വെറും 47,990 രൂപയ്ക്ക് ആപ്പിള്‍ ഐഫോണ്‍17 വാങ്ങാം, ശ്രദ്ധ നേടി ക്രോമയുടെ റിപ്പബ്ലിക് ദിന വില്‍പ്പന!

ആപ്പിള്‍ ഐഫോണിന് വന്‍ വിലക്കുറവ് പ്രഖ്യാപിച്ചിരിക്കയാണ് ടാറ്റയുടെ ഉടമസ്ഥതയിലുള്ള ഇലക്ട്രോണിക്‌സ് റീട്ടെയ്‌ലര്‍, ക്രോമ. റിപ്പബ്ലിക് ദിന വില്‍പ്പനയോടനുബന്ധിച്ചാണിത്. ക്രോമ സ്‌റ്റോറുകളില്‍ ജനുവരി 26 വരെ ഓഫറുകള്‍ ലഭ്യമാകും.

ഈ കാലയളവില്‍ ബാങ്ക് ക്യാഷ്ബാക്കുകള്‍, എക്സ്ചേഞ്ച് ആനുകൂല്യങ്ങള്‍, വിദ്യാര്‍ത്ഥി ഓഫറുകള്‍, ഇഎംഐ ഓപ്ഷനുകള്‍ എന്നിവ ഉപഭോക്താക്കള്‍ക്ക് പ്രയോജനപ്പെടുത്താം. സ്മാര്‍ട്ട്ഫോണുകള്‍, ലാപ്ടോപ്പുകള്‍, ടെലിവിഷനുകള്‍, വലിയ വീട്ടുപകരണങ്ങള്‍, പ്രമുഖ ബ്രാന്‍ഡുകളുടെ ഓഡിയോ ഉല്‍പ്പന്നങ്ങള്‍ എന്നിവയിലും ഡീലുകള്‍ ലഭ്യമാണ്. ഉത്പന്നത്തേയും സ്ഥലം, തീയതി, ബാങ്ക്,ധനകാര്യ പങ്കാളി എന്നിവയേയും ആശ്രയിച്ച് അന്തിമ വില വ്യത്യാസപ്പെടും.

എച്ച്ഡിഎഫ്സി ടാറ്റ ന്യൂ കാര്‍ഡ് ഉപയോഗിക്കുന്ന ഉപഭോക്താക്കള്‍ക്ക് തിരഞ്ഞെടുത്ത ആപ്പിള്‍ ഉല്‍പ്പന്നങ്ങളില്‍ 10% വരെ ലാഭിക്കാന്‍ കഴിയും. ഇത് മൊത്തം വില്‍പന മൂല്യത്തിലേയ്ക്ക് ചേര്‍ക്കുന്നു.

ഐഫോണ്‍ 17 ന് വിലക്കുറവ്: ഡീല്‍ എങ്ങനെ പ്രവര്‍ത്തിക്കുന്നു
ഈ സീസണിലെ ഏറ്റവും മികച്ച ഓഫറുകളില്‍ ഒന്ന് ഐഫോണ്‍ 17 ന്റേതാണ്. 82,900 രൂപയില്‍ ആദ്യം ലോഞ്ച് ചെയ്യപ്പെട്ട ഐഫോണ്‍17 ഇപ്പോള്‍ 47,990 രൂപയ്ക്ക് വാങ്ങാം. പഴയ സ്മാര്‍ട്ട്ഫോണിന് ലഭ്യമാകുന്ന 23,500 വരെയുള്ള എക്സ്ചേഞ്ച് മൂല്യം, ഫ്‌ലാറ്റ് 2,000 രൂപ ബാങ്ക് ക്യാഷ്ബാക്ക്, 8,000 രൂപയുടെ അധിക എക്സ്ചേഞ്ച് ബോണസ് എന്നീ ആനുകൂല്യങ്ങള്‍ വഴിയാണിത്. കൈമാറ്റം ചെയ്യപ്പെടുന്ന ഉപകരണത്തിന്റെ അവസ്ഥയും മോഡലും അനുസരിച്ച് ആനുകൂല്യം വ്യത്യാസപ്പെടും.

ഐഫോണ്‍ 17: ഡിസ്‌പ്ലേയും ഡിസൈനും
മുന്‍ലോഞ്ചുകളെ അപേക്ഷിച്ച് ശ്രദ്ധേയമായ ഫീച്ചറുകളാണ് ഐഫോണ്‍ 17 ല്‍ കമ്പനി ഉള്‍പ്പെടുത്തിയിരിക്കുന്നത്.  120Hz വരെ നിരക്കുള്ള വലിയ 6.3 ഇഞ്ച് സൂപ്പര്‍ റെറ്റിന, XDR OLED ഡിസ്‌പ്ലേ, സെറാമിക് ഷീല്‍ഡ് 2 സംരക്ഷണം, 3000 നിറ്റുകള്‍ വരെ പീക്ക് ബ്രൈറ്റ്‌നെസ് ലെവല്‍, പൊടിക്കും വെള്ളത്തിനും എതിരെ പ്രതിരോധം ഉറപ്പാക്കുന്ന IP68 റേറ്റിംഗ് എന്നിവ പ്രത്യേകതകളാണ്.

ഐഫോണ്‍ 17: പ്രകടനവും ക്യാമറ ശേഷികളും
ആപ്പിളിന്റെ പുതിയ A19 ചിപ്സെറ്റാണ് സ്മാര്‍ട്ട്ഫോണിന് കരുത്ത് പകരുന്നത്. മുന്‍ തലമുറയേക്കാള്‍ ഏകദേശം 40% മികച്ച സിപിയു പ്രകടനം പ്രോസസര്‍ നല്‍കുന്നു.48-മെഗാപിക്‌സല്‍ പ്രൈമറി സെന്‍സറും 48-മെഗാപിക്‌സല്‍ അള്‍ട്രാ-വൈഡ് ക്യാമറയും അടങ്ങുന്ന ഡ്യുവല്‍ റിയര്‍ ക്യാമറയും സജ്ജീകരിച്ചിരിക്കുന്നു. ആപ്പിളിന്റെ പ്രോ മോഡലുകളില്‍ കാണുന്നതുപോലെ 18-മെഗാപിക്‌സല്‍ സെന്റര്‍ സ്റ്റേജ് ഫ്രണ്ട് ക്യാമറ ഉള്‍പ്പടെയാണിത്.

മികച്ച വിലയും ബണ്ടില്‍ഡ് ഓഫറുകളും ഉള്ളതിനാല്‍, ക്രോമയുടെ റിപ്പബ്ലിക് ഡേ സെയില്‍ ഈ ഉത്സവ സീസണില്‍ ലഭ്യമായ ഏറ്റവും ആകര്‍ഷകമായ പ്രീമിയം സ്മാര്‍ട്ട്ഫോണ്‍ ഡീലാണ്.

പ്രധാന കാര്യങ്ങള്‍
ക്രോമയുടെ റിപ്പബ്ലിക് ഡേ സെയില്‍ ഐഫോണ്‍ 17 ഉള്‍പ്പെടെ വിവിധ ഇലക്ട്രോണിക്സുകളില്‍ ഗണ്യമായ കിഴിവുകള്‍ വാഗ്ദാനം ചെയ്യുന്നു.

എക്സ്ചേഞ്ച് ഓഫറുകളും ബാങ്ക് ക്യാഷ്ബാക്കുകളും വഴി ഉപഭോക്താക്കള്‍ക്ക് അധിക ലാഭം നേടാം.

ഐഫോണ്‍ 17 അതിന്റെ മുന്‍ഗാമിയെ അപേക്ഷിച്ച് ഗണ്യമായ അപ്ഗ്രേഡുകള്‍ അവതരിപ്പിക്കുന്നു.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിര്‍ദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂര്‍ണ്ണത, അല്ലെങ്കില്‍ വിശ്വാസ്യത എന്നിവയ്ക്ക് ഞങ്ങള്‍ യാതൊരു ഉറപ്പും നല്‍കുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല. ഞങ്ങള്‍ ഏതെങ്കിലും തരത്തിലുള്ള നിക്ഷേപ ഉപദേശങ്ങള്‍ നല്‍കുകയോ, ഓഹരികള്‍ വാങ്ങാനോ വില്‍ക്കാനോ ശുപാര്‍ശ ചെയ്യുകയോ ചെയ്യുന്നില്ല. ഈ വിവരങ്ങള്‍ വിജ്ഞാനപ്രദമായ ആവശ്യങ്ങള്‍ക്ക് മാത്രമുള്ളതാണ്. അതിനാല്‍, ഏതെങ്കിലും നിക്ഷേപ തീരുമാനങ്ങള്‍ എടുക്കുന്നതിന് മുന്‍പ്, ലൈസന്‍സുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിര്‍ബന്ധമാണ്.