കാലുറച്ചില്ല പൊന്നിന്! കേരളപ്പിറവി ദിനത്തിൽ സ്വർണ വില ഇടിഞ്ഞു, ആഭരണപ്രേമികൾക്ക് സന്തോഷവാർത്ത

കേരളപ്പിറവി ദിനത്തിൽ ആശ്വാസമായി സ്വർണ വില. ഇന്നലെ വില രണ്ട് തവണ കൂടിയെങ്കിൽ ഇന്ന് ദേ വീണ്ടും വില കുറഞ്ഞിരിക്കുന്നു. സ്വർണാഭരണപ്രേമികൾക്കും വിവാഹ പാർട്ടികൾക്കും ഇത് ആശ്വാസമാവുന്നു. ഇന്ന് പവന് 200 രൂപ കുറഞ്ഞു. ഒരുപക്ഷേ ട്രെൻഡ് ആവർത്തിച്ചാൽ ഉച്ചയോടെ വീണ്ടും ഇടിഞ്ഞേക്കാം. സ്വർണം വാങ്ങാൻ പ്ലാനുണ്ടെങ്കിൽ ഇന്ന് ജ്വല്ലറികളിലേക്ക് വിട്ടോളൂ. ഇന്നലെ വിലക്കുറവ് കേരളപ്പിറവി ദിനത്തിലെ സമ്മാനമായി കണക്കാക്കാം.

ആ​ഗോള തലത്തിലെ മാറ്റങ്ങളാണ് സ്വർണ വിലയിലെ ഈ ചാഞ്ചാട്ടത്തിന് കാരണമാവുന്നത്. സ്വർണ നിക്ഷേപങ്ങളിൽ നിന്നുള്ള ലാഭമെടുപ്പും, ഡോളറിൻ്റെ മൂല്യം വർദ്ധിക്കുന്നതും, മറ്റു സംഭവങ്ങളുമെല്ലാം സ്വർണ വിലയെ തളർത്തുന്ന ഘടകങ്ങളാണ്.

ഓരോ ദിവസവും സ്വർണ വില മാറി മറിയുന്നു. ഒക്ടോബർ 29ന് സ്വർണ വില ഉയർന്നപ്പോൾ ഒക്ടോബർ 30ന് വില കുറഞ്ഞു. ഇന്നലെ ഒക്ടോബർ 31ന് വീണ്ടും രണ്ട് തവണ വില ഉയർന്നപ്പോൾ ഇന്ന് സ്വർണ വില ഇടിയുന്നു. എങ്കിൽ നാളെ വീണ്ടും വില ഉയരുമോ?

ഇന്നത്തെ സ്വർണ വില

ഇന്ന് ഒരു ഗ്രാമിന് 25 രൂപ കുറഞ്ഞ് 11,275 രൂപയായി. ഒരു പവന് 200 രൂപ കുറഞ്ഞ് 90,200 രൂപയായി. ഇന്നത്തെ വിലപ്രകാരം 10 ഗ്രാം സ്വർണം വാങ്ങാൻ 1,12,750 രൂപയാവുന്നു. 24 കാരറ്റ് സ്വർണം ഒരു ഗ്രാമിന് 12,300 രൂപയും പവന് 98,400 രൂപയുമാവുന്നു. 18 കാരറ്റിന് ഒരു ഗ്രാമിന് 9225 രൂപയും പവന് 73,800 രൂപയുമാണ്.

രാജ്യാന്തര സ്വർണ വില ഇന്ന് കാര്യമായ കുതിച്ചുകയറ്റം ഇല്ല. അതാണ് കേരളത്തിലും സ്വർണ വില കുറയാൻ കാരണമായത്. ഇന്ന് രാജ്യാന്തര സ്വർണ വില 4,002.93 ഡോളറിലാണുള്ളത്.

ഇന്ന് വില കുറഞ്ഞു

ഇന്ന് സ്വർണ വില കുറഞ്ഞത് അപ്രതീക്ഷിതം. ഇന്നലെ ശക്തമായി രണ്ട് തവണ വില കുതിച്ചിരുന്നു. ഇന്ന് ആഭ്യന്തര വിപണിയിൽ നേരിയ ഇടിവാണ് സംഭവിച്ചിരിക്കുന്നത്. സ്വർണത്തിൽ നിന്നുള്ള ലാഭമെടുപ്പാണ് സ്വർണ വിലയെ തളർത്തുന്നത്. ഇന്ന് രണ്ടാം തവണയും വില ഉയർന്നതോടെ പവൻ വില വീണ്ടും 90,000 കടന്ന് മുന്നേറിയിരുന്നു.

സ്വർണാഭരണം വാങ്ങാൻ എത്ര രൂപ വേണം?

ഇന്ന് സ്വർണ വില കുറഞ്ഞിട്ടുണ്ട്. ഇന്നത്തെ വിലക്കൊപ്പം 5% പണിക്കൂലി, 3% ജി.എസ്.ടി, ഹോൾമാർക്ക് ചാർജ് (53.10 രൂപ) എന്നീ ചാർജുകൾ ഈടാക്കിയാൽ ഒരു പവൻ സ്വർണാഭരണം വാങ്ങാൻ ഏകദേശം 97,600 രൂപ നൽകേണ്ടി വരും. ഒരു ഗ്രാം ആഭരണത്തിന് ഏകദേശം 12,240 രൂപയും കരുതേണ്ടി വരും. ഇന്ന് സ്വർണ വിലയിൽ കുറവുണ്ടായതിനാൽ സ്വർണാഭരണം വാങ്ങാനുള്ള ആവേശവും വർദ്ധിക്കും. മാസം ആരംഭിക്കുന്ന ദിനത്തിൽ തന്നെ വില കുറഞ്ഞത് ആശ്വാസകരമാണ്.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.