ബിൽഗേറ്റ്സും ജാക്ക് മായും നൽകിയത് കോടികൾ, ഇന്ത്യയിലെ കോടീശ്വരന്മാർ ഇപ്പോഴും മൗനത്തിൽ

ഇന്ന് കൊവിഡ് -19 ലോകത്തെ മുഴുവൻ സ്തംഭിപ്പിച്ചിരിക്കുകയാണ്. തിരക്കേറിയ നഗരങ്ങൾ പലതും വിജനമായി തുടങ്ങി. പലരും വീടുകളിൽ തന്നെ അടച്ചിരിക്കുന്നു. എല്ലാവരും കൊറോണ വൈറസ് ഭീതിയിലാണ്. ലോകമെമ്പാടുമുള്ള ആരോഗ്യ മേഖലയിലെ ജോലിക്കാർക്ക് തിരക്കുപിടിച്ച സമയം. മെഡിക്കൽ ഉപകരണങ്ങളുടെ കുറവ്, അടിസ്ഥാന ആവശ്യങ്ങളായ ഫെയ്സ് മാസ്കുകൾ, സ്യൂട്ടുകൾ എന്നിവ പോലും പല രാജ്യങ്ങളിലും പല ജോലിക്കാർക്കും ലഭിക്കുന്നില്ല.

ബിൽ ഗേറ്റ്സ്

ഈ സാഹചര്യത്തിൽ ആരോഗ്യ മേഖലയിലെ പ്രൊഫഷണലുകളെ സഹായിക്കാൻ നിരവധി കോടീശ്വരന്മാരും രംഗത്തെത്തിയിട്ടുണ്ട്. കൊറോണ വൈറസ് പ്രതിസന്ധിയിൽ നിന്ന് കരകയറാൻ രാജ്യങ്ങളെ സഹായിക്കുന്നതിനായി ലോകത്തെ രണ്ടാമത്തെ ഏറ്റവും ധനികനായ ബിൽ ഗേറ്റ്സ് തന്റെ ബിൽ & മെലിൻഡ ഗേറ്റ്സ് ഫൌണ്ടേഷൻ വഴി 100 മില്യൺ ഡോളറാണ് വാഗ്ദാനം ചെയ്തിരിക്കുന്നത്. ചികിത്സയ്ക്ക് ആവശ്യമായ 15,000 മെഡിക്കൽ മോളിക്യൂൾസ് ബെൽജിയത്തിലെ ഒരു പ്രമുഖ ലബോറട്ടറിയിലേക്ക് അയയ്ക്കാനും അദ്ദേഹം ധനസഹായം നൽകി. മാത്രമല്ല, അടുത്തിടെ, കോവിഡ് -19 നായി 37 കോടി രൂപ അറ്റ് ഹോം ടെസ്റ്റിംഗ് കിറ്റുകളും അദ്ദേഹം വാഷിംഗ്ടണിലെ ആളുകൾക്കായി നൽകി.

ജാക്ക് മാ

ചൈനയിലെ ഏറ്റവും ധനികനായ ബിസിനസുകാരനും അലിബാബയുടെ സ്ഥാപകനുമായ ജാക്ക് മായും സഹായഹസ്തവുമായി മുൻനിരയിലുണ്ട്. കൊവിഡ് 19നുള്ള വാക്സിനുകൾ വികസിപ്പിക്കാൻ ശാസ്ത്രജ്ഞരെ സഹായിക്കുന്നതിന് ജനുവരിയിൽ അദ്ദേഹം 100 കോടി രൂപ വാഗ്ദാനം ചെയ്തു. ആഫ്രിക്ക, ജപ്പാൻ തുടങ്ങിയ സ്ഥലങ്ങളിൽ 500 മില്യൺ ടെസ്റ്റ് കിറ്റുകൾക്കൊപ്പം 500,000 ടെസ്റ്റ് കിറ്റുകളും അദ്ദേഹം അടുത്തിടെ യുഎസിന് നൽകി.

മുകേഷ് അംബാനി

ടെക് രംഗത്തെ പ്രമുഖരും സംഭാവനകളുമായി രംഗത്തുണ്ട്. എന്നാൽ ഒരു ഇന്ത്യൻ ടെക് കമ്പനിയും കൊവിഡ്-19 നെതിരെ പോരാടുന്നതിന് ഒരു സംഭാവനയും നൽകിയിട്ടില്ല. ഉദാഹരണത്തിന്, ചുമ ശബ്‌ദം ആളുകളുടെ നമ്പറുകൾക്ക് കോളർ ട്യൂണായി സജ്ജീകരിക്കുന്നതിനുപുറമെ, ഇന്ത്യയിലെ ഏറ്റവും ധനികനായ (59 ബില്യൺ ഡോളർ ആസ്തി) മുകേഷ് അംബാനി പോലും മൌനം പാലിച്ചിരിക്കുകയാണ്. ട്വിറ്ററിൽ ആളുകളുടെ പ്രധാന ചർച്ചാ വിഷയമായി മാറിയിരിക്കുകയാണ് ഇത്.

പ്രതീക്ഷ

എന്നാൽ തങ്ങളുടെ പങ്ക് കൃത്യമായി ചെയ്യാൻ ശ്രമിച്ച ചിലരും ഇന്ത്യയിലുണ്ട്. ഇൻഫോസിസ് സി‌എസ്‌ആർ വിഭാഗത്തിന്റെ നേതൃത്വത്തിൽ 20 കോടി രൂപയിൽ കർണാടകയിലെ 1,000 സർക്കാർ ഉന്നത പ്രൈമറി സ്‌കൂളുകളിൽ സ്മാർട്ട് ക്ലാസുകൾ സ്ഥാപിക്കുന്നതിന് സംസ്ഥാന വിദ്യാഭ്യാസ വകുപ്പിന് നൽകുമെന്ന് മാർച്ച് 12 ന് ഇൻഫോസിസ് ഫൌണ്ടേഷൻ പ്രഖ്യാപിച്ചിരുന്നു. കമ്പനികൾ‌ ലോകത്തിന് സംഭാവന നൽകുന്നത് തീർച്ചയായും നിർബന്ധമല്ലെങ്കിലും, നിങ്ങൾ‌ ഇന്നത്തെ സ്ഥാനത്തേക്ക് എത്താൻ‌ നിങ്ങളെ സഹായിച്ച ആളുകളെ സഹായിക്കുക എന്നത് ഒരു സാമൂഹിക ഉത്തരവാദിത്തമാണ്. കൊവിഡ് 19നെതിരായ പോരാട്ടത്തിൽ ഉടൻ തന്നെ എന്തെങ്കിലും ചെയ്യാൻ ഇന്ത്യയിലെ കോടീശ്വരന്മാരും പദ്ധതിയിടുമെന്ന് നമുക്ക് പ്രതീക്ഷിക്കാം.