സെപ്റ്റംബർ 21 മുതൽ ബാങ്കിൽ പോയിട്ട് കാര്യമില്ല, തുറക്കില്ല: ഈ സ്ഥലങ്ങളിലെ ബാങ്ക് അവധി അറിയാം

സെപ്റ്റംബർ മാസം അവസാനിക്കാറായി. ഇന്ത്യയിൽ ഇനി ഉത്സവ സീസൺ ആരംഭിക്കുന്നു. അതായത് രാജ്യത്തെ വിവിധ സംസ്ഥാനങ്ങളിൽ നവരാത്രി ആഘോഷങ്ങൾക്ക് തുടക്കമാവുന്നു. വടക്കേ ഇന്ത്യയിലും സൗത്ത് ഇന്ത്യയിലെ ചില സംസ്ഥാനങ്ങളിലുമാണ് നവരാത്രി വലിയ രീതിയിൽ ആഘോഷിക്കുന്നത്. ഇത്തരത്തിൽ ആഘോഷങ്ങൾ നടക്കുന്നതിനാൽ പല സംസ്ഥാനത്തും ബാങ്കുകൾ അവധിയുണ്ട്. അതിനാൽ നാളെ മുതൽ ബാങ്കിലേക്ക് പോകാൻ പ്ലാൻ ചെയ്യുന്നവർ സെപ്റ്റംബറിൽ വരാനിരിക്കുന്ന അവധികളെ കുറിച്ചും അറിഞ്ഞിരിക്കണം.

ബാങ്ക് അവധിയുള്ളപ്പോൾ ബാങ്ക് ഇടപാടുകൾ നേരിട്ട് നടത്താൻ സാധിക്കില്ല. ഈ സെപ്റ്റംബറിൽ വാരാന്ത്യ അവധികൾ ഒഴിച്ചു നിർത്തിയാൽ മൊത്തം 4 ദിവസമാണ് ബാങ്കുകൾക്ക് അവധി. മൊത്തം ലിസ്റ്റ് പരിശോധിക്കാം;

സെപ്റ്റംബറിലെ അവധി ദിനങ്ങൾ (21-30)

സെപ്റ്റംബർ 21, ഞായർ: എല്ലാ ഞായറാഴ്ചയും ബാങ്കുകൾക്ക് അവധിയാണ്. മാത്രമല്ല, ഈ ദിവസം കേരളത്തിൽ ശ്രീനാരായണ ​ഗുരു സമാധിയുമാണ്.

സെപ്റ്റംബർ 22, തിങ്കൾ: നവരാത്രി ആഘോഷങ്ങൾക്ക് തുടക്കം കുറിക്കുന്നത് ഈ ദിവസമാണ്. നവരാത്ര സ്ഥപ്ന ആഘോഷം നടക്കുന്നതിനാൽ ജയ്പൂരിലെ ബാങ്കുകൾക്ക് ഈ ദിവസം അവധിയായിരിക്കും.

സെപ്റ്റംബർ 23, ചൊവ്വ : ഈ ദിവസം ജമ്മു, ശ്രീന​ഗർ എന്നിവിടങ്ങളിൽ മഹാരാജ ഹരി സിംഗ് ജിയുടെ ജന്മദിനം ആഘോഷിക്കുന്നതിനാൽ ബാങ്കുകൾ പ്രവർത്തിക്കില്ല.

സെപ്റ്റംബർ 27, ശനിയാഴ്ച : രാജ്യത്തെ എല്ലാ ബാങ്കുകൾക്കും മാസത്തിലെ നാലാം ശനിയാഴ്ച അവധിയായിരിക്കും.

സെപ്റ്റംബർ 28, ഞായർ : എല്ലാ ഞായറാഴ്ചയും ബാങ്ക് അവധിയാണ്.

സെപ്റ്റംബർ 29, തിങ്കൾ : ഈ ദിവസം മഹാ സപ്തമി/ദുർഗ്ഗാ പൂജ ആഘോഷിക്കുന്നതിനാൽ അഗർത്തല, ഗുവാഹത്തി, കൊൽക്കത്ത തുടങ്ങി വിവിധ സ്ഥലങ്ങളിലെ ബാങ്കുകൾക്ക് അവധിയാണ്.

സെപ്റ്റംബർ 30, ചൊവ്വാഴ്ച : ഈ ദിവസം മഹാ അഷ്ടമി/ദുർഗാ അഷ്ടമി/ദുർഗാ പൂജ ആഘോഷിക്കുന്നു. അതിനാൽ കേരളം ഒഴികേ ഇന്ത്യയിലെ വിവിധ സംസ്ഥാനങ്ങളിൽ ബാങ്കുകൾക്ക് അവധിയുണ്ട്. അഗർത്തല, ഭുവനേശ്വർ, ഗുവാഹത്തി, ഇംഫാൽ, ജയ്പൂർ, കൊൽക്കത്ത, പട്ന, റാഞ്ചി എന്നീ സ്ഥലങ്ങളിലാണ് ഈ ദിവസം കൂടുതൽ ആഘോഷിക്കപ്പെടുന്നത്.

ഇത്രയും ദിവസങ്ങളാണ് ഇനി സെപ്റ്റംബറിൽ വരാനിരിക്കുന്ന അവധി ദിനങ്ങൾ. ഇതിൽ നവരാത്രി ആഘോഷങ്ങൾ എത്തുന്നതിനാൽ ഇന്ത്യയിലെ പല സ്ഥലങ്ങളിലും വ്യത്യസ്ത ആഘോഷങ്ങൾ നടക്കും. അത് ബാങ്ക് അവധികൾക്കും കാരണമാവുന്നു. എന്നാൽ കേരളത്തിൽ കാര്യമായി അവധികളൊന്നും തന്നെയില്ല. ഇനി കൂടുതൽ അവധികൾ എത്തുന്നത് ഒക്ടോബർ മാസത്തിലാണ്.

സെപ്റ്റംബറിൽ നിരവധി അവധികൾ ഉണ്ടായിരുന്നില്ല. എങ്കിലും ഇനി വരാനിരിക്കുന്ന അവധികൾ അറിഞ്ഞ് ബാങ്ക് ഇടപാടുകൾ ആസൂത്രണം ചെയ്യുന്നത് നല്ലതാണ്. കാരണം ഒക്ടോബർ മാസത്തെ ആദ്യ ദിവസങ്ങളിലും ബാങ്കുകൾക്ക് അവധിയായിരിക്കും. അവധി ലിസ്റ്റുകൾ പരിശോധിച്ചില്ലെങ്കിൽ ഇടപാടുകൾക്ക് തടസ്സം നേരിട്ടേക്കാം.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.