"മാസ്റ്റർസ്ട്രോക്ക് സേവിം​ഗ്സ് അക്കൗണ്ട്"; വമ്പൻ ആനുകൂല്യങ്ങളാണ് ഈ ബാങ്ക് ഉറപ്പാക്കുന്നത്

ഇന്ത്യയിലെ മികച്ച ബാങ്കുകളിൽ ഒന്നാണ് ബാങ്ക് ഓഫ് ബറോഡ. ഈ വർഷം സാമ്പത്തിക മേഖലയിൽ പൊതുവേ വലിയ മാറ്റങ്ങൾ വന്നപ്പോൾ ബാങ്ക് ഓഫ് ബറോഡയുടെ അവരുടെ സേവിം​ഗ്സ് അക്കൗണ്ടുകളിൽ മികവ് വരുത്തി. ഉയർന്ന നിലവാരമുള്ള സേവനം ആ​ഗ്രഹിക്കുന്നവർക്ക് ബോബ് മാസ്റ്റർസ്ട്രോക്ക് സേവിം​ഗ്സ് അക്കൗണ്ട് എന്ന പേരിൽ ക്രിക്കറ്റ് ഇതിഹാസം സച്ചിൻ ടെണ്ടുൽക്കർ പ്രഖ്യാപിച്ചു. അദ്ദേഹമാണ് ബാങ്ക് ഓഫ് ബറോഡയുടെ ​ഗ്ലോബൽ ബ്രാന്റ് അമ്പാസിഡർ.

പ്രീമിയം സേവനം ആവശ്യമുള്ളവർക്കായിട്ടാണ് പുതിയ സേവിം​ഗ് അക്കൗണ്ടിന് തുടക്കമിട്ടത്. അതുപോലെ അക്കൗണ്ട് ഉടമകളുടെ മൂന്ന് മാസത്തെ ശരാശരി ബാലൻസ് 10 ലക്ഷമായി നിലനിർത്തണം. ഈ പുതിയ ബോബ് മാസ്റ്റർസ്ട്രോക്ക് സേവിം​ഗ്സ് അക്കൗണ്ട് നിരവധി സവിശേഷതകളുമായിട്ടാണ് ആരംഭിച്ചത്. ഫ്ലെക്സി ഫിക്സഡ് ഡിപ്പോസിറ്റ് സൗകര്യം വഴിയുള്ള അക്കൗണ്ട് ബാലൻസുകളുടെ ഉയർന്ന പലിശ നിരക്ക്, റീട്ടെയിൽ ലോണുകളുടെ ഇളവുള്ള പലിശ നിരക്ക്, ബോബ് വേൾഡ് ഒപ്പുലൻസ് വിസ ഇൻഫിനിറ്റ് ഡെബിറ്റ് കാർഡ് (മെറ്റൽ എഡിഷൻ), ലൈഫ്ടൈം ഫ്രീ എറ്റേർണ ക്രെഡിറ്റ് കാർഡ് എന്നിവയാണ് ഇതിൽ പ്രധാനം.

അക്കൗണ്ട് ഉടമകൾക്ക് ബാങ്കുമായി ബന്ധപ്പെട്ട കാര്യങ്ങൾക്കും വെൽത്ത് മാനേജ്‌മെൻ്റ് കൺസൾട്ടേഷനുകൾക്കും മുൻ​ഗണന ലഭിക്കും. ഒപ്പം ഉയർന്ന പണം പിൻവലിക്കാൻ പരിധി നിശ്ചയിക്കുകയും മറ്റ് പ്രത്യേക ആനുകൂല്യങ്ങൾ എന്നിവയും ലഭിക്കും. ഇത് വലിയൊരു മാറ്റത്തിനുള്ള തുടക്കമാവും. പ്രീമിയം അക്കൗണ്ടുകൾ തുടങ്ങുന്നതോടെ വലിയ നിക്ഷേപങ്ങൾ പെട്ടെന്ന് തന്നെ എത്തും. ഇത് ബാങ്കിന്റെ വളർച്ചയെ ശക്തമായി സഹായിക്കും.

ബാങ്ക് ഓഫ് ബറോഡയുടെ എഫ്. ഡി പലിശ നിരക്കിലും മാറ്റങ്ങൾ കൊണ്ടു വന്നിട്ടുണ്ട്. കഴിഞ്ഞ വർഷം വരെ സാധാരണക്കാർക്ക് 7.40% വരെ പലിശ നിരക്ക് കൊടുത്തിരുന്നു. സീനിയർ സിറ്റിസൺസിന് 7.90% വരെ പലിശ നിരക്ക് ഈടാക്കിയിരുന്നു. എന്നാൽ നിലവിൽ സാധാരണക്കാർക്ക് 4.25% - 7.15% വരെയാണ് പലിശ നിരക്ക് നിശ്ചയിച്ചത്. മുതിർന്ന പൗരൻമാർക്ക് 4.75% - 7.65% വരെ പലിശ നിരക്ക് വരുന്നുണ്ട്.

ഉപഭോക്താക്കൾക്കിടയിൽ വിശ്വാസം ഉണർത്താനായിട്ടാണ് സച്ചിൻ ടെണ്ടുൽക്കർ തന്നെ ഇതിന്റെ ബ്രാന്റ് അമ്പാസിഡർ ആയത്. അതിനാലാണ് ഈ സേവിം​ഗ്സ് സ്കീം പ്രഖ്യാപനത്തിനു മുന്നേ പ്ലേ ദി മാസ്റ്റർസ്ട്രോക്ക് എന്ന പേരിൽ സച്ചിനെ മുൻ നിർത്തി ഒരു ക്യാമ്പയിൻ ആരംഭിച്ചത്. ഇതിലൂടെ ജനങ്ങൾക്കിടയിൽ ഈ പ്രീമിയം സേവനങ്ങളെ കുറിച്ച് കൃത്യമായ അവബോധം സൃഷ്ടിക്കാൻ സാധിക്കും. മൂന്ന് വർഷത്തെ കരാർ അടിസ്ഥാനത്തിലാണ് സച്ചിൻ ബാങ്ക് ഓഫ് ബറോഡയുമായി കൈകോർത്തത്.

ഇതാ​ദ്യമായിട്ടല്ല സച്ചിനെ പോലെ ഒരു ക്രിക്കറ്റ് താരം ബാങ്ക് ബറോഡയുമായി പ്രവർത്തിക്കുന്നത്. 2005ൽ ക്രിക്കറ്റ് താരം രാഹുൽ ദ്രാവിഡ് ആയിരുന്നു ബാങ്ക് ഓഫ് ബറോഡയുടെ ബ്രാന്റ് അമ്പാസിഡർ.

ഈ ക്യാമ്പയിൽ പോലെ ബാങ്ക് ഓഫ് ബറോഡ സാങ്കേതിക മേഖലയുടെ ഉയർച്ചക്കായി പുതിയ മാറ്റങ്ങളും കൊണ്ടുവരുന്നു. അതായത്, ബാങ്ക് ഓഫ് ബറോഡ സർക്കാരിന്റെ മെയ്ക്ക് ഇൻ ഇന്ത്യ മൂവ്മെന്റുമായി സഹകരിച്ച് രാജ്യത്തെ 1600ലധികം ബ്രാഞ്ചുകളിലേക്ക് ലാൻ കണക്ടിവിറ്റി വർദ്ധിപ്പിക്കുന്നു.

ബാങ്കിം​ഗ് മേഖലയിൽ ഇത് വലിയൊരു മൂവ്മെന്റായി മാറും. ഇതിലൂടെ ബാങ്കിന്റെ സൗകര്യങ്ങൾ വർദ്ധിക്കുകയും ഉപഭോക്തക്കൾക്ക് കൂടുതൽ എളുപ്പത്തിൽ ബാങ്കിം​ഗ് സംബന്ധിച്ച പ്രവർത്തികൾ എളുപ്പമാക്കാനും ഈ മാറ്റങ്ങൾ സഹായിക്കുന്നു