ബെംഗളൂരുവില്‍ വന്‍ ടൗണ്‍ഷിപ്പ് വരുന്നു; മലയാളികള്‍ക്കും ഗുണം-വിശദാംശങ്ങള്‍

ബെംഗളൂരുവിന് സമീപം ബിഡദി (Bidadi) പ്രദേശത്ത് വലിയ ഇന്റഗ്രേറ്റഡ് ടൗണ്‍ഷിപ്പ് നിര്‍മിക്കുകയാണ് കര്‍ണാടക സര്‍ക്കാര്‍. ഇതിനായി ബെംഗളൂരു സൗത്ത് ജില്ലയിലെ ഒന്‍പത് ഗ്രാമങ്ങളില്‍ ഏകദേശം 7,400 ഏക്കര്‍ ഭൂമി ഏറ്റെടുക്കും. 

അന്തിമ നോട്ടീസ് ഉടന്‍ പുറപ്പെടുവിക്കുമെന്നും ഭൂമി ഏറ്റെടുക്കല്‍ വേഗത്തിലാക്കുമെന്നും അധികൃതര്‍ വ്യക്തമാക്കി.

ബെംഗളൂരുവില്‍ താമസിക്കുന്ന മലയാളികള്‍ക്കും പദ്ധതി ഗുണം ചെയ്യും.

വീടുകളും താമസ സൗകര്യങ്ങളും

ബെംഗളൂരുവിലെ ഗതാഗതക്കുരുക്കും ജനസാന്ദ്രതയും കുറയ്ക്കുകയാണ് പദ്ധതിയുടെ ലക്ഷ്യം. ഇതിനായി പുതിയ റെസിഡന്‍ഷ്യല്‍ മേഖല സ്ഥാപിക്കും. ഉയര്‍ന്ന വാടകയും തിരക്കും കുറച്ച് ശാന്തമായ അന്തരീക്ഷം പ്രദാനം ചെയ്യാന്‍ ടൗണ്‍ഷിപ്പിനാകും.

തൊഴിലും ബിസിനസ് അവസരങ്ങളും

വന്‍ നിക്ഷേപങ്ങളായിരിക്കും ടൗണ്‍ഷിപ്പ് ആകര്‍ഷിക്കുക. കൂടാതെ,
വലിയ ടൗണ്‍ഷിപ്പ് പദ്ധതികള്‍ സാധാരണയായി അവസരങ്ങള്‍ ലഭ്യമാക്കും.

ഗതാഗത സൗകര്യങ്ങള്‍

ബിഡദി ബെംഗളൂരു-മൈസൂരു കോറിഡോറിന് സമീപമാണ്. റോഡുകളും ഗതാഗത സൗകര്യങ്ങളും മെച്ചപ്പെട്ടാല്‍ നഗരത്തില്‍ ജോലി ചെയ്യുന്നവര്‍ക്ക് അതൊരനുഗ്രഹമാകും.

നഗരത്തിന്റെ തിരക്കില്‍നിന്ന് മാറി ശാന്തമായ പ്രദേശങ്ങളില്‍ താമസിക്കാന്‍ ആഗ്രഹിക്കുന്നവര്‍ക്ക് ഇത് നേട്ടമാകും.

കര്‍ഷകരുടെ പ്രതിഷേധം

പദ്ധതി പ്രതിഷേധങ്ങള്‍ക്ക് ഇടയാക്കിയിട്ടുണ്ട്. കാഞ്ചുഗാരനഹള്ളി ഉള്‍പ്പെടെയുള്ള ഗ്രാമങ്ങളിലുള്ളവര്‍ക്ക് കൃഷിയിടം നഷ്ടമായേക്കും. മുന്‍ മുഖ്യമന്ത്രി എച്ച്.ഡി. കുമാരസ്വാമി ഭൂമി ഏറ്റെടുക്കലിനെതിരെ രംഗത്ത് വന്നു. പദ്ധതിയുമായി മുന്നോട്ടുപോകുമെന്ന് ഉപമുഖ്യമന്ത്രി ഡി.കെ. ശിവകുമാര്‍ അതേസമയം വ്യക്തമാക്കി.

ഭൂമി ഏറ്റെടുക്കല്‍ നടപടികള്‍ ലളിതമാക്കുമെന്നും നഷ്ടപരിഹാരം ഉറപ്പ് വരുത്തുമെന്നും അധികൃതര്‍ പറയുന്നു. ഭൂമി അളക്കലും അതിര്‍ത്തി നിര്‍ണ്ണയവും ഇതിനോടകം പൂര്‍ത്തിയാക്കി.

വലിയ നഗര വികസന പദ്ധതിയായി ബിഡദി ടൗണ്‍ഷിപ്പ് കണക്കാക്കപ്പെടുന്നു.വീടുകള്‍, തൊഴില്‍ അവസരങ്ങള്‍, സമൂഹ വികസനം എന്നിവ പദ്ധതി ഉറപ്പുവരുത്തും.എന്നാല്‍ ഭൂമി ഏറ്റെടുക്കല്‍ വെല്ലുവിളി ഉയര്‍ത്തുന്നു.