വാരാന്ത്യത്തിൽ വിപണി നേട്ടത്തിലെത്തുമോ? പ്രതീക്ഷകൾക്കൊപ്പം ഇന്ന് വാങ്ങാവുന്ന ഇൻട്രാഡോ ഓഹരികൾ ഇതാ

വാരാന്ത്യത്തിൽ എത്തുമ്പോഴും ഇന്ത്യൻ ഓഹരി വിപണികൾ കടുത്ത സമ്മർദ്ദം നേരിടുന്നു. സൂചികകൾക്ക് നേട്ടം നിലനിർത്താൻ സാധിക്കുന്നില്ല എന്നതാണ് പ്രതിസന്ധി. ആഭ്യന്തര സൂചികകളായ നിഫ്റ്റിയും സെൻസെക്സും നേരിയ ഇടിവിലാണ് ഇന്നത്തെ വ്യാപാരം ക്ലോസ് ചെയ്തത്. ഡൊണാൾഡ് ട്രംപിൻ്റെ താരിഫ് പ്രശ്നങ്ങൾ സൃഷ്ടിക്കുന്ന സമ്മർദ്ദമാണ് ഓഹരി വിപണിയിലെ ഈ അസ്ഥിരതക്ക് കാരണം.

ഒപ്പം നിക്ഷേപകരുടെ ഭയവും വിപണിയെ തളർത്തുന്നു. അതിനാൽ നിലവിലെ സാഹചര്യത്തിൽ ജാഗ്രത തുടരണം. ഇന്നലെ നിഫ്റ്റി 50 സൂചിക 120.85 പോയിന്റ് അഥവാ 0.47% ഇടിഞ്ഞ് 25,355.25-ൽ ക്ലോസ് ചെയ്തു. സെൻസെക്സ് 345.80 പോയിൻ്റ് അഥവാ 0.41% ഇടിഞ്ഞ് 83,190.28ലും ക്ലോസ് ചെയ്തു.

"നിഫ്റ്റി നിർണായകമായ ഒരു ഘട്ടത്തിൽ വ്യാപാരം നടത്തുകയാണ്, 25,300 ഒരു പ്രധാന പിന്തുണയായി പ്രവർത്തിക്കുന്നു. ഇതിന് താഴേക്ക് എത്തിയാൽ സൂചിക കനത്ത നഷ്ടത്തിലേക്ക് വീഴും. മറുവശത്ത്, 25,550 എന്ന ലെവൽ ശക്തമായ പ്രതിരോധ ലെവലിനെ സൂചിപ്പിക്കുന്നു." എന്ന് SAMCO സെക്യൂരിറ്റീസിലെ ഡെറിവേറ്റിവ്സ് റിസർച്ച് അനലിസ്റ്റ് ധുപേഷ് ധമേജ അഭിപ്രായപ്പെട്ടു.

റിലേറ്റീവ് സ്ട്രെങ്ത് ഇൻഡക്സ് (RSI) 60-ൽ താഴേക്ക് വീണതിനാൽ നിഫ്റ്റിയുടെ പ്രവണത ന്യൂട്രൽ ആയി തുടരുന്നു, ഇത് സൂചിക ദുർബലമാവുന്നതിനെ സൂചിപ്പിക്കുന്നു. ബുള്ളിഷ് വികാരങ്ങൾ ഉണ്ടാവണമെങ്കിൽ സൂചിക 25,550ന് മുകളിൽ നിലനിർത്തണം. പ്രധാന ഐടി സ്റ്റോക്കുകളിൽ നിന്ന് പ്രത്യേകിച്ച് വരുമാന സീസൺ ആരംഭിക്കുമ്പോൾ, വരാനിരിക്കുന്ന ഫലങ്ങൾ വിപണിയിൽ നിർണായകമാകും.

ഇന്ന് വാങ്ങാവുന്ന ഓഹരികൾ

ഇന്ന് വെള്ളിയാഴ്ച രണ്ട് സ്റ്റോക്കുകൾ വാങ്ങാൻ ചോയ്സ് ബ്രോക്കിങ്ങിലെ സുമീത് ബഗാഡിയ ശുപാർശ ചെയ്തു. ഓരോ ഓഹരികളും, അവയുടെ നിലവിലെ വിലയും ലക്ഷ്യ വിലയുമെല്ലാം പരിശോധിക്കാം. നിക്ഷേപകർ ഇതിൽ ഏത് തിരഞ്ഞെടുക്കും? 

1. പവർ ഫിനാൻസ് കോർപ്പറേഷൻ ലിമിറ്റഡ്

ഇന്ത്യാ ഗവൺമെൻ്റിൻ്റെ ഉടമസ്ഥതയിലുള്ള ഒരു ബാങ്കിംഗ് ഇതര ധനകാര്യ കമ്പനിയാണ് പവർ ഫിനാൻസ് കോർപ്പറേഷൻ ലിമിറ്റഡ് അഥവാ പിഎഫ്സി. കഴിഞ്ഞ സെഷനിൽ ശക്തമായ ബുള്ളിഷ് കുതിപ്പ് പിഎഫ്സി ഓഹരികൾ കാണിച്ചു. അതിനാൽ ഇന്നലെ ഈ ഓഹരികൾ 2 ശതമാനത്തിലധികം ഉയർന്ന 429.45 രൂപയിൽ ക്ലോസ് ചെയ്തു. ഇതൊരു ബ്രേക്ക്‌ഔട്ടിലേക്കുള്ള ഉയർച്ചയായി കണക്കാക്കാം.

RSI 60.04-ലാണ്. ഇത് വാങ്ങൽ ശക്തിയും പോസിറ്റീവ് മോമെന്റവും വർദ്ധിക്കുന്നതായി സൂചിപ്പിക്കുന്നു. നിലവിൽ പിഎഫ്സിയുടെ പിന്തുണ 421 രൂപയിലാണ്. മാത്രമല്ല, 414 രൂപയിൽ സ്റ്റോപ്പ്-ലോസ് നിലനിർത്തുന്നു. ഓഹരിയുടെ ലക്ഷ്യ വില 460 രൂപയിലാണ്.

2. പേടിഎം ഓഹരികൾ

ഇന്നലെ പേടിഎം ഓഹരികൾ നേട്ടത്തിലാണ് ക്ലോസ് ചെയ്തത്. നിലവിൽ ഓഹരി വില 941.60 രൂപയിലാണുള്ളത്. ഇത് ശക്തമായ ബുള്ളിഷ് കുതിപ്പ് കാണിക്കുന്നു. ഇന്നലെ ഏകദേശം 3 ശതമാനത്തിലും അധികം കുതിപ്പുണ്ടായി. 

ഇപ്പോൾ 907 ന് സമീപമുള്ള പിന്തുണ പ്രകടമാവുന്നു. അതിനാൽ വോളിയം വർദ്ധിക്കുന്നു. നിലവിൽ RSI 60.13-ൽ നിൽക്കുന്നു, ഇത് മെച്ചപ്പെടുന്ന ബുള്ളിഷ് മോമെന്റത്തെ സൂചിപ്പിക്കുന്നു. നേട്ടങ്ങളുടെ അടിസ്ഥാനത്തിൽ ഓഹരിയുടെ ലക്ഷ്യ വില 1010 രൂപയിലാണുള്ളത്. മാത്രമല്ല സ്റ്റോപ്പ്ലോസ് 907 രൂപയിൽ നിലനിർത്തി അപകടസാധ്യതയെ ഫലപ്രദമായി കൈകാര്യം ചെയ്യുക.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.