കാർ വിലക്കുറവിൽ വാങ്ങാൻ പറ്റിയ സമയം; ടാറ്റ കാറുകൾക്ക് വമ്പൻ ഓഫറുകൾ, 65,000 രൂപ വരെ കുറവ്

വർഷാവസാനം അടുത്തു കൊണ്ടിരിക്കെ, ഇന്ത്യയിലെ നിരവധി വാഹന നിർമാതാക്കൾ പ്രത്യേക ഓഫറുകളും ഡീലുകളുമായി രംഗത്തെത്തിയിട്ടുണ്ട്. ഹോണ്ട, ടാറ്റ എന്നീ കമ്പനികൾ വാഹനങ്ങൾക്ക് ഓഫറുകൾ പ്രഖ്യാപിച്ചു കഴിഞ്ഞു. ടാറ്റ മോട്ടോഴ്‌സ് നിലവിൽ ഇന്ത്യയിൽ ചില ബിഎസ് 6 കാറുകളിൽ പ്രത്യേക ഡീലുകളും ആനുകൂല്യങ്ങളും വാഗ്ദാനം ചെയ്യുന്നുണ്ട്. ടിയാഗോ, ഹാരിയർ, നെക്‌സൺ, എന്നിവ 65,000 രൂപ വരെ വിലക്കുറവിൽ വാങ്ങാം. ടാറ്റ കാറുകളുടെ പുതിയ വർഷാവസാന ഓഫറുകൾ പരിശോധിക്കാം.

ടാറ്റ ടിയാഗോ ബിഎസ് 6

• കൺസ്യൂമർ സ്കീം: 15,000 രൂപ
• എക്സ്ചേഞ്ച് ഓഫർ: 10,000 രൂപ
• ആകെ ആനുകൂല്യം: 25,000 രൂപ

ടാറ്റ ഹാരിയർ ബിഎസ് 6

• ഡാർക്ക് പതിപ്പ്, XZ +, XZA + എന്നിവ ഒഴികെ
• കൺസ്യൂമർ സ്കീം: 25,000 രൂപ
• എക്സ്ചേഞ്ച് ഓഫർ: 40,000 രൂപ
• ആകെ ആനുകൂല്യം: 65,000 രൂപ
• എക്സ്ചേഞ്ച് ഓഫർ: 40,000 രൂപ
• ആകെ ആനുകൂല്യം: 40,000 രൂപ

ടാറ്റ നെക്സൺ ഡീസൽ

• എക്സ്ചേഞ്ച് ഓഫർ: 15,000 രൂപ
• ആകെ ആനുകൂല്യം: 15,000 രൂപ

ടാറ്റ ടൈഗർ ബിഎസ് 6

• കൺസ്യൂമർ സ്കീം: 15,000 രൂപ
• എക്സ്ചേഞ്ച് ഓഫർ: 15,000 രൂപ
• ആകെ ആനുകൂല്യം: 30,000 രൂപ

ഹോണ്ട ഓഫർ

വർഷാവസാന ഓഫറുകളുടെ ഭാഗമായി (ഇയർ എൻഡ് ഓഫർ) ഹോണ്ട ഇന്ത്യയും തങ്ങളുടെ ജനപ്രിയ കാറുകൾക്ക് വമ്പൻ ഓഫറുകൾ വാഗ്ദാനം ചെയ്തിട്ടുണ്ട്. കോം‌പാക്റ്റ് സെഡാൻ ഹോണ്ട അമേസ് മുതൽ ഹോണ്ട സിവിക് വരെയുള്ള കമ്പനിയുടെ സമീപകാലത്തെ മിക്കവാറും എല്ലാ കാറുകൾക്കും ഓഫറുകൾ ബാധകമാണ്. 2,50,000 രൂപ വരെ കിഴിവാണ് കമ്പനി വാഗ്ദാനം ചെയ്യുന്നത്. ഹോണ്ട സിവിക്കിന്റെ പെട്രോൾ വേരിയന്റിന് 1,00,000 രൂപ വരെ കിഴിവും ലഭിക്കും. ഡീസൽ വേരിയന്റുകൾ 2,50,000 രൂപ വരെ കിഴിവോടെ വാങ്ങാം.