ബെംഗളൂരുവില്‍ നിന്ന് ഗോവയിലേയ്ക്ക് ഒരടിപൊളി വന്ദേഭാരത് യാത്ര, സര്‍വീസ് ഉടന്‍, വിശദാംശങ്ങള്‍ ഇതാ

ഗോവയില്‍ അവധിക്കാലം ആഘോഷിക്കാന്‍ പദ്ധതിയിടുന്ന ബെംഗളൂരു നിവാസികള്‍ക്ക് സന്തോഷവാര്‍ത്ത.ഗോവ- ബെഗളൂരു വന്ദേഭാരത് എക്‌സ്പ്രസ് ഉടന്‍ സര്‍വീസ് ആരംഭിക്കും.

മംഗളൂരു ജംഗ്ഷനും മംഗ്‌ളൂരു സെന്‍ട്രല്‍ സ്റ്റേഷനുകളും ഒഴിവാക്കുന്ന ട്രെയ്ന്‍, പാഡില്‍ ബൈപ്പാസ് വഴിയാണ് ഗോവയിലെത്തുക. യാത്ര 13 മണിക്കൂറാക്കി ചുരുക്കാന്‍ ഇതുവഴിയാകുന്നു.

ബെംഗളൂരു-ഗോവ വന്ദേ ഭാരത് എക്‌സ്പ്രസ് ട്രെയിന്‍ വിശദാംശങ്ങള്‍
യെസ്വന്ത്പൂരില്‍ നിന്ന് രാവിലെ 6.05 ന് പുറപ്പെട്ട് വൈകുന്നേരം 7.15 ന് മഡ്ഗാവില്‍ എത്തുന്ന വിധത്തിലാണ് സമയം ക്രമീകരണം. രാവിലെ 5.30 ന് മഡ്ഗാവില്‍ നിന്ന് മടങ്ങുന്ന ട്രെയ്ന്‍ വൈകീട്ട് 6.40 ന് യസ്വന്ത് പൂരില്‍ തിരിച്ചെത്തും.

ശരാശരി വേഗത മണിക്കൂറില്‍ 50 കിലോമീറ്ററില്‍ താഴെയാകുമ്പോള്‍ പരമാവധി വേഗത മണിക്കൂറില്‍ 130 കിലോമീറ്റര്‍.

ബെംഗളൂരു-ഗോവ

ബെംഗളൂരു നിവാസികളുടെ പ്രിയപ്പെട്ട അവധിക്കാല കേന്ദ്രങ്ങളില്‍ ഒന്നാണ് ഗോവ. നഗരത്തില്‍ നിന്നും ഏകദേശം 600-650 കിലോമീറ്റര്‍ അകലെയുള്ള ഈ വിനോദസഞ്ചാര കേന്ദ്രത്തിലേയ്ക്ക് ട്രെയിന്‍, ബസ്, കാര്‍, വിമാന യാത്രപാക്കേജുകളുണ്ട്.

ഉല്ലാസകരമായ ട്രെയ്ന്‍യാത്രകളാണ് ഇവയിലെ ഹൈലൈറ്റ്.

നിലവിലെ ട്രെയ്‌നുകളെല്ലാം കൂടുതല്‍ സമയമെടുക്കുന്ന സാഹചര്യത്തില്‍ ബെംഗളൂരു-ഗോവ വന്ദേഭാരത് എക്‌സ്പ്രസ് ഈ റൂട്ടിലെ 'ഒരു ഗെയിം ചെയ്ഞ്ചറാകുമെന്ന്' കരുതപ്പെടുന്നു.

 വന്ദേഭാരത്

വന്ദേഭാരത് അതിന്റെ സുഖ ശീതളിമകൊണ്ട് വേറിട്ടുനില്‍ക്കുന്നു. മെച്ചപ്പെട്ട സസ്പെന്‍ഷന്‍,  ഓട്ടോമാറ്റിക് പ്ലഗ് ഡോറുകള്‍, മിനി പാന്‍ട്രി സൗകര്യങ്ങള്‍, സിസിടിവി, കവച്ച് സുരക്ഷ, എര്‍ഗണോമിക് സീറ്റിംഗ് ഉള്‍പ്പടെയുള്ള പ്രീമിയം സൗകര്യങ്ങളാണ് ഈ സെമി-ഹൈസ്പീഡ് ട്രെയ്‌നിന്റെ പ്രധാന സവിശേഷത.

നിലവില്‍ 82 റൂട്ടുകളിലായി 164 സര്‍വീസുകളാണ് വന്ദേഭാരത് നടത്തുന്നത്. ടിക്കറ്റ് നിരക്ക് താങ്ങാവുന്നതാക്കുക എപ്പോഴും റെയില്‍വേയുടെ പരിഗണനയാണെന്ന് മന്ത്രി പറഞ്ഞു. ഈ കാരണത്താല്‍ ട്രെയ്ന്‍ നടത്തുന്നതിനുള്ള ചെലവ് പോലും ടിക്കറ്റ് വഴി ഈടാക്കുന്നില്ല.

വന്ദേഭാരതിന്റെ സ്ലീപ്പര്‍ പതിപ്പ് സര്‍ക്കാര്‍ ഈയിടെ ആരംഭിച്ചു. വരും വര്‍ഷങ്ങളില്‍ അത്തരം നൂറുകണക്കിന് സര്‍വീസുകള്‍ ആരംഭിക്കാനുള്ള പദ്ധതി തയ്യാറാക്കിയിട്ടുണ്ടുമുണ്ട്.