ബെംഗളൂരു നിവാസികൾക്ക് ആശ്വസിക്കാം; ചൂടിന് ശമനമായി മഴ വരുന്നു, കാലാവസ്ഥ പ്രവചനം ഇങ്ങനെ

അതികഠിനമായ ചൂടിൽ ബുദ്ധിമുട്ടുകയാണ് ബെംഗളൂരു നിവാസികൾ. എന്നാൽ അടുത്ത ഏഴ് ദിവസത്തിനുള്ളിൽ ബെംഗളൂരുവിൽ ഇടിമിന്നലോടുകൂടി മഴ പെയ്യാൻ സാധ്യതയുണ്ടെന്ന് ഇന്ത്യൻ കാലാവസ്ഥാ വകുപ്പ് മുന്നറിയിപ്പ്. ഇത് ഒരു പരിധിവരെ താപനില വിർദ്ധനവിൽ നിന്ന് ആശ്വാസം നൽകുമെന്ന പ്രതീക്ഷയാണ് ഇപ്പോൾ സൃഷ്ടിച്ചിരിക്കുന്നത്. കർണാടകയിലെ നിരവധി നഗരങ്ങളിൽ വരും ദിവസങ്ങളിൽ കാലാവസ്ഥയിൽ കാര്യമായ മാറ്റം അനുഭവപ്പെടുമെന്ന് കാലാവസ്ഥ മുന്നറിയിപ്പിൽ വ്യക്തമാക്കുന്നു. 

കർണാടകയുടെ ചില ഭാഗങ്ങളിൽ ഇടിമിന്നലോടു കൂടിയ നേരിയതോ മിതമായതോ ആയ മഴയും ശക്തമായ കാറ്റും ഉണ്ടാകുമെന്ന് ഐഎംഡി അറിയിപ്പിൽ വ്യക്തമാക്കുന്നു. സംസ്ഥാനത്തെ പല പ്രദേശങ്ങളിലും അടുത്തിടെ അനുഭവപ്പെട്ടിരുന്ന ചൂടും വരണ്ട കാലാവസ്ഥയും ഒഴിവാക്കാൻ പ്രതീക്ഷിക്കുന്ന മഴയ്ക്ക് സാധിച്ചേക്കും. ബെംഗളൂരുവിന് പുറമെ, കർണാടകയിലെ മറ്റ് ജില്ലകളിലും ഉൾപ്രദേശങ്ങളിലെയും തീരദേശ മേഖലകളിലെയും നഗരങ്ങളിലും മഴ പ്രതീക്ഷിക്കാം.

മൺസൂണിന് മുൻപ് തന്നെ കാലാവസ്ഥയിൽ കാര്യമായ മാറ്റം വ്യക്തമാണെന്നാണ് കാലാവസ്ഥ നിരീക്ഷകർ പറയുന്നത്. ഉച്ചനേരം വരെയുള്ള ചൂട് മഴ ലഭിച്ചു കഴിഞ്ഞാൽ തണുപ്പുള്ള വൈകുന്നേരങ്ങൾ ലഭിച്ചേക്കാം. അതേസമയം, ഇടിമിന്നലുള്ള സമയത്ത് ജനങ്ങൾ ജാഗ്രത പാലിക്കണമെന്ന് കാലാവസ്ഥാ നിരീക്ഷകർ നിർദ്ദേശിക്കുന്നു, കാരണം പെട്ടെന്നുള്ള കനത്ത മഴയും കാറ്റും ഗതാഗതത്തെയും ദൈനംദിന പ്രവർത്തനങ്ങളെയും ബാധിക്കും. ഇടിമിന്നൽ സമയത്ത് തുറന്ന സ്ഥലങ്ങൾ ഒഴിവാക്കാനും പ്രാദേശിക കാലാവസ്ഥാ മുന്നറിയിപ്പുകൾ പാലിക്കാനും അധികൃതർ നിർദ്ദേശിക്കുന്നു. 

കാലാവസ്ഥാ ഉദ്യോഗസ്ഥർ സ്ഥിതിഗതികൾ നിരീക്ഷിച്ചുകൊണ്ടിരിക്കുകയാണ്, വരും ദിവസങ്ങളിൽ മഴ ശക്തിപ്പെട്ടാൽ കൂടുതൽ ജാഗ്രതാ നിർദേശങ്ങൾ നൽകിയേക്കാം. കർണാടകയിലെ പല നഗരങ്ങളിലും ഇടിമിന്നലുള്ള മഴയ്ക്ക് സാധ്യതയുള്ളതിനാൽ, ബെംഗളൂരു നിവാസികൾക്ക് ഉടൻ തന്നെ മേഘാവൃതമായ ആകാശവും മഴമൂടലും കാണാൻ കഴിയും.