2020ൽ വാഹന ഉൽ‌പാദനം 8.3% കുറയും; കൊറോണ വൈറസ് വിതരണത്തെ ബാധിച്ചേക്കാമെന്ന് ഫിച്ച്

ചൈനയിലെ കൊറോണ വൈറസ് വ്യാപനത്തെ തുടർന്ന് വാഹന വ്യവസായം വിതരണക്ഷാമം നേരിടാൻ സാധ്യതയുള്ളതിനാൽ 2020 ൽ ഇന്ത്യയിൽ വാഹന ഉത്പാദനം 8.3 ശതമാനം കുറയുമെന്ന് പ്രതീക്ഷിക്കുന്നതായി ഫിച്ച് സൊല്യൂഷൻസ് അറിയിച്ചു. രാജ്യത്ത് വൈറസ് പടർന്നാൽ ആഭ്യന്തര ഉൽ‌പാദനത്തെയും ബാധിച്ചേക്കാം.

വൈറസ് ഉത്ഭവിച്ച ചൈനയിൽ, വാഹന നിർമ്മാതാക്കൾ അണുബാധ പടരുന്നതിനുള്ള സാധ്യത കുറയ്ക്കുന്നതിനുമായി ഉൽ‌പാദനം നിർത്തിവച്ചിരിക്കുകയാണ്. വൈറസ് രാജ്യമെമ്പാടും വ്യാപിക്കുകയാണെങ്കിൽ ഇന്ത്യയും സമാനമായ നയങ്ങൾ സ്വീകരിക്കുമെന്ന് ഫിച്ച് വ്യക്തമാക്കി. വലിയ തോതിലുള്ള പകർച്ചവ്യാധിയെ നേരിടാൻ ഇന്ത്യയുടെ ആരോഗ്യ രക്ഷാ സംവിധാനം വേണ്ടത്ര സജ്ജമല്ലാത്തതിനാൽ, റേറ്റിംഗ് ഏജൻസി "ചൈനയുമായി താരതമ്യപ്പെടുത്തുമ്പോൾ ഇന്ത്യൻ വാഹന മേഖലയിൽ ഉണ്ടാകുന്ന ആഘാതം വളരെ വലുതായിരിക്കുമെന്നും പറഞ്ഞു.

2020ൽ വാഹന ഉൽ‌പാദനം 8.3% കുറയും; കൊറോണ വൈറസ് വിതരണത്തെ ബാധിച്ചേക്കാമെന്ന് ഫിച്ച്

ഇന്ത്യയിലെ ഏറ്റവും വലിയ ഓട്ടോമൊബൈൽ ഘടകങ്ങൾ ചൈന നിർമ്മിതമായതിനാൽ ഘടകങ്ങളുടെ വിതരണത്തിലെ മാന്ദ്യം ഇന്ത്യയിൽ ക്ഷാമത്തിലേക്ക് നയിക്കുകയും ഉൽപാദനം മന്ദഗതിയിലാക്കാനോ നിർത്താനോ വാഹന നിർമ്മാതാക്കളെ പ്രേരിപ്പിക്കുകയും ചെയ്യും. തൽഫലമായി, ഇന്ത്യയിൽ വാഹന ഉത്പാദനം 2020 ൽ 8.3 ശതമാനം കുറയുമെന്നാണ് ഫിച്ച് പ്രവചിരിക്കുന്നത്.

പുതിയ വാഹനങ്ങളുടെ ആഭ്യന്തര ആവശ്യം ദുർബലമാകുന്നത് 2020 ലും ഇന്ത്യയുടെ വാഹന ഉത്പാദനം ചുരുങ്ങാൻ കാരണമാകുമെന്നും ഏജൻസി അറിയിച്ചു. ചൈനയാണ് ഇന്ത്യയിലേയ്ക്കുള്ള വാഹന ഘടകങ്ങളുടെ 10-30 ശതമാനം വരെ വിതരണം ചെയ്യുന്നത്. ഇന്ത്യയുടെ ഇവി സെഗ്മെൻറ് നോക്കുമ്പോൾ ഇത് രണ്ട് മുതൽ മൂന്ന് മടങ്ങ് വരെ കൂടുതലാകാം. ഇലക്ട്രിക് വാഹനങ്ങളുമായി ബന്ധപ്പെട്ട് രാജ്യം 2020ലെ ബജറ്റിൽ അവതരിപ്പിച്ച നയങ്ങൾ പ്രാദേശിക ഇവി ഉൽപാദനത്തിന് ചില വിപരീത സാധ്യതകൾ നൽകുമെന്നും വ്യാപാര അപകടസാധ്യത വർദ്ധിക്കുമെന്നും ഫിച്ച് ചൂണ്ടിക്കാട്ടി.