Click it and Unblock the Notifications
ആപ്പിളിന്റെ ധരിക്കാവുന്ന എഐ പിന് വരുന്നു; സവിശേഷതകള് ഇതാ
കൃത്രിമബുദ്ധി (എഐ)യില് അധിഷ്ഠിതമായ ധരിക്കാവുന്ന ഒരു പിന് വികസിപ്പിക്കുകയാണ് ആപ്പിള്. വസ്ത്രങ്ങളില് ഘടിപ്പിക്കാവുന്ന ഈ ക്ലിപ്പ്-ഓണ് ഉപകരണം ഒരു സുഹൃത്തായി എപ്പോഴും കൂടെയുണ്ടാകും. നിങ്ങള്ക്ക് ചോദ്യങ്ങള് ചോദിക്കുകയും സംശയനിവാരണം നടത്തുകയുമാകാം. ആപ്പിളിന്റെ ആദ്യ എഐ അധിഷ്ഠിത ഉപകരണമെന്ന പ്രത്യകതയും പിന്നിനുണ്ട്.
സവിശേഷതകള്
റിപ്പോര്ട്ട് പ്രകാരം അലുമിനിയവും ഗ്ലാസും കൊണ്ട് നിര്മ്മിക്കുന്ന നേര്ത്ത, പരന്ന, വൃത്താകൃതിയിലുള്ള പിന്നാണ് ഉപകരണം. കട്ടിയുള്ളതാണെങ്കിലും, എയര്ടാഗിന് അടുത്ത വലുപ്പമാണുണ്ടാകുക. കാന്തത്തിന്റെ സഹായത്താല് വസ്ത്രങ്ങളില് ഘടിപ്പിക്കാം. സ്മാര്ട്ട് വാച്ച് അല്ലെങ്കില് ഇയര്ബഡുകളില് നിന്ന് വ്യത്യസ്തമായി, ഡിസ്പ്ലേയെയാകില്ല ഉപകരണം ആശ്രയിക്കുക. പകരം ശബ്ദം, ഓഡിയോ, ക്യാമറ അടിസ്ഥാനമാക്കി പ്രവര്ത്തനം ചിട്ടപ്പെടുത്തും. സ്റ്റാന്ഡേര്ഡ്, വൈഡ് ആംഗിള് കാമറകളും പ്രതീക്ഷിക്കപ്പെടുന്നുണ്ട്. ഫോട്ടോ, വീഡീയോ ചിത്രീകരണത്തിനാണിത്. വോയ്സ് കമാന്ഡുകള് പിന്തുണയ്ക്കുന്നതിനായി മൂന്ന് മൈക്രോഫോണുകളുമുണ്ടാകും. ഒരു ബില്റ്റ്-ഇന് സ്പീക്കര് ഓഡിയോ പ്രതികരണങ്ങള് കൈകാര്യം ചെയ്യും. ഫിറ്റ്നസ് ട്രാക്കറുകളില് ഉപയോഗിക്കുന്നതുപോലുള്ള ഒരു സ്ട്രിപ്പിലൂടെ ചാര്ജ് ചെയ്യാം. നിങ്ങള് ഉറങ്ങുമ്പോഴും വിശ്രമിക്കുമ്പോഴും പിന് ജാഗരൂകനായി ഒപ്പമുണ്ടാകും. ഒരു സുഹൃത്തിനോടെന്ന പോലെ നിങ്ങള്ക്ക് സഹായം ചോദിക്കാം, അലേര്ട്ടുകള് ഫോണിലും മറ്റ് ഉപകരണങ്ങളിലും സ്വീകരിക്കാം, ചുറ്റുപാടുകള് വിശദീകരിക്കാന് പറയാം.
നിങ്ങള് എവിടെയാണ്, എന്താണ് ചെയ്യുന്നത് എന്ന് ഉപകരണത്തിന് നേരിട്ട് ബോധ്യമുണ്ടാകും. ഡാറ്റ ആപ്പിള് കൈകാര്യം ചെയ്യുന്നവിധം ചോദ്യമുയര്ത്തുന്നുണ്ട്. ക്ലൗഡിലേയ്ക്ക് അയക്കുന്നതിന് പകരം ഡാറ്റ നേരിട്ട് ഉപകരണത്തില് പ്രൊസസ് ചെയ്യാനാകും കമ്പനി ശ്രമിക്കുക.
എന്ന് പുറത്തിറങ്ങും?
2027 ഉപകരണം വിപണിയിലെത്തുമെന്ന് റിപ്പോര്ട്ട് പറയുന്നു. ആദ്യഘട്ടത്തില് 20 ദശലക്ഷം യൂണിറ്റുകള് വരെ നിര്മ്മിക്കാനാണ് പദ്ധതി. എന്നാല് ഉപകരണത്തിന്റെ വികാസം ആപ്പിള് ഔദ്യോഗികമായി സ്ഥിരീകരിച്ചിട്ടില്ല. വിലനിര്ണ്ണയം, ലഭ്യത, അന്തിമ സവിശേഷതകള് എന്നിവയെക്കുറിച്ചുള്ള വിശദാംശങ്ങള് അജ്ഞാതമായി തുടരുന്നു
Sign in with Google