ബെംഗളൂരു മലയാളികൾ ജാഗ്രത, നഗരം തണുത്ത് വിറയ്ക്കും, ഇരുട്ടടിയായി ഇതും വർദ്ധിക്കുന്നു

ഡിസംബർ പൊതുവേ തണുത്ത കാലാവസ്ഥയാണ്. അതിരാവിലെ നല്ല തണുപ്പാണ് അനുഭവപ്പെടുന്നത്. കേരളത്തിലേതിന് സമാനമായി കർണാടകയിലെ നിരവധി ജില്ലകളിൽ വരും ദിവസങ്ങളിൽ കടുത്ത തണുപ്പ് തുടരുമെന്നാണ് ഐഎംഡി പ്രവചിക്കുന്നത്. അതേസമയം, കർണാടക തലസ്ഥാനമായ ബെംഗളൂരു നിവാസികൾക്ക് കൊടും തണുപ്പിൽ നിന്നും നേരിയ ആശ്വാസം ലഭിക്കാനാണ് സാധ്യതയെന്നും ഐഎംഡി റിപ്പോർട്ട് സൂചിപ്പിക്കുന്നു.

ബെംഗളൂരു കാലാവസ്ഥാ മുന്നറിയിപ്പ്

വരും ദിവസങ്ങളിൽ കർണാടകയുടെ വടക്കൻ ജില്ലകളിൽ കടുത്ത തണുപ്പ് അനുഭവപ്പെടുമെന്നാണ് ഐഎംഡി റിപ്പോർട്ട് സൂചിപ്പിക്കുന്നത്. അതേസമയം, ബെംഗളൂരുവിൽ പ്രധാനമായും തെളിഞ്ഞ ആകാശമായിരിക്കും പ്രതീക്ഷിക്കുന്നത്. ചില പ്രദേശങ്ങളിൽ അതിരാവിലെ അന്തരീക്ഷം മൂടൽമഞ്ഞ് കൊണ്ട് നിറയാൻ സാധ്യതയുണ്ട്. ഐഎംഡി പ്രവചനം അനുസരിച്ച്, പരമാവധി താപനിലയും കുറഞ്ഞ താപനിലയും 28 ഡിഗ്രി സെൽഷ്യസും 17 ഡിഗ്രി സെൽഷ്യസും ആയിരിക്കാനാണ് സാധ്യത.

കർണാടക കാലാവസ്ഥാ അപ്‌ഡേറ്റ്

ഐഎംഡി റിപ്പോർട്ട് അനുസരിച്ച് വടക്കൻ ഉൾനാടൻ കർണാടകയിലെ റായ്ച്ചൂരിൽ ശക്തമായ തണുപ്പ് അനുഭവപ്പെടാനാണ് സാധ്യത. കൂടാതെ, വടക്കൻ ഉൾനാടൻ കർണാടകയിൽ വടക്കുകിഴക്കൻ കാറ്റും തെക്കൻ ഉൾനാടൻ കർണാടകയിലും തീരദേശ കർണാടകയിലും കിഴക്കൻ കാറ്റും ഉണ്ടാകാൻ സാധ്യതയുണ്ട്. കർണാടകയുടെ തീരദേശ ജില്ലകളിലും, കർണാടകയുടെ വടക്കൻ ഉൾനാടൻ ജില്ലകളിലും, കർണാടകയുടെ തെക്കൻ ഉൾനാടൻ ജില്ലകളിലും വരണ്ട കാലാവസ്ഥയായിരിക്കും. കഴിഞ്ഞ ഇരുപത്തിനാല് മണിക്കൂറിനുള്ളിൽ റായ്ച്ചൂർ, വടക്കൻ ഉൾനാടൻ ജില്ലകളിലെ ബെലഗാവി വിമാനത്താവളങ്ങളിലും, കർണാടകയുടെ തെക്കൻ ഉൾനാടൻ ജില്ലകളിലെ മാണ്ഡ്യ വ്യോമയാന കേന്ദ്രങ്ങൾ, മൈസൂരു, ശിവമോഗ എന്നിവിടങ്ങളിലും കാലാവസ്ഥയിൽ ഗണ്യമായ കുറവ് ഉണ്ടായതായി ഐഎംഡി കാലാവസ്ഥാ റിപ്പോർട്ട് പറയുന്നു.

അതേസമയം, തീരദേശ കർണാടകത്തിലെ കാർവാർ, ശക്തിനഗർ, നോർത്ത് ഇൻ്റീരിയർ കർണാടകയിലെ കോപ്പൽ, ഗദഗ്, ധാർവാഡ്, ബെംഗളൂരു എച്ച്എഎൽ എപി, ബെംഗളൂരു കിയാൽ എപി, ബെംഗളൂരു സിറ്റി, ദക്ഷിണ ഇൻ്റീരിയർ കർണാടകയിലെ ചിന്താമണി, ചിത്രദുർഗ എന്നിവിടങ്ങളിൽ കാര്യമായ ഇടിവുണ്ടായി.

ബെംഗളൂരുവിൽ കൊടും തണുപ്പ്

വെള്ളിയാഴ്ചയും വരും ദിവസങ്ങളിലും ബെംഗളൂരുവിൽ കൂടുതൽ തെളിഞ്ഞ ആകാശമായിരിക്കുമെങ്കിലും, അടുത്ത ഇരുപത്തിനാല് മുതൽ നാല്പത്തിയെട്ട് മണിക്കൂറിനുള്ളിൽ താപനില കുറയാനാണ് സാധ്യത. ഡിസംബർ 19, 20, 21 തീയതികളിൽ യഥാക്രമം പരമാവധി താപനില 28, 17 ഡിഗ്രി സെൽഷ്യസും, 28, 16 ഡിഗ്രി സെൽഷ്യസും, കുറഞ്ഞത് 28, 16 ഡിഗ്രി സെൽഷ്യസും ആയിരിക്കും.

ഐഎംഡി റിപ്പോർട്ട് അനുസരിച്ച്, ബുധനാഴ്ച ഏറ്റവും കുറഞ്ഞ താപനില ഏകദേശം 12.6 ഡിഗ്രി സെൽഷ്യസായി രേഖപ്പെടുത്തി. ഡിസംബറിലെ സാധാരണ രാത്രി താപനിലയേക്കാൾ കുറവാണ് ഇത്. ഏജൻസിയുടെ പ്രവചനം അനുസരിച്ച് ഏറ്റവും കുറഞ്ഞ താപനില ഡിസംബർ മാസത്തെ ശരാശരിയേക്കാൾ വളരെ താഴെയാകാം. അതിനാൽ അതിരാവിലെ തണുപ്പ് വർദ്ധിക്കാനാണ് സാധ്യത.

വായു മലിനീകരണം

രാജ്യത്തെ പ്രധാനപ്പെട്ട ഐടി, ബിസിനസ് നഗരം എന്നത് കൊണ്ടുതന്നെ നിരവധി മലയാളികളാണ് ബെംഗളൂരുവിൽ താമസിക്കുന്നത്. അതുകൊണ്ടുതന്നെ കൊടും തണുപ്പിനെ ശ്രദ്ധിക്കുന്നത് നല്ലതാണ്. അതോടൊപ്പം ബെംഗളൂരു നഗരത്തിൽ വായു മലിനീകരണം വർദ്ധിക്കുന്ന സാഹചര്യവും നിലവിലുണ്ട്. ഇക്കാര്യവും ശ്രദ്ധിക്കണം. പുറത്തിറങ്ങുന്നവർ മാസ്ക് ധരിക്കുന്നത് നല്ലതാണ്.