ബെംഗളൂരു കാലാവസ്ഥയില്‍ അസാധാരണ വഴിത്തിരിവ്, മുന്നറിയിപ്പുമായി ഐഎംഡി, ഇക്കാര്യങ്ങള്‍ ശ്രദ്ധിക്കുക

ഇന്ത്യന്‍ കാലാവസ്ഥ വകുപ്പ് (ഐഎംഡി) നല്‍കുന്ന മുന്നറിയിപ്പ് പ്രകാരം മാര്‍ച്ച് ഒന്നിന് നഗരത്തില്‍ ഔദ്യോഗികമായി വേനല്‍ക്കാലം ആരംഭിച്ചു. എന്ന് മാത്രമല്ല, ചരിത്രത്തിലെ ഏറ്റവും കാഠിന്യമേറിയ വേനല്‍ക്കാലമായിരിക്കും ഇത്തവണത്തേത്.

ഇതുവരെയുള്ള പ്രവണത
ചരിത്രപരമായി ബെംഗളൂരുവില്‍ വേനല്‍ ശക്തമാണ്.മെയ് മാസത്തിലെ എക്കാലത്തെയും ഉയര്‍ന്ന താപനില 1931 ല്‍ രേഖപ്പെടുത്തിയ 38.9°C ആണ്. ഈ വര്‍ഷം താപനില വീണ്ടും 39°C ലേക്ക് അടുക്കുമെന്ന് ഐഎംഡി ഡാറ്റ സൂചിപ്പിക്കുന്നു. 2016 ഏപ്രിലില്‍ നഗരത്തില്‍ 39.2°C രേഖപ്പെടുത്തി.

മാര്‍ച്ച് ആദ്യ ആഴ്ചയില്‍ തന്നെ പകല്‍ താപനില അസാധാരണമായി ഉയരും. ഫെബ്രുവരി മാസത്തിലെ ശരാശരി ഉയര്‍ന്ന താപനില 30.1°C ആയിരുന്നു. പിന്നീടത് ഏകദേശം 31.7°C ഉയര്‍ന്നെങ്കിലും സാധാരണയേക്കാള്‍ ഏകദേശം 1.1°C കുറവായി. എന്നാല്‍ ഈ പ്രവണത നീണ്ടുനില്‍ക്കില്ല. വരും ദിവസങ്ങളില്‍ താപനില ഏകദേശം 34.1°C ആയി ഉയരാം.

തീവ്ര കാലാവസ്ഥ മുന്നറിയിപ്പുകളൊന്നും ഐഎംഡി നല്‍കിയിട്ടില്ല. ശരീരത്തില്‍ ജലാംശം നിലനിര്‍ത്തേണ്ടതും ഉച്ചയ്ക്കും ഉച്ചയ്ക്ക് ശേഷവും നേരിട്ട് സൂര്യപ്രകാശം ഒഴിവാക്കേണ്ടതുമാണ്.

താപനില ഉയരുന്നതനുസരിച്ച് ആവശ്യമായ മുന്‍കരുതലുകള്‍ സ്വീകരിക്കണം.

കര്‍ണ്ണാടകത്തില്‍ ഉഷ്ണതരംഗ സാധ്യത
സംസ്ഥാനത്തുടനീളം സാധാരണയില്‍ കൂടുതല്‍ പരമാവധി താപനില അനുഭവപ്പെടുമെന്ന് ഐഎംഡി സൂചിപ്പിച്ചു. തീരദേശ മേഖലകളില്‍ താപനില 65-75 ശതമാനം വരെ ഉയരാനുള്ള സാധ്യതയുണ്ട്. വടക്കന്‍, ഉള്‍നാടന്‍ കര്‍ണ്ണാടകയിലാണ് ഉഷ്ണ തരംഗ സാധ്യത കൂടുതലുള്ളത്. അതേസമയം ഔദ്യോഗികമായി ഇതുവരെ ഉഷ്ണതരംഗ മുന്നറിയിപ്പൊന്നും പുറപ്പെടുവിച്ചിട്ടില്ല.

കര്‍ണാടകയുടെ വടക്കന്‍ ഉള്‍നാടന്‍ ജില്ലകളായ ബാഗല്‍കോട്ട്, കൊപ്പല്‍, ബെലഗാവി എന്നിവിടങ്ങളില്‍ കനത്ത ചൂട് അനുഭവപ്പെടാന്‍ സാധ്യതയുണ്ട്. മൈസൂരു, ദാവന്‍ഗരെ തുടങ്ങിയ തെക്കന്‍ ഉള്‍നാടന്‍ പ്രദേശങ്ങളിലും ഉയര്‍ന്ന താപനില പ്രതീക്ഷിക്കുന്നു. 

ദക്ഷിണ കന്നഡ, ഉഡുപ്പി, ഉത്തര കന്നഡ തുടങ്ങിയ തീരദേശ മേഖലകളില്‍ ഉയര്‍ന്ന ആര്‍ദ്രത കാരണം താപനില ഇതിനകം 37-39°C വരെ എത്തി.