അടൽ പെൻഷൻ യോജന: മുടങ്ങിയ തവണ പിഴയില്ലാതെ അടയ്ക്കാം, അവസാന തീയതി എന്ന്?

2020 ഏപ്രിൽ മുതൽ ഓഗസ്റ്റ് വരെയുള്ള അടൽ പെൻഷൻ യോജന (എപിവൈ) തവണകൾ പിഴയില്ലാതെ സെപ്റ്റംബർ 30 നകം അടയ്ക്കാമെന്ന് പിഎഫ്ആർഡിഎ ട്വീറ്റിൽ അറിയിച്ചു. ഏപ്രിലിൽ, എപി‌വൈ സംഭാവനകൾക്കായുള്ള വരിക്കാരുടെ ഓട്ടോ ഡെബിറ്റിംഗ് സേവിംഗ്സ് അക്കൗണ്ട് ജൂൺ 30 വരെ പി‌എഫ്‌ആർ‌ഡി‌എ താൽ‌ക്കാലികമായി നിർത്തിവച്ചിരുന്നു. കൊറോണ വൈറസ് പ്രതിസന്ധിയുടെ സാമ്പത്തിക ആഘാതത്തിൽ നിന്ന് വരിക്കാരെ സംരക്ഷിക്കുന്നതിനാണ് ഇത് ചെയ്തത്.

ഓട്ടോ ഡെബിറ്റ്

എപിവൈ സംഭാവനകളുടെ ഓട്ടോ ഡെബിറ്റ് ജൂലൈ 1 മുതൽ പുനരാരംഭിച്ചു. 2020 ഏപ്രിൽ മുതൽ ഓഗസ്റ്റ് വരെയുള്ള ശേഷിക്കുന്ന എപിവൈ സംഭാവനകൾ 2020 സെപ്റ്റംബർ 30 നകം പിഴയില്ലാതെ നൽകാം. സേവിംഗ്സ് ബാങ്ക് അക്കൗണ്ടിൽ നിന്ന് ഓട്ടോ ഡെബിറ്റ് സൗകര്യം വഴി ഒരു വരിക്കാർക്ക് പ്രതിമാസ അല്ലെങ്കിൽ ത്രൈമാസ അല്ലെങ്കിൽ അർദ്ധ വാർഷിക അടിസ്ഥാനത്തിൽ അടൽ പെൻഷൻ യോജന അക്കൗണ്ടിലേക്ക് സംഭാവന നൽകാൻ കഴിയും.

അസംഘടിത മേഖലയിലെ തൊഴിലാളികൾക്ക്

അടൽ പെൻഷൻ യോജന ഈ വർഷം മെയ് മാസത്തിൽ രണ്ട് കോടിയിലധികം തൊഴിലാളികളികൾക്കിടയിൽ നടപ്പാക്കിയിരുന്നു. വാർദ്ധക്യകാല വരുമാന സുരക്ഷ പ്രത്യേകിച്ചും അസംഘടിത മേഖലയിലെ തൊഴിലാളികൾക്ക് എത്തിക്കുന്നതിനാണ് പ്രധാനമന്ത്രി നരേന്ദ്ര മോദി 2015 ൽ ഈ പദ്ധതി ആരംഭിച്ചത്. 60 വയസ്സിനു ശേഷം മിനിമം പെൻഷൻ ഗ്യാരണ്ടി നൽകുകയാണ് പദ്ധതിയുടെ ലക്ഷ്യം.

പെൻഷൻ തുക

18 നും 40 നും ഇടയിൽ പ്രായമുള്ള ഏതൊരു ഇന്ത്യൻ പൗരനും അടൽ പെൻഷൻ യോജനയിൽ അംഗമാകാം. 60 വയസ്സ് പൂർത്തിയാകുമ്പോൾ 1,000 മുതൽ 5,000 രൂപ വരെ മിനിമം ഗ്യാരണ്ടീഡ് പെൻഷൻ ഈ സ്കീം നൽകുന്നു. കൂടാതെ, വരിക്കാരന്റെ മരണത്തിൽ പങ്കാളിയ്ക്ക് ജീവിതകാലം മുഴുവൻ പെൻഷൻ ഉറപ്പുനൽകുന്നു, വരിക്കാരന്റെയും പങ്കാളിയുടെയും മരണമുണ്ടായാൽ, മുഴുവൻ പെൻഷൻ തുകയും നാമനിർദ്ദേശം ചെയ്യപ്പെടും.

പ്രീമിയം

അടൽ പെൻഷൻ യോജന പ്രകാരം വരിക്കാരുടെ ഏറ്റവും കുറഞ്ഞ നിക്ഷേപ കാലയളവ് 20 വർഷമോ അതിൽ കൂടുതലോ ആണ്. വരിക്കാരൻ നേരത്തെ ചേരുകയാണെങ്കിൽ പ്രീമിയം കുറവായിരിക്കും.