ഈ ഓട്ടോ സ്റ്റോക്കിൽ നിക്ഷേപമുണ്ടോ, 40% നഷ്ടം സംഭവിച്ചേക്കാം, കാരണങ്ങൾ നിരത്തി ബ്രോക്കറേജ്

ക്യു1 റിസൾട്ട് പുറത്ത് വന്നതിന് പിന്നാലെ വലിയ ഇടിവ് സംഭവിച്ചിരിക്കുകയാണ് എസ്കോർട്ട്സ് കുബോട്ട ലിമിറ്റഡ് ഓഹരികൾക്ക്. വെള്ളിയാഴ്ച 6.02 ശതമാനത്തോളം ഇടിഞ്ഞു. കഴിഞ്ഞ അഞ്ച് ദിവസത്തിനിടെ 6.43 ശതമാനം നഷ്ടവും ഓഹരി നേരിട്ടു. പ്രതീക്ഷിച്ച ക്യു1 റിസൾട്ട് ലഭിക്കാതായതോടെ പല ബ്രോക്കറേജ് സ്ഥാപനങ്ങളും ഓഹരിയുടെ റേറ്റിംഗ് താഴ്ത്തിയിട്ടുണ്ട്. നമുക്ക് വിശദമായി പരിശോധിക്കാം.

എസ്‌കോര്‍ട്ട്സ് കുബോട്ട

കാര്‍ഷികാനുബന്ധ, വാഹന, നിര്‍മാണ മേഖലയിലേക്ക് ആവശ്യമായ ഉപകരണങ്ങളും ഭാരമേറിയ വസ്തുക്കള്‍ കൈകാര്യം ചെയ്യുന്ന ക്രെയിന്‍ പോലെയുള്ള യന്ത്രങ്ങളും റെയില്‍വേയ്ക്ക് വേണ്ട എയര്‍ ബ്രേക്ക്, ഗിയര്‍ അനുബന്ധ ഉപകരണങ്ങളും നിര്‍മിക്കുന്ന ബഹുരാഷ്ട്ര കമ്പനിയാണ് എസ്‌കോര്‍ട്ട്സ് കുബോട്ട. ലോകത്തിലെ വലിപ്പമേറിയ 'പിക്ക് ആന്‍ഡ് ക്യാരി' വിഭാഗത്തിലുള്ള ഹൈഡ്രോളിക് മൊബൈല്‍ ക്രെയിന്‍ നിര്‍മിക്കുന്ന കമ്പനി കൂടിയാണിത്.

ക്യു1 റിസൾട്ട്

289.55 കോടി രൂപയുടെ അറ്റാദായമാണ് ജൂൺ പാദത്തിൽ എസ്‌കോര്‍ട്ട്സ് കുബോട്ട റിപ്പോർട്ട് ചെയ്തത്. വാർഷിക വരുമാനം 2327.74 കോടി രൂപയിൽ നിന്ന് 2024 ജൂൺ പാദത്തിൽ 2292.54 കോടി രൂപയായി കുറഞ്ഞു. എന്നിരുന്നാലും, ഇപിഎസ് 2023 ജൂൺ പാദത്തിൽ ഒരു ഓഹരിയൊന്നിന് 23.18 രൂപയിൽ നിന്ന് 2024 ജൂൺ പാദത്തിൽ ഒരു ഷെയറിന് 26.69 രൂപയായി ഉയർന്നു.

ഓഹരി വിപണിയിലെ പ്രകടനം

എൻഎസ്ഇയിൽ 3,900 രൂപയാണ് ഓഹരിയുടെ വില. കഴിഞ്ഞ ഒരു മാസത്തിനിടെ 5.48 ശതമാനം ഇടിവ് ഓഹരി നേരിട്ടു. അതേസമയം ആറ് മാസത്തിനിടെ 32.45 ശതമാനം മുന്നേറ്റമുണ്ടാക്കാൻ ഓഹരിക്ക് സാധിച്ചിട്ടുണ്ട്. 50.10 ശതമാനം വളർച്ചയാണ് കഴിഞ്ഞ ഒരു വർഷത്തിനിടെ ഓഹരി നേടിയത്.

ബ്രോക്കറേജ് വിലയിരുത്തൽ

താഴ്ന്ന വോള്യങ്ങളുടെ പിൻബലത്തിൽ ബ്രോക്കറേജുകൾ ഓഹരിയിൽ പോസിറ്റീവ് അല്ല. ആഗോള ബ്രോക്കറേജായ ജെപി മോർഗൻ 'അണ്ടർ വെയ്റ്റ്' റേറ്റിംഗാണ് നൽകിയത്. 2390 രൂപയാണ് ടാർഗെറ്റ് വില. ഇത് ഓഗസ്റ്റ് 1 ലെ ക്ലോസിംഗ് വിലയിൽ നിന്ന് 42% കുറവുണ്ടാകുമെന്ന് സൂചിപ്പിക്കുന്നു. സിഎൽഎസ്എ 2,439 രൂപയുടെ 'അണ്ടർ പെർഫോം' റേറ്റിംഗാണ് ഓഹരിക്ക് നൽകിയിരിക്കുന്നത്.

അതേസമയം, മോത്തിലാൽ ഓസ്വാളിന് കമ്പനിയിൽ 'ന്യൂട്രൽ' റേറ്റിംഗ് ഉണ്ട്. ടാർഗെറ്റ് വില 3,725 രൂപയാണ്. ഇത് ഓഗസ്റ്റ് 1 ലെ ക്ലോസിംഗ് വിലയിൽ നിന്ന് 10 ശതമാവം കുറവുണ്ടാകുമെന്ന് സൂചിപ്പിക്കുന്നു. മോത്തിലാൽ ഓസ്വാൾ പറയുന്നതനുസരിച്ച്, എസ്കോർട്ട്സ് കുബോട്ടയുടെ ആദ്യ പാദ സംഖ്യകൾ അതിൻ്റെ എസ്റ്റിമേറ്റിന് അനുസൃതമായിരുന്നു. അഗ്രി, റെയിൽവേ സെഗ്‌മെൻ്റ് മാർജിനുകൾ നേരിയ തോതിൽ കുറഞ്ഞപ്പോൾ, 2025 സാമ്പത്തിക വർഷത്തിൻ്റെ ആദ്യ പാദത്തിൽ നിർമ്മാണ ഉപകരണ വിഭാഗം ആരോഗ്യകരമായ മാർജിൻ വിപുലീകരണം രേഖപ്പെടുത്തി.

കറുത്ത വെള്ളി

ദുർബലമായ ആഗോള സൂചനകൾക്കിടയിൽ ബോർഡ് വിൽപനയിൽ ആഗസ്ത് 2 വെള്ളിയാഴ്ച, ഇന്ത്യൻ സ്റ്റോക്ക് മാർക്കറ്റ് ബെഞ്ച്മാർക്കുകൾ - സെൻസെക്സും നിഫ്റ്റി 50 ഉം - 1 ശതമാനത്തിലധികം ഇടിഞ്ഞു. സെൻസെക്‌സ് 886 പോയിൻ്റ് അഥവാ 1.08 ശതമാനം താഴ്ന്ന് 80,981.95 ലും നിഫ്റ്റി 50 293 പോയിൻ്റ് അഥവാ 1.17 ശതമാനം നഷ്ടത്തിൽ 24,717.70 ലും ക്ലോസ് ചെയ്തു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.