സാമ്പത്തിക ഇടപാടുകൾ ശ്രദ്ധിക്കണം, മാർച്ചിൽ 18 ദിവസം ബാങ്ക് അവധിയാണ്, പൂർണ പട്ടിക ഇവിടെ അറിയാം

കൊടും ചൂടിൽ വളരെ കഷ്ടപ്പെട്ട് ബാങ്കിലെത്തുമ്പോൾ, ഇന്ന് ബാങ്ക് അവധിയാണെന്ന് അറിഞ്ഞാൽ നിങ്ങൾ എത്രമാത്രം നിരാശപ്പെടുമെന്ന് ഊഹിക്കാവുന്നതേയുള്ളു. അതുകൊണ്ടുതന്നെ 2026 മാർച്ച് മാസത്തെ ബാങ്ക് അവധി ദിവസങ്ങൾ അറിഞ്ഞിരിക്കുന്നത് നല്ലതാണ്. ഹോളി, ഈദ്, രാമനവമി , മറ്റ് മതപരവും പ്രാദേശികവുമായ ആഘോഷങ്ങൾ തുടങ്ങിയവ കാരണം മാർച്ചിൽ നിരവധി ബാങ്ക് അവധികളുണ്ട്.

മാർച്ച് മാസം സാമ്പത്തിക വർഷത്തിന്‍റെ അവസാനം ആയത് കൊണ്ടുതന്നെ ബാങ്കിംഗ് പ്രവർത്തനങ്ങൾക്കായി മുൻകൂട്ടി ആസൂത്രണം ചെയ്യുന്നത് നിർണായകമാകും. റിസർവ് ബാങ്ക് ഓഫ് ഇന്ത്യ (ആർബിഐ) കലണ്ടർ അനുസരിച്ച്, വിവിധ സംസ്ഥാനങ്ങളിൽ മാർച്ചിലെ 31 ദിവസങ്ങളിൽ 18 ദിവസവും ബാങ്കുകൾ അടച്ചിരിക്കും.

അവധി ദിവസങ്ങളുടെ സമ്പൂർണ്ണ കലണ്ടർ

മാർച്ച് 1 (ഞായർ): ആഴ്ചതോറുമുള്ള അവധി, രാജ്യമെമ്പാടും ബാങ്കുകൾ അടച്ചിരിക്കും.

മാർച്ച് 2 (ഹോളിക ദഹാൻ): കാൺപൂർ, ലഖ്‌നൗ എന്നിവയുൾപ്പെടെ ഉത്തർപ്രദേശിലെ ചില പ്രദേശങ്ങളിൽ അവധി.

മാർച്ച് 3 (ഹോളി) : ഭോപ്പാൽ, ജയ്പൂർ, മുംബൈ, പട്ന, കൊൽക്കത്ത, റാഞ്ചി, ഹൈദരാബാദ് എന്നിവയുൾപ്പെടെ മിക്ക നഗരങ്ങളിലും അവധി.

മാർച്ച് 4 (ധുലേന്ദി/ഹോളി രണ്ടാം ദിവസം): ഡൽഹി, ചണ്ഡീഗഡ്, അഹമ്മദാബാദ്, ഷിംല തുടങ്ങിയ നഗരങ്ങളിൽ ബാങ്കുകൾ പ്രവർത്തിക്കില്ല.

മാർച്ച് 8 (ഞായർ): രാജ്യമെമ്പാടും ആഴ്ചതോറുമുള്ള അവധി.

മാർച്ച് 13 (ചാപ്ചാർ കുട്ട്): ഐസ്വാളിൽ (മിസോറം) ബാങ്ക് അവധി.

മാർച്ച് 14 (രണ്ടാം ശനിയാഴ്ച): രാജ്യത്തുടനീളം ബാങ്കുകൾ അടച്ചിരിക്കും.

മാർച്ച് 15 (ഞായർ): ആഴ്ചതോറുമുള്ള അവധി.

മാർച്ച് 17 (ഷാബ്-ഇ-ഖാദ്ർ): ജമ്മുവിലും ശ്രീനഗറിലും ബാങ്കുകൾ അടച്ചിരിക്കും.

മാർച്ച് 19 (ഗുഡി പദ്വ/ഉഗാദി/നവരാത്രി): മുംബൈ, ബെംഗളൂരു, ചെന്നൈ, ഹൈദരാബാദ് എന്നിവിടങ്ങളിൽ അവധി.

മാർച്ച് 20 (ഈദുൽ ഫിത്തർ/ജുമാത്-ഉൽ-വിദ): കേരളത്തിൽ ബാങ്ക് അവധി

മാർച്ച് 21 (റമദാൻ ഈദ്/സർഹുൽ): രാജ്യത്തിന്റെ മിക്ക ഭാഗങ്ങളിലും ബാങ്കുകൾ അടച്ചിരിക്കും.

മാർച്ച് 22 (ഞായർ): രാജ്യത്തുടനീളമുള്ള ബാങ്കുകൾക്ക് ആഴ്ചതോറുമുള്ള അവധി.

മാർച്ച് 26 (രാമനവമി): ചില സംസ്ഥാനങ്ങളിൽ ബാങ്ക് അവധി

മാർച്ച് 27 (രാമനവമി രണ്ടാം ദിവസം): ചില സംസ്ഥാനങ്ങളിൽ പ്രാദേശിക അവധി.

മാർച്ച് 28 (നാലാമത്തെ ശനിയാഴ്ച): രാജ്യത്തുടനീളം ബാങ്കുകൾ അടച്ചിരിക്കും.

മാർച്ച് 29 (ഞായർ): ആഴ്ചയിലെ അവധി

മാർച്ച് 31 (മഹാവീർ ജയന്തി): മാസത്തിലെ അവസാന ദിവസം പല നഗരങ്ങളിലും ബാങ്കുകൾ പൂർണ്ണമായും അടച്ചിരിക്കും.

ശ്രദ്ധിക്കേണ്ട കാര്യങ്ങൾ

ബാങ്ക് അവധി ദിവസങ്ങളിലും നെറ്റ് ബാങ്കിംഗ്, മൊബൈൽ ബാങ്കിംഗ്, യുപിഐ, എടിഎമ്മുകൾ എന്നിവ പ്രവർത്തിക്കുന്നത് തുടരും. തുടർച്ചയായ അവധി ദിവസങ്ങൾ കാരണം ചെക്ക് ക്ലിയറൻസ് വൈകിയേക്കാം. ഉത്സവ കാലങ്ങളിൽ എടിഎമ്മുകളിൽ പണത്തിന്റെ ലഭ്യത കുറഞ്ഞേക്കാം. അതുകൊണ്ടു തന്നെ മുൻകൂട്ടി ആവശ്യത്തിന് പണം സൂക്ഷിക്കുക. സാമ്പത്തിക വർഷാവസാന തിരക്ക് ഉള്ളതുകൊണ്ടുതന്നെ സാമ്പത്തിക ഇടപാടുകൾ നേരത്തെ ആസൂത്രണം ചെയ്യുക.

ദേശീയ, പ്രാദേശിക അവസരങ്ങൾ, പ്രവർത്തന ആവശ്യകതകൾ, മതപരമായ ആഘോഷങ്ങൾ, മറ്റ് സാംസ്കാരിക ആഘോഷങ്ങൾ എന്നിവ കണക്കിലെടുത്താണ് ആർ‌ബി‌ഐയും സംസ്ഥാന സർക്കാരുകളും ബാങ്കുകൾക്കുള്ള അവധി ദിവസങ്ങളുടെ പട്ടിക തയ്യാറാക്കുന്നത്. സെൻട്രൽ ബാങ്ക് അതിന്റെ ഔദ്യോഗിക വെബ്‌സൈറ്റിലൂടെയും ബാങ്കുകൾക്കും മറ്റ് ധനകാര്യ സ്ഥാപനങ്ങൾക്കും അറിയിപ്പുകൾ നൽകുന്നതിലൂടെയും പ്രഖ്യാപനം നടത്തുന്നു.