അണ്‍ലിമിറ്റഡ് കോളുകള്‍ക്കുണ്ടായിരുന്ന പരിധി എടുത്തുമാറ്റി ബിഎസ്എന്‍എല്‍

കൊച്ചി: അണ്‍ലിമിറ്റഡ് കോളുകള്‍ക്കുണ്ടായിരുന്ന പരിധി എടുത്തു മാറ്റി ബി എസ് എന്‍ എല്‍. നേരത്തെ അണ്‍ ലിമിറ്റഡ് ഫോണ്‍ കോള്‍ ഓഫര്‍ ചെയ്യുന്നവര്‍ക്ക് ഒരു ദിവസം 250 മിനിറ്റ് മാത്രമായിരുന്നു സൗജന്യമായി വിളിക്കാന്‍ സാധിച്ചിരുന്നത്. ഈ മിനിറ്റ് സമയം കഴിഞ്ഞാല്‍ പിന്നീടങ്ങോട്ട് വിളിക്കുന്ന ഒരോ മിനിറ്റിനും പൈസ ഈടാക്കിയിരുന്നു. ഉപഭോക്താവ് റീച്ചാര്‍ജ് ചെയ്ത പ്ലാനിന് അനുസരിച്ചായിരുന്നു തുക ഈടാക്കിയത്.

കാലങ്ങളായി നിലനിന്നിരുന്ന ഈ നിബന്ധന ഇപ്പോള്‍ എടുത്തുമാറ്റിയിരിക്കുകയാണ് ബിഎസ്എന്‍എല്‍. ഈ ഓഫര്‍ ഇന്ന് മുതല്‍ പ്രബല്യത്തില്‍ വരുമെന്നാണ് റിപ്പോര്‍ട്ട്. ഇതോടെ അണ്‍ലിമിറ്റഡ് കോള്‍ ഓഫര്‍ എടുക്കുന്ന ബിഎസ്എന്‍എല്ലിന്റെ എല്ലാ പോസ്റ്റ് പെയ്ഡ് , പ്രീ പെയ്ഡ്, ഉപയോക്താക്കള്‍ക്കും ദിവസം മുഴുവന്‍ സൗജന്യമായി വിളിക്കാന്‍ സാധിക്കും.