സ്ഥിര നിക്ഷേപങ്ങൾക്ക് പലിശ 8.75% വരെ; എഫ്ഡി നിരക്കുകളിൽ മാറ്റം വരുത്തി ഈ 4 ബാങ്കുകൾ

സ്ഥിര നിക്ഷേപങ്ങളിലൂടെ ഉയർന്ന പലിശ വാഗ്‌ദാനം ചെയ്ത് ജനങ്ങളെ ആകർഷിക്കാൻ ബാങ്കുകൾ ശ്രമിക്കാറുണ്ട്. അതിനാൽതന്നെ, അവയുടെ പലിശ നിരക്കിൽ ബാങ്കുകൾ ഇടയ്ക്കിടെ മാറ്റം വരുത്താറുണ്ട്. മൂന്നു കോടിക്കു താഴെയുള്ള സ്ഥിര നിക്ഷേപങ്ങളുടെ പലിശ നിരക്കിൽ ചില ബാങ്കുകളിൽ മാറ്റം വരുത്തിയിട്ടുണ്ട്. ജൂലൈ 1 മുതൽ ഇവ പ്രാബല്യത്തിൽ വന്നു. സ്ഥിര നിക്ഷേപങ്ങൾക്ക് ഉയർന്ന പലിശ നിരക്ക് വാഗ്‌ദാനം ചെയ്യുന്ന ബാങ്ക് ഏതെന്ന് നോക്കാം.

ആക്‌സിസ് ബാങ്ക്

ആക്‌സിസ് ബാങ്ക് ഫിക്സഡ് ഡിപ്പോസിറ്റ് (എഫ്‌ഡി) പലിശ നിരക്ക് പുതുക്കിയിട്ടുണ്ട്. ജൂലൈ 1 മുതൽ പുതുക്കിയ നിരക്ക് നിലവിൽ വരുമെന്ന് ബാങ്കിന്റെ വെബ്സൈറ്റിൽ പറയുന്നു. മൂന്നു കോടിവരെയുള്ള സ്ഥിരനിക്ഷേപങ്ങൾക്കാണ് പുതുക്കിയ പലിശ നിരക്ക് ബാധകം. 5 മുതൽ 10 വർഷംവരെയുള്ള സ്ഥിര നിക്ഷേപങ്ങൾക്ക് മുതിർന്ന പൗരന്മാർക്ക് ഉയർന്ന പലിശ നിരക്കായ 7.75% ബാങ്ക് വാഗ്‌ദാനം ചെയ്യുന്നുണ്ട്. സാധാരണ പൗരന്മാർക്ക് 17 മാസത്തിനും 18 മാസത്തിനും ഇടയിലുള്ള നിക്ഷേപങ്ങൾക്കാണ് ഉയർന്ന പലിശ നിരക്ക് നൽകുന്നത്, 7.2%.

ഉജ്ജീവൻ സ്മോൾ ഫിനാൻസ് ബാങ്ക്

ഉജ്ജീവൻ സ്മോൾ ഫിനാൻസ് ബാങ്കിന്റെ സ്ഥിര നിക്ഷേപങ്ങൾക്കുള്ള പലിശ നിരക്കും ജൂലൈ 1 മുതൽ പ്രാബല്യത്തിൽ വരുമെന്ന് ബാങ്കിന്റെ വെബ്സൈറ്റിൽ പറയുന്നു. മൂന്നുകോടിവരെയുള്ള എഫ്ഡികൾക്കാണ് പുതുക്കിയ പലിശ നിരക്ക് ബാധകമാവുക. മുതിർന്ന പൗരന്മാർക്ക് ഏറ്റവും ഉയർന്ന പലിശ നിരക്ക് ബാങ്ക് വാഗ്‌ദാനം ചെയ്യുന്നത് 12 മാസ കാലയളവിലുള്ള നിക്ഷേപങ്ങൾക്കാണ്, 8.75%. സാധാരണ പൗരന്മാർക്ക് 12 കാലയളവിലെ നിക്ഷേപങ്ങൾക്ക് ബാങ്ക് 8.25% പലിശയാണ് ബാങ്ക് നൽകുന്നത്.

ഐസിഐസിഐ ബാങ്ക്

ഐസിഐസിഐ ബാങ്കും സ്ഥിര നിക്ഷേപങ്ങളുടെ പലിശ നിരക്കിൽ മാറ്റം വരുത്തിയിട്ടുണ്ട്. ജൂലൈ 1 മുതൽ ഇവ പ്രാബല്യത്തിൽ വരുമെന്ന് ബാങ്കിന്റെ വെബ്സൈറ്റിലുണ്ട്. മൂന്നു കോടിവരെയുള്ള നിക്ഷേപങ്ങളുടെ പലിശ നിരക്കിലാണ് മാറ്റം. മുതിർന്ന പൗരന്മാർക്ക് 15 മാസത്തിനും കുറഞ്ഞത് 18 മാസത്തിനും ഇടയിലുള്ള നിക്ഷേപങ്ങൾക്ക് നൽകുന്നതാണ് ഏറ്റവും ഉയർന്ന പലിശ നിരക്ക്, 7.75%. സാധാരണ പൗരന്മാർക്ക് 15 മാസം മുതൽ 2 വർഷംവരെയുള്ള നിക്ഷേപങ്ങൾക്ക് നൽകുന്നതാണ് ഏറ്റവും ഉയർന്ന പലിശ നിരക്ക്, 7.2%.

പഞ്ചാബ് ആൻഡ് സിന്ധ് ബാങ്ക്

പഞ്ചാബ് ആൻഡ് സിന്ധ് ബാങ്കുകളുടെ മാറ്റം വരുത്തിയ എഫ്ഡി പലിശ നിരക്ക് ജൂലൈ 1 മുതൽ പ്രാബല്യത്തിൽ വരുമെന്ന് വെബ്സൈറ്റിൽ പറയുന്നു. മൂന്നു കോടിവരെയുള്ള നിക്ഷേപങ്ങളുടെ പലിശ നിരക്കിലാണ് ബാങ്ക് മാറ്റം വരുത്തിയിട്ടുള്ളത്. മുതിർന്ന പൗരന്മാർക്ക് 666 ദിവസ കാലയളവിലുള്ള നിക്ഷേപങ്ങൾക്ക് ഉയർന്ന പലിശ നിരക്കായ 7.80% ബാങ്ക് വാഗ്‌ദാനം ചെയ്യുന്നുണ്ട്. സാധാരണ പൗരന്മാർക്കും ഇതേ കാലയളവിലുള്ള നിക്ഷേപങ്ങൾക്ക് ബാങ്ക് ഉയർന്ന പലിശ നൽകുന്നുണ്ട്, 7.3%.

ബാങ്ക് ഓഫ് ഇന്ത്യ

ബാങ്ക് ഓഫ് ഇന്ത്യ എഫ്ഡി പലിശ നിരക്കിൽ മാറ്റം വരുത്തിയത് ജൂലൈ 30 ന് പ്രാബല്യത്തിൽ വന്നിട്ടുണ്ട്. മൂന്നുകോടിവരെയുള്ള നിക്ഷേപങ്ങളുടെ പലിശ നിരക്കിലാണ് ബാങ്ക് മാറ്റം വരുത്തിയിട്ടുള്ളത്. മുതിർന്ന പൗരന്മാർക്ക് 666 ദിവസ കാലയളവിലുള്ള നിക്ഷേപങ്ങൾക്ക് 7.80% ബാങ്ക് വാഗ്‌ദാനം ചെയ്യുന്നുണ്ട്. സാധാരണ പൗരന്മാർക്കും ഇതേ കാലയളവിലുള്ള നിക്ഷേപങ്ങൾക്ക് ബാങ്ക് 7.3% ഉയർന്ന പലിശ നൽകുന്നുണ്ട്.