മാര്ച്ച് മാസം അവസാനിക്കുമ്പോള് ആ സാമ്പത്തിക വര്ഷത്തില് നിര്ബന്ധമായും ചെയ്തു തീര്ക്കേണ്ട പല സാമ്പത്തിക ഇടപാടുകളും നമുക്ക് മുന്നിലുണ്ടാകും. അതില് ചെയ്തു തീര്ക്കാനുള്ള ഉടന് ചെയ്തു തീര്ത്താല് അവസാന നിമിഷത്തിലെ നെട്ടോട്ടവും വെപ്രാളവും ഒഴിവാക്കാം. എന്തെന്നാല് മാര്ച്ച് 27 മുതല് ഏപ്രില് നാല് വരെയുള്ള 9 ദിവസങ്ങളില് ഏഴ് ദിവസവും രാജ്യത്തെ പൊതു-സ്വകാര്യ ബാങ്കുകള് അവധിയായിരിക്കും.
അതിനാല് അവസാന ദിവസത്തിനായി കാത്തിരിക്കാതെ ഇത്തരം പണമിടപാടുകള് ഉടന് നടത്തുക. പ്രതിമാസ വായ്പ്പാ തിരിച്ചടവ് ഉള്പ്പെടെയുള്ള മറ്റ് കാര്യങ്ങളും ഈ ദിവസങ്ങിലേക്ക് നിശ്ചയിച്ചിട്ടുള്ളവര് പിഴ ഒഴിവാക്കുന്നതിനായി നേരത്തെ അടയ്ക്കുവാന് ശ്രദ്ധിക്കേണ്ടതുണ്ട്.
മാര്ച്ച് 27 മാസത്തിലെ അവസാന ശനിയാഴ്ചയാണ്. 28 ഞായറും 29 ഹോളിയും. 30 ന് ബാങ്ക് പ്രവര്ത്തിക്കും. മാര്ച്ച് 31 സാമ്പത്തിക വര്ഷാവസാനത്തെ അവധിയായിരിക്കും. ഏപ്രില് ഒന്നിന് അക്കൗണ്ട് ക്ലോസിങ് ആണ്. ഏപ്രില് രണ്ടിന് ദുഃഖ വെളളിയാഴ്ചയുടെ അവധി. ഏപ്രില് മൂന്ന് ശനിയാഴ്ച ബാങ്ക് പ്രവൃത്തി ദിനമായിരിക്കും. ഏപ്രില് നാല് ഞായറാഴ്ചയും. അതായത് 27 മുതല് ഏപ്രില് നാല് വരെയുള്ള ദിവസങ്ങളില് ബാങ്ക് പ്രവര്ത്തിക്കുന്നത് രണ്ട് ദിവസം മാത്ര മായിരിക്കും.
അതുകൊണ്ട് വര്ഷാവസാനത്തെ പണമിടപാടുകള്ക്ക് അവസാന നിമിഷം വരെ കാത്തിരിക്കേണ്ടും. ആദായ നികുതി ഇളവ് നേടുന്നതിനായുള്ള നിക്ഷേപങ്ങള് നടത്തുന്നതിനായി പ്രത്യേകിച്ചും. ഒപ്പം കോവിഡ് രോഗ വ്യാപന സാഹചര്യം നിലനില്ക്കുന്നതിനാല് ഇടയില് ലഭിക്കുന്ന രണ്ട് പ്രവൃത്തി ദിവസങ്ങളിലെ തിരക്കേറിയ സാഹചര്യത്തില് ബാങ്ക് സന്ദര്ശനം ഒഴിവാക്കുന്നതാണ് നല്ലത്.
ബാങ്കുകള്ക്ക് തുടര്ച്ചയായ അവധി ദിനങ്ങള്; ഇടപാടുകള് മുടങ്ങും, ഏതൊക്കെ ദിവസങ്ങള്...