ലണ്ടനെ പിന്നിലാക്കി ബംഗളൂരൂ; ലോകത്തെ അതിവേഗം വളരുന്ന ടെക് ഹബ്, ആറാം സ്ഥാനം മുംബൈയ്ക്ക്

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

2016 മുതൽ വളർച്ച അനുസരിച്ച് ലോകത്തെ അതിവേഗം വളരുന്ന ടെക് നഗരമായി ബെംഗളൂരു മാറി. യൂറോപ്യൻ നഗരങ്ങളായ ലണ്ടൻ, മ്യൂണിച്ച്, ബെർലിൻ, പാരീസ് എന്നീ നഗരങ്ങളെ പിന്നിലാക്കിയാണ് ബംഗളൂരൂ മുന്നിലെത്തിയത്. ഇന്ത്യയുടെ സാമ്പത്തിക തലസ്ഥാനമായ മുംബൈ ആറാം സ്ഥാനത്താണ്. വ്യാഴാഴ്ച ലണ്ടനിൽ പുറത്തിറക്കിയ പുതിയ ഗവേഷണ റിപ്പോർട്ടിലാണ് ഇക്കാര്യം വ്യക്തമാക്കിയിരിക്കുന്നത്.

ഇന്ത്യയുടെ സിലിക്കൺ വാലി
 

ഇന്ത്യയുടെ സിലിക്കൺ വാലി

ഇന്ത്യയുടെ സ്വന്തം സിലിക്കൺ വാലി എന്ന് വിളിക്കപ്പെടുന്ന ബെംഗളൂരുവിലെ നിക്ഷേപം നാല് വർഷത്തിനിടെ 5.4 മടങ്ങ് വർധിച്ചു. 2016ലെ 0.7 ബില്യൺ ഡോളറിൽ നിന്ന് 2020 ൽ 7.2 ബില്യൺ ഡോളറായി ഉയർന്നുവെന്ന് ലണ്ടനിലെ ഇന്റർനാഷണൽ ട്രേഡ് ആൻഡ് ഇൻവെസ്റ്റ്‌മെന്റ് ഏജൻസി മേയർ ലണ്ടൻ & പാർട്‌ണേഴ്‌സ് വ്യക്തമാക്കി.

മുംബൈ

മുംബൈ

നാലുവർഷത്തിനിടെ മഹാരാഷ്ട്രയിലെ മുംബൈയിലെ നിക്ഷേപം 1.7 മടങ്ങ് വർദ്ധിച്ചുവെന്ന് വാർത്താ ഏജൻസി പി.ടി.ഐ റിപ്പോർട്ട് ചെയ്തു. നിക്ഷേപം 0.7ൽ നിന്ന് 1.2 ബില്യൺ ഡോളർ വരെ ഉയർന്നു. പട്ടികയിലെ രണ്ടാമത്തെ നഗരമായ ലണ്ടൻ 2016-2020 കാലയളവിൽ 3.5 ബില്യൺ ഡോളറിൽ നിന്ന് 10.5 ബില്യൺ ഡോളറായി മൂന്നിരട്ടി വളർച്ച രേഖപ്പെടുത്തി.

ബെംഗളൂരുവും ലണ്ടനും

ബെംഗളൂരുവും ലണ്ടനും

വിസി നിക്ഷേപത്തിനായി അതിവേഗം വളരുന്ന ആഗോള ടെക് ഹബുകളിൽ ബെംഗളൂരുവും ലണ്ടനും മികച്ച സ്ഥാനം നേടി എന്നത് അതിശയകരമാണ്. ടെക് നിക്ഷേപകർക്കും കമ്പനികൾക്കും രണ്ട് മേഖലകളിലും വ്യാപാരം നടത്തുന്നതിന് ധാരാളം അവസരങ്ങൾ സൃഷ്ടിക്കുന്നുെണ്ടെന്ന് ലണ്ടൻ & പാർട്ണേഴ്സിലെ ഇന്ത്യയുടെ മുഖ്യ പ്രതിനിധി ഹെമിൻ ഭരുച്ച പറഞ്ഞു.

ലണ്ടന്റെ വ്യാപാര-നിക്ഷേപ ബന്ധം

ലണ്ടന്റെ വ്യാപാര-നിക്ഷേപ ബന്ധം

ഇന്ത്യയിലുടനീളമുള്ള നഗരങ്ങളുമായി ലണ്ടന് ശക്തമായ വ്യാപാര-നിക്ഷേപ ബന്ധമുണ്ട്. നിലവിലെ കണക്കുകൾ സാങ്കേതികവിദ്യയിൽ യുകെയും ഇന്ത്യയും തമ്മിലുള്ള ഭാവി പങ്കാളിത്തത്തിനുള്ള അവസരങ്ങൾ വ്യക്തമാക്കുന്നു. പകർച്ചവ്യാധി ഉണ്ടായിരുന്നിട്ടും, ലണ്ടനിലെയും ഇന്ത്യയിലെയും ടെക് കമ്പനികൾ മുന്നിട്ടുനിൽക്കുന്നുണ്ടെന്നും അദ്ദേഹം കൂട്ടിച്ചേർത്തു. യൂറോപ്യൻ യൂണിയനുമായി (ഇയു) യുകെ സർക്കാർ അടുത്തിടെ നടത്തിയ ബ്രെക്‌സിറ്റ് ഇടപാട് ഇന്ത്യൻ കമ്പനികൾക്കും ലണ്ടനിലേക്ക് ചേക്കേറാൻ നോക്കുന്ന നിക്ഷേപകർക്കും പ്രതീക്ഷ നൽകുന്നു.

ആഗോള റാങ്കിംഗ്

ആഗോള റാങ്കിംഗ്

മൊത്തത്തിലുള്ള ടെക് വെഞ്ച്വർ നിക്ഷേപ പട്ടികയിൽ കർണാടകയുടെ തലസ്ഥാന നഗരമായ ബംഗളൂരൂ ആറാം സ്ഥാനത്താണ്. ബീജിംഗ്, സാൻ ഫ്രാൻസിസ്കോ, ന്യൂയോർക്ക്, ഷാങ്ഹായ്, ലണ്ടൻ എന്നിവയാണ് മുൻനിരയിൽ. നഗരങ്ങളിലെ വെഞ്ച്വർ ക്യാപിറ്റൽ നിക്ഷേപത്തിൽ ലോക റാങ്കിംഗിൽ മുംബൈ 21 സ്ഥാനത്താണ്.

English summary

Bangalore lags behind London; The world's fastest growing tech hub | ലണ്ടനെ പിന്നിലാക്കി ബംഗളൂരൂ; ലോകത്തെ അതിവേഗം വളരുന്ന ടെക് ഹബ്, ആറാം സ്ഥാനം മുംബൈയ്ക്ക്

Since 2016, Bangalore has become the fastest growing tech city in the world. Read in malayalam.
Story first published: Saturday, January 16, 2021, 10:04 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X