ഇടപാടുകാരുടെ ശ്രദ്ധയ്ക്ക്, ഈ ദിവസങ്ങളില്‍ ബാങ്ക് അവധി, ഇടപാടുകള്‍ നേരത്തെയാക്കാം

രേഖകള്‍ സമര്‍പ്പിക്കല്‍, ചെക്ക് ക്ലിയറന്‍സ് തുടങ്ങി ബാങ്കുകളില്‍ നേരിട്ട് നടത്തേണ്ട ഇടപാടുകള്‍ നിരവധിയാണ്. അത്തരം ഇടപാടുകള്‍ തടസ്സപ്പെടാതിരിക്കാന്‍ ബാങ്ക് അവധി പട്ടിക പരിശോധിക്കേണ്ടതുണ്ട്.

മാര്‍ച്ച് 16 മുതല്‍ 21 വരെയുള്ള ആഴ്ചയില്‍ വിവിധ സംസ്ഥാനങ്ങളില്‍ വ്യത്യസ്ത ദിവസങ്ങളില്‍ ബാങ്കുകള്‍ അടഞ്ഞുകിടക്കും. സംസ്ഥാനങ്ങള്‍ അനുസരിച്ച് ദിവസങ്ങള്‍ വ്യത്യസ്തമാണ്.ഓണ്‍ലൈന്‍ ബാങ്കിംഗ്, ഡിജിറ്റല്‍ പേയ്‌മെന്റുകള്‍ സാധാരണ പോലെ നടത്താനാകും.

റമദാന്‍ മാസത്തിലെ പ്രധാന ദിനങ്ങളിലൊന്നായ ഈദ്-ഉല്‍-ഫിത്വര്‍ (റംസാന്‍) അനുബന്ധിച്ച് മാര്‍ച്ച് 20 നാണ് കേരളത്തില്‍ അവധി.

സംസ്ഥാനങ്ങള്‍ തോറുമുള്ള ബാങ്ക് അവധി ദിനങ്ങള്‍

മാര്‍ച്ച് 17ന് ശബ്-ഇ-ഖദര്‍ ആഘോഷത്തോടനുബന്ധിച്ച് ജമ്മു കാശ്മീരില്‍ ബാങ്കുകള്‍ അടഞ്ഞിരിക്കും.

19ന് മഹാരാഷ്ട്ര, കര്‍ണാടക, തമിഴ്‌നാട്, തെലങ്കാന, മണിപ്പൂര്‍, ജമ്മു കാശ്മീര്‍, ഗോവ, ആന്ധ്രപ്രദേശ്, രാജസ്ഥാന്‍ എന്നിവിടങ്ങളില്‍ ബാങ്കുകള്‍ക്ക് അവധിയാണ്. ഗുഡി പദ്വ, ഉഗാദി, തെലുങ്ക് പുതുവര്‍ഷം, സജിബു നൊങ്മാപന്‍ബ ആഘോഷങ്ങളെ തുടര്‍ന്നാണിത്.

കേരളത്തില്‍ അവധി മാര്‍ച്ച് 20നാണ്.  അതിനാല്‍ ശാഖകളില്‍ നടത്തേണ്ട ഇടപാടുകള്‍ മുന്‍കൂട്ടി പൂര്‍ത്തിയാക്കണം.

മാര്‍ച്ച് 21ന് റംസാന്‍ ഈദ്, ഖുതുബ്-എ-റംസാന്‍, സര്‍ഹുള്‍ ആഘോഷങ്ങളെത്തുടര്‍ന്ന്‌
അസം, ഗുജറാത്ത്, മിസോറം, മഹാരാഷ്ട്ര, കര്‍ണാടക, മധ്യപ്രദേശ്, ഒഡീഷ, ചണ്ഡീഗഢ്, തമിഴ്‌നാട്, ഉത്തരാഖണ്ഡ്, സിക്കിം, മണിപ്പൂര്‍, അരുണാചല്‍ പ്രദേശ്, രാജസ്ഥാന്‍, ഉത്തരപ്രദേശ്, ജമ്മു കാശ്മീര്‍, നാഗാലാന്‍ഡ്, പശ്ചിമ ബംഗാള്‍, ഡല്‍ഹി, ഗോവ, ബിഹാര്‍, ഝാര്‍ഖണ്ഡ്, ഛത്തീസ്ഗഢ്, മേഘാലയ സംസ്ഥാനങ്ങളില്‍ അവധിയായിരിക്കും.

മാര്‍ച്ച് മാസത്തില്‍ പിന്നെയും അവധി ദിനങ്ങളുണ്ട്. മാര്‍ച്ച് 22 ഞായറാഴ്ച രാജ്യത്തുടനീളം പതിവ് ആഴ്ചാവസാന അവധി.. മാര്‍ച്ച് 26ന് ശ്രീരാമ നവമി ആഘോഷത്തെ തുടര്‍ന്ന് മിസോറം, മഹാരാഷ്ട്ര, കര്‍ണാടക, തമിഴ്‌നാട്, ഉത്തരാഖണ്ഡ്, രാജസ്ഥാന്‍, ഉത്തരപ്രദേശ്, ചണ്ഡീഗഢ്, പശ്ചിമ ബംഗാള്‍, മധ്യപ്രദേശ് സംസ്ഥാനങ്ങളില്‍ ബാങ്കുകള്‍ അടഞ്ഞിരിക്കും.

മാര്‍ച്ച് 27ന് മധ്യപ്രദേശ്, ഒഡീഷ, സിക്കിം, തെലങ്കാന, ബിഹാര്‍, ആന്ധ്രപ്രദേശ് സംസ്ഥാനങ്ങളില്‍ ശ്രീരാമ നവമി (ചൈതേ ദസൈന്‍) അനുബന്ധിച്ച് അവധിയായിരിക്കും.
മാര്‍ച്ച് 28 നാലാം ശനിയാഴ്ചയായതിനാല്‍ രാജ്യത്തുടനീളം ബാങ്കുകള്‍ അടഞ്ഞിരിക്കും.

മാര്‍ച്ച് 31ന് മഹാവീര്‍ ജയന്തി അനുബന്ധിച്ച് ഗുജറാത്ത്, മഹാരാഷ്ട്ര, കര്‍ണാടക, മധ്യപ്രദേശ്, തമിഴ്‌നാട്, രാജസ്ഥാന്‍, ഉത്തരപ്രദേശ്, പശ്ചിമ ബംഗാള്‍, ന്യൂഡല്‍ഹി, ബിഹാര്‍, ഛത്തീസ്ഗഢ്, ഝാര്‍ഖണ്ഡ് സംസ്ഥാനങ്ങളില്‍ ബാങ്കുകള്‍ക്ക് അവധി ഉണ്ടായിരിക്കും.

കേരളത്തില്‍ ബാങ്ക് ഉപഭോക്താക്കള്‍ ശ്രദ്ധിക്കേണ്ടത് മാര്‍ച്ച് 20നുള്ള അവധിയാണ്.  ശാഖകളില്‍ നടത്തേണ്ട ഇടപാടുകള്‍ പൂര്‍ത്തിയാക്കുന്നത് ബുദ്ധിമുട്ടുകള്‍ ഒഴിവാക്കാന്‍ സഹായിക്കും. ഓണ്‍ലൈന്‍ ബാങ്കിംഗ്, മൊബൈല്‍ ബാങ്കിംഗ്, യുപിഐ പേയ്‌മെന്റുകള്‍ തുടങ്ങിയ ഡിജിറ്റല്‍ സേവനങ്ങള്‍ അവധി ദിവസങ്ങളില്‍ ലഭ്യമാകും.