ബജറ്റ് 2021: 50ലധികം ഇനങ്ങളുടെ ഇറക്കുമതി തീരുവ 5-10 ശതമാനം ഉയർത്താൻ സാധ്യത

വരാനിരിക്കുന്ന ബജറ്റിൽ സ്മാർട്ട്‌ഫോണുകൾ, ഇലക്‌ട്രോണിക് ഘടകങ്ങൾ, ഉപകരണങ്ങൾ എന്നിവയുൾപ്പെടെ 50 ലധികം ഇനങ്ങളുടെ ഇറക്കുമതി തീരുവ 5-10 ശതമാനം വരെ ഉയർത്താൻ ആലോചിക്കുന്നതായി സർക്കാർ വൃത്തങ്ങൾ റോയിട്ടേഴ്‌സിനോട് പറഞ്ഞു. ആഭ്യന്തര ഉൽ‌പാദനത്തെ പ്രോത്സാഹിപ്പിക്കുകയും പിന്തുണയ്‌ക്കുകയും ചെയ്യുകയെന്ന ലക്ഷ്യത്തോടെ പ്രധാനമന്ത്രി നരേന്ദ്ര മോദിയുടെ സ്വാശ്രയ ഇന്ത്യ കാമ്പയിനിന്റെ ഭാഗമായാണ് ഇറക്കുമതി തീരുവ വർദ്ധിപ്പിക്കാനുള്ള നീക്കം.

ലക്ഷ്യം അധിക വരുമാനം

എന്നാൽ ഈ ചർച്ചകൾ പരസ്യമല്ലാത്തതിനാൽ വിവരം നൽകിയ ബന്ധപ്പെട്ട വൃത്തങ്ങൾ പേര് വെളിപ്പെടുത്തരുതെന്ന് ആവശ്യപ്പെട്ടതായി റോയിട്ടേഴ്സ് റിപ്പോ‌‍ർട്ട് ചെയ്തു. ഇതുവഴി ഏകദേശം 270 കോടി രൂപ മുതൽ 280 കോടി രൂപ വരെ (2.7 ബില്യൺ മുതൽ 2.8 ബില്യൺ ഡോളർ വരെ) അധിക വരുമാനം ലക്ഷ്യമിടാനാണ് സർക്കാർ ശ്രമിക്കുന്നതെന്ന് ഒരു വൃത്തങ്ങൾ അറിയിച്ചു. സമ്പദ്‌വ്യവസ്ഥയെ ബാധിച്ച കൊറോണ മൂലമുണ്ടായ മാന്ദ്യത്തിനിടയിൽ വരുമാനം വർധിപ്പിക്കുകയാണ് സ‍ർക്കാരിന്റെ ലക്ഷ്യം.

തീരുവ വർദ്ധനവ്

തീരുവ വർദ്ധനവ് ഫർണിച്ചറുകളെയും ഇലക്ട്രിക് വാഹനങ്ങളെയും ബാധിക്കുമെന്നും സർക്കാർ വൃത്തങ്ങൾ പറഞ്ഞു. സ്വീഡിഷ് ഫർണിച്ചർ നിർമാതാക്കളായ ഐകിയ, ടെസ്‌ല എന്നിവരെ ഈ വർഷം ഇന്ത്യയിൽ വിപണിയിലെത്തിക്കാൻ ഒരുങ്ങുകയാണ്. ഫർണിച്ചർ, ഇലക്ട്രിക് വാഹനങ്ങൾ എന്നിവയ്ക്ക് തീരുവ വർദ്ധനവ് എത്രമാത്രം ആസൂത്രണം ചെയ്തിട്ടുണ്ടെന്ന് അധികൃതർ വ്യക്തമാക്കിയിട്ടില്ല.

വിദേശ കമ്പനികൾക്ക് തിരിച്ചടി

തങ്ങളുടെ ഉൽപ്പന്നങ്ങൾ ഇതിനകം ഇന്ത്യയിൽ അഭിമുഖീകരിക്കുന്ന കുത്തനെയുള്ള ഡ്യൂട്ടി ഘടനയെക്കുറിച്ച് ഐകിയ, ടെസ്ല എക്സിക്യൂട്ടീവുകൾ മുമ്പ് ആശങ്ക പ്രകടിപ്പിച്ചിരുന്നു. കുത്തനെയുള്ള തീരുവകളെ ആകർഷിക്കാൻ സാധ്യതയുള്ള ഇനങ്ങളുടെ പട്ടികയിൽ റഫ്രിജറേറ്ററുകൾ, എയർകണ്ടീഷണറുകൾ തുടങ്ങിയ ഉപകരണങ്ങളും ഉൾപ്പെടുമെന്നാണ് വിവരം.

ബജറ്റ് ഫെബ്രുവരി 1 ന്

ഏപ്രിൽ ഒന്നിന് ആരംഭിക്കുന്ന 2021-22 സാമ്പത്തിക വർഷത്തേക്കുള്ള സർക്കാരിന്റെ വാർഷിക ഫെഡറൽ ബജറ്റ് ഫെബ്രുവരി 1 ന് ഇന്ത്യയുടെ ധനമന്ത്രി അവതരിപ്പിക്കും. നടപ്പ് സാമ്പത്തിക വർഷത്തിൽ 7.7 ശതമാനം സാമ്പത്തിക സങ്കോചത്തിന്റെ നിഴലിനിടയിലാണ് ധനമന്ത്രി നിർമ്മല സീതാരാമൻ ഫെബ്രുവരി ഒന്നിന് ബജറ്റ് അവതരിപ്പിക്കുന്നത്.

പ്രാദേശിക ഉൽ‌പാദന ലക്ഷ്യം

വിദേശ കമ്പനികളോട് വിവേചനം കാണിക്കുന്നുവെന്ന വ്യവസായ ഉദ്യോഗസ്ഥർ പറയുന്ന നിരവധി നടപടികളാണ് ഇന്ത്യ അടുത്ത കാലത്തായി സ്വീകരിച്ചിട്ടുള്ളത്. പ്രാദേശിക ഉൽ‌പാദനത്തിനുള്ള ലക്ഷ്യം നേടുന്നതിന് ഇന്ത്യയെ പ്രോത്സാഹിപ്പിക്കുന്നതിനും ആഭ്യന്തര ബിസിനസുകളെ പിന്തുണയ്ക്കുന്നതിനും ഇത്തരം നികുതികൾ അനിവാര്യമാണെന്ന് സർക്കാർ ഉദ്യോഗസ്ഥർ പറയുന്നു.