നിറം നൽകുന്ന "സൂപ്പർ എക്സ്ഡിആർ" പാനലുകൾ നിലനിർത്തിയിട്ടുണ്ടെങ്കിലും ആപ്പിൾ നാല് ഉപകരണങ്ങളിലും ഇത്തവണ ഒലെഡ് ഡിസ്പ്ലേകൾ ഘടിപ്പിച്ചിട്ടുണ്ട്. പ്രൊ മോഡലുകളിൽ മികച്ച ക്യാമറ സവിശേഷതകളും ഉണ്ട്, അവയിൽ പലതും പ്രൊഫഷണൽ ക്യാമറകൾക്ക് അനുയോജ്യമാണ്.

5 ജി നെറ്റ്‌വർക്ക്

5 ജി നെറ്റ്‌വർക്കുകളെ പിന്തുണയ്‌ക്കാൻ ലോകമെമ്പാടുമുള്ള നൂറിലധികം ടെൽകോമുകളുമായി സഹകരിച്ചിട്ടുണ്ടെന്ന് ആപ്പിൾ വ്യക്തമാക്കിയിട്ടുണ്ടെങ്കിലും ഇന്ത്യൻ ഉപയോക്താക്കൾക്ക് ഇത് പ്രയോജനപ്പെടുത്താൻ കുറച്ച് സമയമെടുക്കും. രാജ്യം ഇതുവരെ 5 ജി സ്പെക്ട്രം ലേലം ചെയ്തിട്ടില്ല, അടുത്ത വർഷം ആദ്യം തന്നെ ഈ പ്രക്രിയ ആരംഭിക്കുമെന്ന് പ്രതീക്ഷിക്കുന്നു. അങ്ങനെയാണെങ്കിൽപ്പോലും, സ്പെക്ട്രം വാങ്ങാനും 5 ജി കണക്റ്റിവിറ്റി പ്രവർത്തനക്ഷമമാക്കാനും റിലയൻസ് ജിയോ മാത്രമാണ് തയ്യാറായിരിക്കുന്നത്.