നിലവിലെ കൊവിഡ് -19 പ്രതിസന്ധികൾക്കിടയിൽ, എല്ലാ കേന്ദ്ര സർക്കാർ പെൻഷൻകാർക്കും നവംബർ 1 മുതൽ ഡിസംബർ 31 വരെ ലൈഫ് സർട്ടിഫിക്കറ്റ് സമർപ്പിക്കാമെന്ന് കേന്ദ്രമന്ത്രി ജിതേന്ദ്ര സിംഗ് അറിയിച്ചു. നേരത്തെ, പെൻഷന്റെ തുടർച്ച നിലനിർത്തുന്നതിനായി നവംബറിൽ മാത്രമാണ് ലൈഫ് സർട്ടിഫിക്കറ്റ് സമർപ്പിക്കാനായിരുന്നത. പകർച്ചവ്യാധിയും പ്രായമായവരുടെ എണ്ണവും കൊവിഡ്-19 അപകടസാധ്യതയും കണക്കിലെടുത്താണ് തീരുമാനമെന്ന് സിംഗ് പറഞ്ഞു.
ലൈഫ് സർട്ടിഫിക്കറ്റ്
എല്ലാ കേന്ദ്രസർക്കാർ പെൻഷൻകാർക്കും 2020 നവംബർ 1 മുതൽ 2020 ഡിസംബർ 31 വരെ ലൈഫ് സർട്ടിഫിക്കറ്റ് സമർപ്പിക്കാമെന്ന് പേഴ്സണൽ, പബ്ലിക് ഗ്രീവൻസസ് ആൻഡ് പെൻഷൻ സഹമന്ത്രി പറഞ്ഞു. 80 വയസ്സിനും അതിനുമുകളിലും പ്രായമുള്ള പെൻഷൻകാർക്ക് 2020 ഒക്ടോബർ 1 മുതൽ 2020 ഡിസംബർ 31 വരെ ലൈഫ് സർട്ടിഫിക്കറ്റ് സമർപ്പിക്കാം. ഈ വിപുലീകൃത കാലയളവിൽ, പെൻഷൻ വിതരണം ചെയ്യുന്നത് തുടരും.
60 വയസ്സിനു ശേഷം സ്ഥിരമായി പെൻഷൻ നേടാം, നിങ്ങൾ ചെയ്യേണ്ടത് എന്ത്?
വീഡിയോ അധിഷ്ഠിത ഉപഭോക്തൃ തിരിച്ചറിയൽ പ്രക്രിയ
ലൈഫ് സർട്ടിഫിക്കറ്റ് സമർപ്പിക്കുന്നതിനുള്ള നിലവിലുള്ള സമയപരിധി ഇളവ് ചെയ്യാനുള്ള സർക്കാർ തീരുമാനം പ്രായമായവർക്ക് വലിയ ആശ്വാസമായി മാറുമെന്ന് സിംഗ് പറഞ്ഞു. ബ്രാഞ്ചുകളിലെ തിരക്ക് ഒഴിവാക്കാൻ റിസർവ് ബാങ്കിന്റെ മാർഗ്ഗനിർദ്ദേശങ്ങൾ അനുസരിച്ച് ലൈഫ് സർട്ടിഫിക്കറ്റ് ലഭിക്കുന്നതിന് വീഡിയോ അധിഷ്ഠിത ഉപഭോക്തൃ തിരിച്ചറിയൽ പ്രക്രിയ (വി-സിഐപി) നടപ്പിലാക്കാൻ പെൻഷൻ വിതരണ ബാങ്കുകളോട് ആവശ്യപ്പെട്ടിട്ടുണ്ട്. ഉപഭോക്താവിന്റെ ഐഡന്റിറ്റി വ്യക്തമാക്കുന്നതിനുള്ള ഇതര മാർഗ്ഗമായി വി-സിഐപി അനുവദിച്ചിരിക്കുന്നതായി ജനുവരി 9 ന് സെൻട്രൽ ബാങ്ക് വിജ്ഞാപനം പുറപ്പെടുവിച്ചിരുന്നു.
സര്ക്കാര് ജീവനക്കാര്ക്ക് ആകര്ഷകമായ നിക്ഷേപമായി എന്പിഎസ്; കാരണമിതാണ്
ഡിജിറ്റൽ ലൈഫ് സർട്ടിഫിക്കറ്റ്
ബാങ്ക് ശാഖകൾ സന്ദർശിച്ച് പെൻഷൻകാർക്ക് ലൈഫ് സർട്ടിഫിക്കറ്റ് സമർപ്പിക്കാൻ കഴിയും, എന്നിരുന്നാലും, പെൻഷനേഴ്സ് ക്ഷേമ വകുപ്പ് ഡിജിറ്റൽ ലൈഫ് സർട്ടിഫിക്കറ്റാണ് പ്രോത്സാഹിപ്പിക്കുന്നത്. അത് വീട്ടിലിരുന്ന് തന്നെ പെൻഷൻകാർക്ക് നൽകാം. 80 വയസും അതിൽ കൂടുതലും പ്രായമുള്ള പെൻഷൻകാർക്ക് നവംബർ ഒന്നിന് പകരം ഒക്ടോബർ 1 മുതൽ ലൈഫ് സർട്ടിഫിക്കറ്റ് സമർപ്പിക്കാൻ വകുപ്പ് കഴിഞ്ഞ വർഷം ഉത്തരവ് പുറപ്പെടുവിച്ചിരുന്നു.
പെൻഷൻകാർക്ക് എസ്ബിഐയുടെ പെൻഷൻ സേവ വെബ്സൈറ്റ്; ഇപ്പോൾ രജിസ്റ്റർ ചെയ്യാം, അറിയേണ്ടതെല്ലാം