ശ്രദ്ധിക്കുക! ഡിസംബർ 15 മുതൽ 21 വരെ ബാങ്ക് അവധി: 6 ദിവസത്തിൽ മൊത്തം 5 ദിവസവും ബാങ്കുകൾ അടച്ചിടും

2025 അവസാനിക്കാൻ ഇനി വെറും രണ്ടാഴ്ച മാത്രമാണ് ബാക്കി. ഡിസംബറിൽ ബാങ്കിൽ നേരിട്ടെത്തി സാമ്പത്തിക ഇടപാടുകൾ പൂർത്തിയാക്കാനുണ്ടോ? എങ്കിൽ പ്രവൃത്തി നോക്കിയ ശേഷം ബാങ്കിലേക്ക് പോവുന്നതാണ് നല്ലത്. വരാനിരിക്കുന്ന ദിവസങ്ങളിൽ അവധി ദിനങ്ങളും ഉൾപ്പെടുന്നുണ്ട്. ബാങ്ക് വഴി പ്രോസസ്സ് ചെയ്യേണ്ട പേപ്പർ വർക്കുകൾ നടപ്പിലാക്കാനുള്ളവർ ഇനിയും സമയം കളയാതെ പൂർത്തിയാക്കൂ.

ഡിസംബർ 15 മുതൽ ഡിസംബർ 21 വരെയുള്ള ആഴ്ചയിൽ നിങ്ങൾക്ക് ഏതെല്ലാം ദിവസങ്ങളിൽ ബാങ്കിൽ പോവാം, ഏതെല്ലാം ദിവസങ്ങളിൽ ബാങ്ക് അവധിയുണ്ട് എന്ന് അറിയണ്ടേ? ആർബിഐ പ്രകാരം രാജ്യത്തെ വിവിധ സംസ്ഥാനങ്ങളിൽ വ്യത്യസ്ത ദിവസങ്ങളിലാണ് ബാങ്കുകൾക്ക് അവധിയുള്ളത്. ദേശീയ അവധികളും വാരാന്ത്യ അവധികളും രാജ്യ വ്യാപകമായി ആചരിക്കുമ്പോൾ വിവിധ സംസ്ഥാനങ്ങളിൽ പ്രാദേശിക അവധികൾ പ്രത്യേക അവധികളായി പരി​ഗണിക്കുന്നു.

വരാനിരിക്കുന്ന ഈ ആഴ്ചയിൽ ഏതെല്ലാം ദിവസങ്ങളിൽ ബാങ്ക് തുറന്നു പ്രവർത്തിക്കും? വിശദമായി അറിയാം;

ഡിസംബർ 15 തിങ്കളാഴ്ച: നാളെ തിങ്കളാഴ്ച അരുണാചൽ പ്രദേശിലെ ബാങ്കുകൾക്ക് അവധിയായിരിക്കും. അതായത് അരുണാചൽ പ്രദേശിൽ ഡിസംബർ 15നാണ് തദ്ദേശ തിരഞ്ഞെടുപ്പ് നടക്കുന്നത്. ഈ കാരണത്താലാണ് സംസ്ഥാനത്തുടനീളം ബാങ്കുകൾക്ക് അവധി പ്രഖ്യാപിച്ചിരിക്കുന്നു. എന്നാൽ രാജ്യത്തെ മറ്റു സംസ്ഥാനങ്ങളിലെ ബാങ്കുകളെല്ലാ ഡിസംബർ 15 തിങ്കളാഴ്ച തുറന്നു പ്രവർത്തിക്കും.

ഡിസംബർ 18 വ്യാഴാഴ്ച: ഈ ദിവസം മേഘാലയയിലെ എല്ലാ ബാങ്കുകളും അടച്ചിടും. യു സോസോ താമിന്റെ ചരമവാർഷികം ആചരിക്കുന്നതിനാലാണ് ഡിസംബർ 18ന് ബാങ്കുകൾക്ക് അവധി പ്രഖ്യാപിച്ചത്. ഈ ദിവസം മറ്റു സംസ്ഥാനങ്ങളിലെ ബാങ്കുകളെല്ലാം പ്രവർത്തിക്കും.

ഡിസംബർ 19 വെള്ളിയാഴ്ച: ​ഗോവയിൽ ഈ ദിവസം ബാങ്കുകൾ തുറന്നു പ്രവർത്തിക്കില്ല. ഡിസംബർ 19ന് 'ഗോവ വിമോചന ദിനം' ആചരിക്കുന്നതിനാലാണ് ഈ മേഖലയിൽ ബാങ്കുകൾക്ക് അവധി പ്രഖ്യാപിച്ചത്. മറ്റു സംസ്ഥാനങ്ങളിൽ സാധാരണ പോലെ ബാങ്കുകൾ പ്രവർത്തിക്കും.

ഡിസംബർ 20 ശനിയാഴ്ച: സിക്കിമിൽ ഈ ദിവസം പൂർണ്ണമായും ബാങ്കുകൾ അടച്ചിടും. സിക്കിമിലെ പുരാതന ആചാരമായ 'ലോസൂങ് / നാംസൂങ്' ആഘോഷിക്കുന്നതിനാലാണ് ഡിസംബർ 20 ശനിയാഴ്ച അവധി പ്രഖ്യാപിച്ചത്. അതിനാൽ സിക്കിമിൽ മാത്രമാണ് ഈ ദിവസം ബാങ്കുകൾക്ക് അവധിയുള്ളത്.

ഡിസംബർ 21 ഞായറാഴ്ച: ഈ ദിവസം രാജ്യ വ്യാപകമായി ബാങ്കുകൾക്ക് അവധിയാണ്. ഡിസംബറിൽ മൊത്തം 18 ദിവസത്തോളമാണ് ബാങ്കുകൾക്ക് അവധി പ്രഖ്യാപിച്ചിരിക്കുന്നത്.

ഇനി വരാനിരിക്കുന്ന ദിവസങ്ങളിൽ വാരാന്ത്യ അവധിയും പ്രാദേശിക അവധികളും ഒഴിച്ചാൽ ഡിസംബർ 25നായിരിക്കും രാജ്യവ്യാപകമായി ബാങ്കുകൾക്ക് അവധി ഉണ്ടായിരിക്കുക. കേരളത്തിൽ ഈ ആഴ്ച ഒരു ദിവസം പോലും ബാങ്കുകൾക്ക് അവധിയില്ല.

ബാങ്കിൽ നേരിട്ടെത്തി ഇടപാടുകൾ പൂർത്തിയാക്കണമെന്ന് നിർബന്ധമില്ലെങ്കിൽ ഓൺലൈൻ സേവനങ്ങളും എടിഎം സൗകര്യങ്ങളും ഉപയോ​ഗപ്പെടുത്താം. ഇവയ്ക്കൊന്നും ബാങ്ക് അവധികൾ ബാധകമല്ല. പണം പിൻവലിക്കുക. ബാലൻസ് പരിശോധിക്കുക, പണം അയക്കുക തുടങ്ങിയ എല്ലാ കാര്യങ്ങളും ബാങ്കിൽ പോവാതെയും നിങ്ങൾക്ക് നടത്താം.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.